ပေါင်းတည်မှာ မိုင်းဆွဲခံရပြီး ဗုံးမှားကြဲလို့ စစ်တပ် ၁၂ ဦးသေဆုံး

ပေါင်းတည်မြို့က ထွက်လာတဲ့ အာဏာသိမ်းစစ်တပ် မိုင်းဆွဲခံရပြီး အချင်းချင်း ဗုံးမှားကြဲလို့ ဗိုလ် ၁ ဦးနဲ့ တပ်သား ၁၂ ဦး သေဆုံး

၂၀၂၆ အောက်တိုဘာ ၁၆ Myo Taw

ပေါင်းတည်မြို့က ထွက်လာတဲ့ အာဏာသိမ်းစစ်တပ် မိုင်းဆွဲခံရပြီး အချင်းချင်း ဗုံးမှားကြဲလို့ ဗိုလ် ၁ ဦးနဲ့ တပ်သား ၁၂ ဦး သေဆုံး

အောက်တိုဘာ ၁၆

ပဲခူးတိုင်း၊ ပြည်ခရိုင်၊ ပေါင်းတည်မြို့နယ်၊ ပေါက်တောရွာ ခမရ-၁၀ တပ်ရင်းကနေ စစ်ကြောင်းထိုးဖို့ တက်လာတဲ့ အာဏာသိမ်းစစ်တပ် တပ်ဖွဲ့တွေ မိုင်းဆွဲခံရပြီး အချင်းချင်း ဒရုန်းနဲ့ ဗုံးမှားကြဲလို့ ဗိုလ်တဦး အပါအဝင် ၁၂ ဦး သေဆုံးခဲ့တယ်လို့ သိရပါတယ်။

အောက်တိုဘာ ၅ ရက်နေ့က ပေါက်တောရွာက ထွက်လာတဲ့ အာဏာသိမ်းစစ်တပ်ရဲ့ စစ်ကြောင်းကို ကုန်းသာရွာနဲ့ သဲမဲရွာကြားမှာ ဗျူဟာ (၂၁) ၊ ပြည်ခရိုင်တပ်ရင်း-၁၊ တပ်ခွဲ-၂၊ ပြည်သူ့ကာကွယ်ရေး တပ်မတော်က စောင့်ကြိုမိုင်းဆွဲ တိုက်ခိုက်ခဲ့တာကြောင့် သဲမဲရွာမှာ စစ်ကြောင်း ရပ်တန့်ခဲ့ရတယ်လို့ သိရပါတယ်။

အောက်တိုဘာ ၆ ရက်နေ့မှာ သဲမဲရွာကနေ ထပ်မံ စစ်ကြောင်းထွက်လာချိန် သဲမဲရွာနဲ့ ဖောင်အိုင်ရွာကြားမှာ ထပ်မံမိုင်းဆွဲ တိုက်ခိုက်ရာက အာဏာသိမ်းစစ်တပ်ဘက်က ၃ ဦး သေဆုံးခဲ့ပြီး အများအပြား ထိခိုက်ဒဏ်ရာ ရရှိခဲ့တယ်လို့ သိရပါတယ်။

မိုင်းဆွဲတိုက်ခိုက်ခံရတဲ့ နေရာကို အာဏာသိမ်းစစ်တပ်ရဲ့ နောက်ချန်တပ်က ဒရုန်းနဲ့ ဗုံးကြဲ တိုက်ခိုက်ခဲ့တာကြောင့် ဗိုလ်ကြီး ၁ ဦး အပါအဝင် ၉ ဦး ထပ်မံ သေဆုံးခဲ့တယ်လို့ သိရပါတယ်။

မိုင်းဆွဲတိုက်ခိုက်ခံရလို့ သေဆုံးသူတွေ အပါအဝင် အချင်းချင်း ဗုံးမှားကြဲမိလို့ သေဆုံးသူတွေရဲ့ ရုပ်အလောင်းတွေကို မှတ်တိုင်ရွာ ကမနာရေးကူညီမှု ကားနဲ့ ၃ ခေါက်တိတိ လာရောက် သယ်ဆောင်သွားခဲ့ရတယ်လို့ သိရပါတယ်။

အဆိုပါဖြစ်စဉ်တွေ ဖြစ်ပွားပြီနောက် အာဏာသိမ်းစစ်တပ်ဘက်က လက်နက်ကြီး လက်နက်ငယ်တွေနဲ့ ရမ်းသန်း ပစ်ခတ်ခဲ့ပေမယ့် တော်လှန်ရေးတပ်တွေဘက်က ထိခိုက်မှုမရှိခဲ့ဘူးလို့ သိရပါတယ်။

မြို့တော် News Channel