သမိုင်းတလျှောက် အကောင်းဆုံး ရွှေဘောလုံးဆုရှင်(B.O.A.T) အဖြစ် ခရစ္စတီယာနို ရော်နယ်ဒို ရွေးချယ်ခံရ

သမိုင်းတလျှောက် အကောင်းဆုံး ရွှေဘောလုံးဆုရှင်(B.O.A.T) အဖြစ် ခရစ္စတီယာနို ရော်နယ်ဒို ရွေးချယ်ခံရ

အောက်တိုဘာ ၂၉

ပေါ်တူဂီဂန္ထဝင် ကစားသမား ခရစ္စတီယာနို ရော်နယ်ဒိုရဲ့ ၂၀၀၈ ခုနှစ် Ballon d’Or ဆုရရှိမှုကို သမိုင်းတလျှောက် အကောင်းဆုံး ရွှေဘောလုံးဆုရှင် (Ballon d’Or of All Time - B.O.A.T) အဖြစ် ကမ္ဘာတဝန်းက ဘောလုံးပရိသတ်တွေ မဲပေးရွေးချယ်ခဲ့ကြတယ်လို့ Ballon d’Or က တရားဝင်ထုတ်ပြန်လိုက်ပါတယ်။

ရော်နယ်ဒိုဟာ ကစားသမားဘဝတလျှောက် ရွှေဘောလုံးဆုကို ၅ ကြိမ်အထိ ဆွတ်ခူးနိုင်ခဲ့ပေမဲ့ မန်ချက်စတာ ယူနိုက်တက် အသင်းနဲ့အတူ ရယူခဲ့တဲ့ ၂၀၀၈ ခုနှစ် အောင်ပွဲကတော့ ပရိသတ်တွေရဲ့ ရင်ထဲမှာ အထူးခြားဆုံးအဖြစ် စွဲကျန်နေခဲ့တာလည်း ဖြစ်ပါတယ်။

အဲဒီရာသီတုန်းက ရော်နယ်ဒိုဟာ ပရီးမီးယားလိဂ်မှာ ၃၁ ဂိုး သွင်းယူပြီး ရွှေဖိနပ်ဆုနဲ့အတူ အမှတ်ပေးဖလားကို ဆွတ်ခူးပေးနိုင်ခဲ့တဲ့အပြင် ချန်ပီယံလိဂ်ပြိုင်ပွဲမှာလည်း ပြိုင်ပွဲတလျှောက် အများဆုံး ၈ ဂိုး သွင်းယူကာ ဗိုလ်လုပွဲမှာ ချဲလ်ဆီးကို အနိုင်ရပြီး ယူနိုက်တက်ကို ဥရောပချန်ပီယံ ဖြစ်စေခဲ့ပါတယ်။

အဲဒီ ၂၀၀၇-၀၈ ဘောလုံးရာသီမှာ ပြိုင်ပွဲစုံ ၄၉ ပွဲကစား၊ ၄၂ ဂိုးအထိ သွင်းယူပြခဲ့တဲ့ ရော်နယ်ဒိုဟာ ယူဆီဘီယိုနဲ့ လူးဝစ် ဖီဂိုတို့နောက်ပိုင်း ရွှေဘောလုံးဆု ဆွတ်ခူးနိုင်တဲ့ တတိယမြောက် ပေါ်တူဂီ ကစားသမားအဖြစ်လည်း မှတ်တမ်းဝင်ခဲ့ပါတယ်။

ဒါ့အပြင် ၂၀၀၈ ခုနှစ် အောင်ပွဲဟာ လီယွန်နယ် မက်ဆီနဲ့အတူ ဘောလုံးလောကရဲ့ ကြီးကျယ်ခမ်းနားတဲ့ ပြိုင်ဆိုင်မှု ခေတ်သစ်တခုကို ဖွင့်လှစ်ပေးခဲ့တဲ့ အခိုက်အတန့်လည်း ဖြစ်ပါတယ်။

သမိုင်းတလျှောက် အကောင်းဆုံး ရွှေဘောလုံးဆု (B.O.A.T) မဲပေးမှုမှာ မက်ဆီရဲ့ ၂၀၁၂ ခုနှစ် Ballon d’Or ဆုရရှိမှုက ဒုတိယနေရာမှာ ရပ်တည်နေပြီး ရော်နယ်ဒိုရဲ့ ၂၀၁၇ ခုနှစ် Ballon d’Or ဆုရရှိမှုက တတိယနေရာ ရရှိခဲ့ပါတယ်။

Ref & Photo: Ballon d’Or

မြို့တော် News Channel