သူခိုးနဲ့ ယောကျာ်းဖြစ်သူတို့ လုံးထွေးသတ်ပုတ်နေစဉ် သံတုတ်နဲ့ ရိုက်ကာ ဝင်ရောက်ကူညီရာက ယောကျာ်းကော သူခိုးပါ ၁၀ ချက်စီ ချုပ်လိုက်ရ
ဇူလိုင် ၈
ကချင်ပြည်နယ် မြစ်ကြီးနားမြို့မှာ နေအိမ်ထဲဝင်ခိုးတဲ့ သူခိုးနဲ့ ယောကျာ်းဖြစ်သူတို့ လုံးထွေးသတ်ပုတ်နေတာကို ဇနီးဖြစ်သူက သံတုတ်နဲ့ ဝင်ရိုက်ရာက သူခိုးကော ယောကျာ်းဖြစ်သူပါ နှစ်ယောက်စလုံး ၁၀ ချက်စီ ချုပ်လိုက်ရတယ်လို့ သိရပါတယ်။
ဇူလိုင် ၇ ရက် မနေ့က မနက်အစာပိုင်း ၃ နာရီခန့်က မြစ်ကြီးနားမြို့မှာ နေအိမ်ထဲဝင်ခိုးတဲ့ သူခိုးကို အိမ်ရှင်အမျိုးသားက အသံကြားလို့ ထွက်ကြည့်ရာက အပြန်အလှန် လုံးထွေး တိုက်ခိုက်ခဲ့ကြတယ်လို့ သိရပါတယ်။
လုံးထွေး တိုက်ခိုက်နေတဲ့ အသံကို ကြားတာကြောင့် အိမ်ရှင်ရဲ့ အမျိုးသမီးဖြစ်သူက သံတုတ်ကိုင်ကာ ဝင်လာပြီး သူခိုးနဲ့ အမျိုးသားဖြစ်သူတို့ လုံးထွေးနေတာကို သုံတုတ်နဲ့ ရိုက်နှက်ခဲ့ရာက နှစ်ဦးစလုံး ဦးခေါင်းကွဲဒဏ်ရာ ရခဲ့ကြတယ်လို့ သိရပါတယ်။
“သူခိုးဝင်တာသိလို့ သူယောကျာ်းနဲ့ သူခိုးနဲ့ လုံးကြတာ၊ အဲ့မှာ မိန်းမဖြစ်သူက သံတုတ်နဲ့ ရိုက်တာ၊ သူခိုးကို ရိုက်ရင်းနဲ့ သူ့ယောကျာ်းပါ ရိုက်မိတာ၊ တယောက်ကို ၁၀ ချက်လောက် ချုပ်လိုက်ရတယ်၊ ရပ်ကွက်က ရဲစခန်းသွားအကြောင်းကြားတော့ ရဲစခန်းမှာ ရဲတွေမရှိဘူး ပြောတယ်၊ ပရဟိတအဖွဲ့တွေနဲ့ ဆေးကုသပေးပြီး မနက်ထိ ဖမ်းထားရတယ်” လို့ ဒေသခံတဦးက ပြောပါတယ်။
သံတုတ်နဲ့ ရိုက်နှက်ခံရတာကြောင့် သူခိုးဖြစ်သူဟာ ဦးခေါင်း ၁၀ ချက် ချုပ်လိုက်ရပြီး၊ အိမ်ရှင်အမျိုးသားဖြစ်သူလည်း ဦးခေါင်းနဲ့ ခန္ဓာကိုယ်အနှံ့ ရိုက်နှက်ဒဏ်ရာတွေ ရခဲ့တယ်လို့ သိရပါတယ်။
အခင်းဖြစ်ပွားပြီးနောက် မြစ်ကြီးနားရဲစခန်းကို သွားရောက်တိုင်ကြားပေမယ့် ရဲစခန်းမှာ ရဲတပ်ဖွဲ့ဝင်တွေ မရှိတာကြောင့် ဒဏ်ရာရရှိသူတွေကို ပရဟိတအဖွဲ့တွေခေါ်ကာ ဆေးကုသပေးခဲ့ရပြီး သူခိုးကိုတော့ ရပ်ကွက်ရုံးမှာ ကြိုးနဲ့ ချည်နှောင်ထားခဲ့ရတယ်လို့ သိရပါတယ်။
မြို့တော် News Channel
ပြည်တွင်းသတင်း
စစ်ကိုင်းတိုင်း၊ အင်းတော်မြို့မှာ Non CDM ကျောင်းဆရာမကို အာဏာသိမ်းစစ်အုပ်စုမှ တပ်ဖွဲ့ဝင် ၅ ဦးက ယောက်ျားဖြစ်သူ ရှေ့မှာတင် လိင်ပိုင်းဆိုင်ရာပြုကျင့်မှု ဖြစ်ပွားခဲ့တယ်လို့ သိရပါတယ်။
မှုခင်းသတင်း
မကွေးတိုင်း၊ အောင်လံမြို့နယ်၊ ကွမ်းလောင်းရွာမှာ ပေါ်တာအဆွဲခံခဲ့ရတာကို မကျေနပ်လို့ အုပ်ချုပ်ရေးမှူးကို ဓားနဲ့ ခုတ်သတ်မှု ဖြစ်ပွားခဲ့တယ်လို့ သိရပါတယ်။ ဇူလိုင်လ ၅ ရက်နေ့ နေ့လယ်ပိုင်းက အောင်လံမြို့၊…
မှုခင်းသတင်း
ရန်ကုန်တိုင်းဒေသကြီး၊ မင်္ဂလာဒုံမြို့နယ်က အိမ်ရာဝင်းတခုအတွင်းမှာ အမျိုးသမီး ၁ ဦးရဲ့ ရုပ်အလောင်းကို လာရောက်စွန့်ပစ်မှု ဖြစ်ပွားခဲ့တယ်လို့ သိရပါတယ်။
ဇူလိုင် ၈ ရက်နေ့ မြို့တော်ရဲ့ ညစဉ်သတင်းများ ၂၀၂၆ ခုနှစ် ဇူလိုင်လ ၈ ရက်နေ့အတွက် မြို့တော်ရဲ့ ညစဉ်သတင်းများ
