ရွေးကောက်ပွဲကော်မရှင် ဥက္ကဌ အရက်အမူးလွန်ပြီး ရေမြောင်းအတွင်း ပြုတ်ကျ သေဆုံးတယ်လို့ဆို

ရွေးကောက်ပွဲကော်မရှင် ဥက္ကဌ အရက်အမူးလွန်ပြီး ရေမြောင်းအတွင်း ပြုတ်ကျ သေဆုံးတယ်လို့ဆို

အောက်တိုဘာ ၁၃

ချင်းပြည်နယ်၊ ဖလမ်းမြို့နယ် ရွေးကောက်ပွဲကော်မရှင် ဥက္ကဌဖြစ်သူ ဦးမျိုးမင်းစိုးကို ရပ်ကွက်ရုံးအနီးက ရေမြောင်းအတွင်းမှာ သေဆုံးလျက် တွေ့ရှိခဲ့တယ်လို့ ဒေသတွင်းသတင်းအရင်းမြစ်တွေထံက သိရပါတယ်။

အောက်တိုဘာလ ၁၂ ရက်နေ့ မနက်ပိုင်း ၈ နာရီခန့်မှာ သေဆုံးလျက်တွေ့ရှိခဲ့ကြတာလို့ သိရပြီး အောက်တိုဘာလ ၁၁ ရက်နေ့ ညပိုင်းကတည်းက Dawrhlun ရပ်ကွက်ရုံးအနီးက မြောင်းထဲကို အရက်အမူးလွန်ပြီး ပြုတ်ကျနေခဲ့တာ ဖြစ်တယ်လို့ ဆိုပါတယ်။

ဦးမျိုးမင်းစိုး သေဆုံးချိန်မှာ အသက် ၅၀ ခန့် ရှိပြီဖြစ်တယ်လို့သိရပြီး ရုပ်အလောင်းကိုတော့ အောက်တိုဘာလ ၁၂ ရက်နေ့ ညနေ ၂ နာရီက Cinmual သုသာန်မှာ မြှုပ်နှံသင်္ဂြိုဟ်ခဲ့ကြတယ်လို့ သိရပါတယ်။

ဖလမ်းမြို့နယ် ရွေးကောက်ပွဲကော်မရှင် ဥက္ကဌဖြစ်သူ ဦးမျိုးမင်းစိုးဟာ စစ်တပ် အာဏာမသိမ်းခင် ကာလက ဖလမ်းခရိုင် ရွေးကောက်ပွဲကော်မရှင် အဖွဲ့ခွဲရဲ့ အတွင်းရေးမှူးအဖြစ် တာဝန်ထမ်းဆောင်ခဲ့ပြီး စစ်တပ် အာဏာသိမ်းပြီးနောက်ပိုင်း ဖလမ်းမြို့နယ် ရွေးကောက်ပွဲကော်မရှင် ဥက္ကဌအဖြစ် အချိန်ကြာမြင့်စွာ တာဝန်ထမ်းဆောင်ခဲ့သူ ဖြစ်ပါတယ်။

မြို့တော် News Channel