ဘုရားဖူးလာတဲ့ကား ဘီးပေါက်ပြီး လမ်းဘေးဓာတ်တိုင်ကို ဝင်တိုက်မိလို့ ကလေးငယ်တွေ အပါအဝင် ၁၁ ဦး ထိခိုက်ဒဏ်ရာရ
အောက်တိုဘာ ၂၄
မော်လမြိုင်ကနေ ကျိုက္ခမီကို ဘုရားဖူးသွားတဲ့ ကားဘီးပေါက်ကာ ကလေးငယ်တွေ အပါအဝင် ခရီးသည် ၁၁ ဦး ထိခိုက်ဒဏ်ရာ ရခဲ့တယ်လို့ သိရပါတယ်။
အောက်တိုဘာလ ၂၄ ရက်နေ့၊ မနက် ၆ နာရီခန့်က မော်လမြိုင်မြို့၊ ကြားအင်းရပ်ကွက်၊ ကုတင်(၃၀၀) ဆေးရုံအနီး၊ မော်လမြိုင်-မုဒုံ လမ်းမကြီးပေါ်မှာ မော်လမြိုင်မြို့၊ ခရွမ်းရှမ်းရွာကနေ ကျိုက္ခမီဘုရားဖူးလာတဲ့ Hijet မော်တော်ယာဉ် ရှေ့ဘီးပေါက်ကာ လမ်းဘေးဓာတ်တိုင်ကို ဝင်တိုက်ခဲ့တာလို့ သိရပါတယ်။
“လက်ကျိုး၊ ခေါင်းပေါက်တဲ့သူတွေနဲ့ ခါးအဆစ်လွဲတဲ့သူတွေလည်းရှိတယ်။ အသက်အန္တရာယ် မရှိနိုင်ဘူးလို့ ထင်တယ်။ ဘီးပေါက်ပြီး မှောက်တာ၊ ကားပေါ်ကလူတွေ လွင့်ကျသွားတယ်” လို့ မျက်မြင်တွေ့ရှိသူ ဒေသခံတဦးက ပြောပါတယ်။
ယာဉ်တိမ်းမှောက်မှုကြောင့် ယာဉ်မောင်း အပါအဝင် ယာဉ်ပေါ်ပါလာတဲ့ အမျိုးသား ၃ ဦး၊ အမျိုးသမီး ၄ ဦးနဲ့ ကလေးငယ် ၄ ဦး ထိခိုက်ဒဏ်ရာ ရရှိခဲ့တယ်လို့ သိရပြီး ထိခိုက်ဒဏ်ရာရသူတွေကို အရေးပေါ်ယာဉ် ၅ စီးနဲ့ အနီးအနားရှိ ကုတင်(၃၀၀)ဆေးရုံကြီးကို ပို့ဆောင်ခဲ့ကြတယ်လို့ သိရပါတယ်။
အလားတူ အောက်တိုဘာလ ၂၄ ရက် ဒီကနေ့ မနက်ပိုင်း ၅ နာရီခွဲကလည်း ရှမ်းပြည်နယ်တောင်ပိုင်း၊ ဟဲဟိုးမြို့မှာ ခရီးသည်တင်ယာဉ်တစီး ကလော-တောင်ကြီး ပြည်ထောင်စုလမ်းမကြီး၊ မိုင်တိုင်အမှတ် ၈၇/၆ နဲ့ ၈၇/၆ အကြား၊ သီခေါင်တောင်အဆင်းအကွေ့ အနီးအရောက်မှာ ဘရိတ်ပေါက်ကာ တိမ်းမှောက်မှု ဖြစ်ပွားခဲ့တာကြောင့် အမျိုးသမီး ၂ ဦး ထိခိုက်ဒဏ်ရာ ရရှိခဲ့သေးတယ်လို့ သိရပါတယ်။
မြို့တော် News Channel
ပြည်တွင်းသတင်း
မိခင်ဖြစ်သူ ဒေါ်အောင်ဆန်းစုကြည်ရဲ့ အသံကို ၅ နှစ်ကျော်ကြာမှ ပြန်ကြားခွင့်ရခဲ့ပေမဲ့ မိခင်ရဲ့ လက်ရှိအခြေအနေဟာ ပြောင်းလဲမှုမရှိသေးဘူးလို့ ဒေါ်အောင်ဆန်းစုကြည်ရဲ့ သားဖြစ်သူ ကိုထိန်လင်း (ခေါ်) ကင်မ်အဲရစ်…
ပြည်တွင်းသတင်း
အာဏာသိမ်းစစ်တပ်ကို တစိုက်မတ်မတ် ထောက်ခံခဲ့ဖူးသူ ပြည်သူ့ကျောင်းသား ငြိမ်းချမ်းရေးအဖွဲ့ (PPSA) ခေါင်းဆောင် စိုးသန်းနိုင်ကို ဆက်သွယ်ရေးဥပဒေပုဒ်မ ၆၆(ဃ) နဲ့ ဖမ်းဝရမ်းထုတ်ခဲ့ပြီးနောက် တရားမဝင် လက်နက်ကိုင်ဆောင်မှု၊…
ပြည်တွင်းသတင်း
ရန်ကုန်နဲ့ မန္တလေးမြို့တွေမှာ စစ်မှုထမ်းအတွက် လူငယ်တွေကို ပေါ်တာဆွဲဖမ်းဆီးတာတွေ ဆက်တိုက်ဖြစ်ပွားနေပြီး မန္တလေးမှာ တက္ကသိုလ်ကျောင်းသားတဦး ဖမ်းဆီးခံရသလို ရန်ကုန်မှာလည်း Smart Card နဲ့ Passport…
ပြည်တွင်းသတင်း
ပဲခူးမြို့၊ ဥဿာမြို့သစ်နယ်မြေ၊ ဥဿာမြို့သစ်(၉)ရပ်ကွက်ရှိ ပဲခူးကနေ ရန်ကုန်ဘက်ကိုထွက်တဲ့ လာဂမိုတိုးလ်ဂိတ်မှာ ယာဉ် ၃ စီးဆင့်တိုက်မှု ဖြစ်ပွားခဲ့တယ်လို့ သိရပါတယ်။
