မွန်ပြည်နယ်၊ မော်လမြိုင်မြို့၊ မရမ်းကုန်းရပ်ကွက် ကမ်းနားလမ်းရှိ 'ကိုကိုနှင့်ညီညီ' လျှပ်စစ်ပစ္စည်းဆိုင်တဆိုင် ဓားပြတိုက်ခံရတယ်လို့ သိရပါတယ်။
ဩဂုတ်လ ၂၈ ရက် ဒီကနေ့ မနက်အစောပိုင်း ၄ နာရီခန့်က မော်လမြိုင်မြို့၊ မရမ်းကုန်းရပ်ကွက်၊ ကမ်းနားလမ်းက 'ကိုကိုနှင့်ညီညီ' လျှပ်စစ်ပစ္စည်းဆိုင် သုံးထပ်တိုက်အဆောက်အအုံ အပေါ်ထပ်ကို သေနတ်အတို ၃ လက်ကိုင်ဆောင်ကာ မျက်နှာဖုံးအနက်ရောင်စွပ်ထားပြီး လက်အိတ်တွေ ဝတ်ဆင်ထားတဲ့ အမျိုးသား ၃ ဦး ဝင်ရောက်လာကာ မီးခံသေတ္တာကို ယူသွားခဲ့တယ်လို့ သိရပါတယ်။
"ဆိုင်က အိမ်နဲ့တွဲလျှက်ဖွင့်ထားတာပါ၊ ပိုင်ရှင်တွေမရှိကြဘူး၊ အိမ်အကူကောင်မလေး ၂ ယောက်နဲ့ တူမဖြစ်သူပဲရှိတာ၊ ခုမနက် ၄ နာရီလောက် အမျိုးသာ ၃ ယောက်က ဘေးနားဆောက်လက်စတိုက်ကနေ ကျော်ဝင်လာပြီး ကောင်မလေး ၃ ယောက်ကို အရင်ကြိုးတုပ်ပြီး မီးခံသေတ္တာကို အလုံးလိုက်မသွားတာပါ" လို့ ဒေသခံတဦးက ပြောပါတယ်။
လုယက်ဓားပြတိုက်သွားသူတွေကို လိုက်လံဖမ်းဆီးနိုင်ဖို့ အချက်အလက်စုဆောင်းပေမယ့် ဓားပြတိုက်သွားသူတွေက CCTV တွေကအစ ဖျက်ဆီးသွာခဲ့တာကြောင့် တရားခံတွေကို ဖမ်းဆီးရရှိဖို့ ခက်ခဲနိုင်တယ်လို့ သိရပါတယ်။
ပြည်တွင်းသတင်း
မကွေးတိုင်း၊ ပခုက္ကူမြို့၊ မြို့ရှောင်လမ်းက 'မိတ်ဆွေ' အိမ်ဆောက်ပစ္စည်းဆိုင်ကို ဓားပြတိုက် အနုကြမ်းစီးသွားသူတွေထဲက ၂ ဦး ဖမ်းမိပြီး အဲ့ထဲက တဦးက ၈ တန်းကျောင်းသား…
ပြည်တွင်းသတင်း
ရန်ကုန်မြို့မှာ အမျိုးသမီး ၂ ဦးတည်းရှိတဲ့ နေအိမ်ကို ရပ်ကွက်ထဲက လူမိုက်တဦးက ဓားရှည်ကိုင်ကာ လာရောက်ခြိမ်းခြောက် သောင်းကျန်းတဲ့ဖြစ်စဥ် လူမှုကွန်ယက်ပေါ် ပျံ့နှံခဲ့ပါတယ်။
ပြည်တွင်းသတင်း
အောက်တိုဘာလ ၁၁ ရက်နေ့ ညနေ ၆ နာရီခန့်က မန္တလေးမြို့၊ မဟာအောင်မြေမြို့နယ်၊ ၆၂ လမ်းက မနော်ရမ္မံ ကစားကွင်းကနေ ပြည်ကြီးတံခွန်မြို့နယ်၊ ၁၃၆…
ပြည်တွင်းသတင်း
ရန်ကုန်တိုင်း၊ ကျောက်တန်းမြို့နယ်၊ ကမာကလုတ် စံပြကျေးရွာမှာ အိမ်ပေါ်တက်လာတဲ့ခွေးကို လေးဂွနဲ့ ပစ်ခတ်သူကို ရဲကဖမ်းဆီးရိုက်နှက်ရာက လက်လွန်ပြီး သေဆုံးသွားခဲ့တယ်လို့ သိရပါတယ်။
