ဓာတ်ဆီတန်းဆီနေတဲ့ ရုပ်သံကို TikTok ပေါ်တင်တဲ့ အမျိုးသား နိုင်ငံတော်အကြည်ညိုပျက်စေမှုနဲ့ ဖမ်းဆီးခံရ
နိုဝင်ဘာ ၁၃
ဧရာဝတီတိုင်း၊ လပွတ္တာမြို့နယ်မှာ ဓာတ်ဆီတန်းဆီဝယ်နေသူတွေကို ဗီဒီယိုရိုက်ကာ TikTok ပေါ်တင်ခဲ့တဲ့ အမျိုးသား နိုင်ငံတော်အကြည်ညိုပျက်စေမှုနဲ့ ဖမ်းဆီးခံခဲ့ရတယ်လို့ သိရပါတယ်။
နိုဝင်ဘာလ ၁၀ ရက်နေ့ နေ့လယ် ၂ ဝန်းကျင်က လပွတ္တာမြို့နယ်၊ ၃ မိုင် မြို့သစ်အောင်ချမ်းသာ(၄)ရပ်ကွက်မှာ နေထိုင်တဲ့ ကိုအောင်စည်သူ(ခ)မိုးသက်ဆိုသူကို Moe That အမည်နဲ့ TikTok အကောင့်ကနေ နိုင်ငံတော်တည်ငြိမ်အေးချမ်းရေးကို ပျက်ပြားစေဖို့ရည်ရွယ်ကာ ဆီတန်းဆီနေသူတွေရဲ့ ရုပ်သံကို လူမှုကွန်ရက် TikTok စာမျက်နှာပေါ်တင်ခဲ့လို့ဆိုပြီး ဖမ်းဆီးခံခဲ့ရပါတယ်။
"သူနောက်ဆုံးတင်တဲ့ ဗီဒီယို ၃ ခုအထဲမှာ ဆီတန်းနေတဲ့ ဗီဒီယို ၂ ခု တင်ထားတာတွေ့တယ်၊ အဲ့ထဲမှာ တခုက 'မြန်မာနိုင်ငံ ဆီဆိုင်များရယ် အလွန်ကိုပေါများတယ်၊ ဆိုင်များပြီး ဓာတ်ဆီဒီဇယ် အလုံအလောက် မပေးကြတယ်၊ စစ်သားနဲ့ အာဏာရှင်အတွက် ဓါတ်ဆီပေးလို့ချန်' ဆိုတဲ့ စာသားပါတဲ့ သီချင်းနဲ့ တင်လိုက်မိတာတခုပဲရှိတယ်၊ အဲ့တာနဲ့ စွဲချက်တင်တာ" လို့ ဒေသခံတဦးက ပြောပါတယ်။
မတရားဖမ်းဆီးခံရတဲ့ ကိုအောင်စည်သူ(ခ)မိုးသက်ဆိုသူကို (၃)မိုင်နယ်မြေရဲစခန်းက နိုင်ငံတော်အကြည်ညိုပျက်စေမှု ပုဒ်မ ၅၀၅-က နဲ့ အမှုဖွင့်အရေးယူထားတယ်လို့ သိရပါတယ်။
မြို့တော် News Channel
ရုပ်သံ
Afternoon NEWS
မကွေးမြို့မှာ ဧရာဝတီမြစ်ထဲရေဆင်းဆော့ရာက ၇ တန်းကျောင်းသာတဦး သေဆုံးတဲ့သတင်းနှင့်အတူ မြို့တော်ရဲ့နေ့လယ်ခင်းသတင်းတင်ဆက်မှု ၂၀၂၆ ခုနှစ် နိုဝင်ဘာလ ၁၄ ရက်နေ့သတင်းများ နားဆင်နိုင်ပါပြီ
ရုပ်သံ
Daily NEWS
၂၀၂၆ ခုနှစ် နိုဝင်ဘာ ၁၃ ရက်နေ့အတွက် မြို့တော်ရဲ့ ညစဉ်သတင်းများ
ပြည်တွင်းသတင်း
ပဲခူးတိုင်း၊ တောင်ငူမြို့နယ်၊ ဆိတ်ဖူးတောင်ကျေးရွာအုပ်စု၊ သပြေလှကျေးရွာ၊ (၇)လမ်းထိပ်က ထရန်စဖော်မာအနီးမှာ ကျောင်းသားချင်း ရန်ဖြစ်ရာက ၁ ဦး သေဆုံးခဲ့တယ်လို့ သိရပါတယ်။
ပြည်တွင်းသတင်း
ရန်ကုန်မြို့၊ စမ်းချောင်းမြို့နယ်မှာ အာဏာသိမ်း စစ်တပ်လက်အောက်ခံ ရဲအရာရှိ ၁ ဦးရဲ့ နေအိမ်ပေါ်မှာ လူမိုက်တွေ တက်ပြီးနေနေလို့ ရဲစခန်းမှာ သွားတိုင်ပေမယ့် အရေးမယူပေးလို့ TikTok…
