ရှမ်းပြည်နယ်တောင်ပိုင်း၊ ပအိုဝ်းကိုယ်ပိုင်အုပ်ချုပ်ခွင့်ရဒေသ ဟိုပုံးမြို့မှာ ဘိန်းစာရွက်ပြုတ်ရည် သုံးစွဲသူ များနေပြီး အများစုက ဆယ်ကျော်သက်လူငယ်တွေ ဖြစ်နေလို့ ဖမ်းဆီးမှုတွေ လုပ်နေရတယ်လို့ သိရပါတယ်။
ဩဂုတ်လ ၂၇ ရက်နေ့က လမ်းဘေးမှာ ဘိန်းစာရွက်ကို ပြုတ်ပြီး ရောင်းချနေတာကြောင့် လူငယ် ၁ ဦးကို အာဏာသိမ်းအစိုးရ လက်အောက်ခံ ရဲတပ်ဖွဲ့က ဖမ်းဆီးခဲ့ရတယ်လို့ သိရပါတယ်။
"ဘိန်းစာရွက်ပြုတ်ကို သုံးနေကြတဲ့ လူငယ်လူကြီး အများကြီးပဲ။ ရောင်းတဲ့သူလည်း များတယ်။ ကျောင်းသားတွေထဲလည်း ပျံ့နေတော့ ပိုဆိုးတယ်။ ဖမ်းဆီးမှုတွေတော့ လုပ်နေကြတယ်" လို့ ဒေသခံတဦးက ပြောပါတယ်။
ဘိန်းစာရွက်ပြုတ်ရည်ကို လူငယ်တွေသာမက ကျောင်းသားအထိပါ သုံးစွဲလာနေကြပြီး အခြေအနေမဆိုးခင် ထိန်းချုပ်နိုင်ဖို့ လိုတယ်လို့လည်း ဒေသခံတွေက ပြောပါတယ်။
လတ်တလောမှာ ဘိန်းစာရွက်ပြုတ်ရည် ရောင်းချသူတွေကို အာဏာသိမ်းအစိုးရ လက်အောက်ခံ ရဲနဲ့ စစ်သားတွေက လိုက်လံစုံစမ်းနေပြီး ဖမ်းဆီးမှုတွေ လုပ်နေတယ်လို့ သိရပါတယ်။
မှုခင်းသတင်း
မွန်ပြည်နယ်၊ မော်လမြိုင်မြို့၊ မရမ်းကုန်းရပ်ကွက် ကမ်းနားလမ်းရှိ 'ကိုကိုနှင့်ညီညီ' လျှပ်စစ်ပစ္စည်းဆိုင်တဆိုင် ဓားပြတိုက်ခံရတယ်လို့ သိရပါတယ်။
မှုခင်းသတင်း
ရန်ကုန်တိုင်း၊ မြောက်ဥက္ကလာပမြို့နယ်၊ ရွှေပေါက်ကံမြို့သစ်မှာ ညနေကျောင်းဆင်းချိန် Grade-3 ကျောင်းသား ကလေးငယ်ကိုကျောင်းကြိုကာ ဘတ္ထရီစက်ဘီးစီးလာတဲ့ သားအမိနှစ်ယောက် စက်ဘီးလဲရာက နောက်ကကားမှ ကြိတ်ခံလိုက်ရတဲ့ဖြစ်စဉ် ဖြစ်ပွားခဲ့တယ်လို့ သိရပါတယ်။
မှုခင်းသတင်း
မွန်ပြည်နယ်၊ လမိုင်းမြို့၊ ဘူတာရပ်ကွက်မှာ အိမ်စီးကားတစီးကို သေနတ်ပြ ခြိမ်းခြောက်ကာ လုယက်သွားတဲ့ဖြစ်စဉ် ဩဂုတ်လ ၂၅ ရက်နေ့ မနက်ပိုင်းက ဖြစ်ပွားခဲ့တယ်လို့ သိရပါတယ်။
မှုခင်းသတင်း
ပဲခူးတိုင်း၊ တောင်ငူမြို့ အမှတ်(၁) ရဲစခန်းအနီး ဘိုဘွားရိပ်သာစေတီရှိ ကြေးဆင်းတု ဗုဒ္ဓရုပ်ပွားတော်တွေရဲ့ လက်တွေကို လွှနဲ့ တိုက်ဖြတ်ကာ ခိုးယူခဲ့တဲ့ ကလေးငယ်တဦးကို ဖမ်းဆီးရမိခဲ့တယ်လို့ သိရပါတယ်။
