ဒီပဲယင်းမြို့နယ်က ရွာတရွာမှာ တိမ်းရှောင်နေတဲ့ နိုင်ငံရေးအကျဥ်းသား အိမ် မီးရှို့ခံရ
စက်တင်ဘာ ၁
စစ်ကိုင်းတိုင်း၊ ဒီပဲယင်းမြို့နယ်က ကျေးရွာတရွာမှာ နိုင်ငံရေးအကျဥ်သား တဦးရဲ့ နေအိမ်ကို မသမာသူ လူတစုက ဩဂုတ်လ ၃၀ ရက်နေ့ ည ၁၂ နာရီခန့်မှာ မီးရှို့သွားတာ ခံခဲ့ရတယ်လို့ သိရပါတယ်။
ဒီပဲယင်းမြို့နယ်က ကျေးရွာတရွာမှာ လာရောက်တိမ်းရှောင်နေပြီး ဈေးဆိုင်ဖွင့်ကာ အသက်မွေးဝမ်းကျောင်း ပြုနေတဲ့ နိုင်ငံရေး အကျဥ်းသားဟောင်းရဲ့ နေအိမ်ကို အမည်မသိ လူတစုက မိသားစုဝင်တွေ အိပ်ပျော်နေချိန် မီးရှို့ခံခဲ့ရတယ်လို့ သိရပါတယ်။
"မီးရှို့ခံရတဲ့အိမ်က နိုင်ငံရေးအကျဥ်းသား အိမ်ပါ၊ ၅၀ ည နဲ့ မန္တလေးအိုးဘိုထောင်မှာ ၁၅ နှစ် အကျခံခဲ့ရတဲ့ သူပါ၊ လွတ်ငြိမ်းနဲ့ မတ်လ ၂ ရက် တောင်သူလယ်သမားနေ့ကမှ လွတ်လာပြီး မိသားစုလိုက် ဒီမှာလာရှောင်နေကြတာ၊ သူတို့ အိပ်ပျော်နေချိန် မီးနဲ့ ပစ်ပြီး ထွက်ပြေးသွားတာ" လို့ ဒေသခံတဦးက ပြောပါတယ်။
မီးရှို့ခံရချိန် နေအိမ်ထဲမှာ အိပ်ပျော်နေတဲ့ အသက် ၁ နှစ်အရွယ် ကလေးငယ်တစ်ဦးနဲ့ မိန်းကလေး ၄ ဦးသာ ရှိနေခဲ့ပြီး မီးလောင်နေတဲ့ အိမ်ထဲကနေ အသက်လု ထွက်ပြေးခဲ့ရတယ်လို့ သိရပါတယ်။
နေအိမ်မီးလောင်မှုကြောင့် ငွေကျပ် သိန်း ၈၀ ကျော်၊ ဆိုင်ကယ် ၂ စီး၊ စက်ဘီး ၁ စီး၊ ရေခဲသေတ္တာတလုံးနဲ့ တခြားလျှပ်စစ်ပစ္စည်းတွေ ဆုံးရှုံးခဲ့ပြီး စုစုပေါင်း ကာလတန်ဖိုး သိန်း ၄၀၀ ခန့် ဆုံးရှုံးခဲ့တယ်လို့ သိရပါတယ်။
မြို့တော် News Channel
ပြည်တွင်းသတင်း
ရန်ကုန်တိုင်း၊ အင်းစိန်မြို့နယ်၊ ဒညင်းကုန်းရပ်ကွက်က အရန်မီးသတ် အရာရှိတဦးရဲ့ နေအိမ်ကို ဩဂုတ်လ ၂၅ ရက်နေ့ ညနေ ၄ နာရီခန့်မှာ အာဏာသိမ်း စစ်အစိုးရ…
ပြည်တွင်းသတင်း
မန္တလေးမြို့မှာ ကားရှေ့ရပ်ထားတဲ့ ဆိုင်ကယ်ကို ဖယ်ခိုင်းရာက စကားများပြီး ကားနဲ့ ဆိုင်ကယ်တွေကို တက်ကြိတ်တဲ့ဖြစ်စဉ် ဒီကနေ့မနက်က ဖြစ်ပွားခဲ့တယ်လို့ သိရပါတယ်။
ပြည်တွင်းသတင်း
နေပြည်တော်ရှိ Naypyitaw State Academy ဘွဲ့နှင်းသဘင်ခန်းမမှာ တက္ကသိုလ်ဝင် စာမေးပွဲနှင့် စက်မှု၊ စိုက်ပျိုး၊ မွေးမြူရေး တက္ကသိုလ်ဝင်စာမေးပွဲတို့မှာ ထူးချွန်စွာ အောင်မြင်ခဲ့တဲ့ ကျောင်းသား၊…
ရုပ်သံ
ပြည်တွင်းသတင်း
စစ်သားစုဆောင်းရေးအဖွဲ့ အယောင်ဆောင်ကာ လူငယ်တွေကို ဖမ်းဆီးရောင်းစားတဲ့အဖွဲ့ ဖမ်းမိတဲ့သတင်းနှင့်အတူ မြို့တော်ရဲ့နေ့လယ်ခင်းသတင်းတင်ဆက်မှု ၂၀၂၆ ခုနှစ် စက်တင်ဘာလ ၁ ရက်နေ့သတင်းများ နားဆင်နိုင်ပါပြီ
