မွန်ပြည်နယ်၊ မော်လမြိုင်မြို့၊ မရမ်းကုန်းရပ်ကွက် ကမ်းနားလမ်းရှိ 'ကိုကိုနှင့်ညီညီ' လျှပ်စစ်ပစ္စည်းဆိုင်တဆိုင် ဓားပြတိုက်ခံရတယ်လို့ သိရပါတယ်။
ဩဂုတ်လ ၂၈ ရက် ဒီကနေ့ မနက်အစောပိုင်း ၄ နာရီခန့်က မော်လမြိုင်မြို့၊ မရမ်းကုန်းရပ်ကွက်၊ ကမ်းနားလမ်းက 'ကိုကိုနှင့်ညီညီ' လျှပ်စစ်ပစ္စည်းဆိုင် သုံးထပ်တိုက်အဆောက်အအုံ အပေါ်ထပ်ကို သေနတ်အတို ၃ လက်ကိုင်ဆောင်ကာ မျက်နှာဖုံးအနက်ရောင်စွပ်ထားပြီး လက်အိတ်တွေ ဝတ်ဆင်ထားတဲ့ အမျိုးသား ၃ ဦး ဝင်ရောက်လာကာ မီးခံသေတ္တာကို ယူသွားခဲ့တယ်လို့ သိရပါတယ်။
"ဆိုင်က အိမ်နဲ့တွဲလျှက်ဖွင့်ထားတာပါ၊ ပိုင်ရှင်တွေမရှိကြဘူး၊ အိမ်အကူကောင်မလေး ၂ ယောက်နဲ့ တူမဖြစ်သူပဲရှိတာ၊ ခုမနက် ၄ နာရီလောက် အမျိုးသာ ၃ ယောက်က ဘေးနားဆောက်လက်စတိုက်ကနေ ကျော်ဝင်လာပြီး ကောင်မလေး ၃ ယောက်ကို အရင်ကြိုးတုပ်ပြီး မီးခံသေတ္တာကို အလုံးလိုက်မသွားတာပါ" လို့ ဒေသခံတဦးက ပြောပါတယ်။
လုယက်ဓားပြတိုက်သွားသူတွေကို လိုက်လံဖမ်းဆီးနိုင်ဖို့ အချက်အလက်စုဆောင်းပေမယ့် ဓားပြတိုက်သွားသူတွေက CCTV တွေကအစ ဖျက်ဆီးသွာခဲ့တာကြောင့် တရားခံတွေကို ဖမ်းဆီးရရှိဖို့ ခက်ခဲနိုင်တယ်လို့ သိရပါတယ်။
ပြည်တွင်းသတင်း
မွန်ပြည်နယ်၊ သထုံမြို့၊ မိုးကောင်းကျေးရွာ၊ ဖရဲသီးဆိုင်တန်းရှေ့က ရန်ကုန်-မော်လမြိုင်သွား ကားလမ်းမပေါ်မှာ ခရီးသည်တင် Express နဲ့ ဆိုင်ကယ်တို့တိုက်မိပြီး အမျိုးသမီးတဦး သေဆုံးခဲ့တယ်လို့ သိရပါတယ်။
ပြည်တွင်းသတင်း
မန္တလေးမြို့၊ ချမ်းမြသာစည်မြို့နယ်၊ သိပ္ပံလမ်းပေါ်ရှိ က.ည.န ရုံးအနီးမှာ ကားအတွင်း လည်ပင်းပြတ်ရှဒဏ်ရာနဲ့ သေဆုံးနေတဲ့ အမျိုးသားအလောင်းတခုကို တွေ့ရှိခဲ့ကြတယ်လို့ သိရပါတယ်။
ပြည်တွင်းသတင်း
ရန်ကုန်တိုင်း၊ လှိုင်သာယာမြို့နယ်၊ မင်းရဲကျော်စွာ ၉ လမ်းမှာနေတဲ့ အသက် ၄ နှစ်အရွယ် ကလေးငယ် ၁ ဦး နေအိမ်ထဲမှာတင် အသတ်ခံထားရတဲ့ အနေအထားနဲ့…
ပြည်တွင်းသတင်း
မွန်ပြည်နယ်၊ သထုံမြို့၊ ရန်ကုန်-မော်လမြိုင်ကားလမ်းမှာ ကားနဲ့ ဆိုင်ကယ် တိုက်မိပြီး ဆိုင်ကယ်သမား သေဆုံးမှု ဖြစ်ပွားခဲ့တယ်လို့ သိရပါတယ်။
