တိုက်ခန်းပေါ် ဆန်းရှိတ်တက်ပြင်တဲ့ အမျိုးသား ခြေချော်ပြီး ပြုတ်ကျလို့ သေဆုံး
အောက်တိုဘာ ၂
ရန်ကုန်မြို့၊ ကျောက်တံတားမြို့နယ်၊ ဆိပ်ကမ်းသာလမ်းရှိ တိုက်ခန်းတခုပေါ်က ဆန်းရှိတ်ကို တက်ပြင်တဲ့ အမျိုးသား ခြေချော်ပြီး ပြုတ်ကျကာ သေဆုံးခဲ့တယ်လို့ သိရပါတယ်။
အောက်တိုဘာ ၁ ရက်နေ့ မနက် ၁၀ နာရီ ၂၆ မိနစ်ခန့်က ဖြစ်ပွားခဲ့တာလို့ သိရပြီး တိုက်ခန်းအဆောက်အအုံရဲ့ အနောက်ဘက်က ဆန်းရှိတ်ကို တက်ပြင်ရာက ပြုတ်ကျခဲ့တာလို့ ဆိုပါတယ်။
“အသက် ၅၀ ဝန်းကျင်လောက်ရှိမယ်။ သူ့တိုက်ခန်းက ဆန်းရှိတ်ကို အသစ်ပြန်တပ်တာမှာ ပြုတ်ကျပြီး အသက်ပါ ပါသွားတာ” လို့ ဆိပ်ကမ်းသာလမ်းနေ မြို့ခံတဦးက ပြောပါတယ်။
သေဆုံးသူရဲ့ ရုပ်အလောင်းကို ကျောက်တံတားမြို့နယ် အရန်မီးသတ်တပ်ဖွဲ့နဲ့ ကျောက်တံတား ပရဟိတလူမှုကူညီရေးအသင်းတို့က ရန်ကုန်ဆေးရုံကြီးကို ပို့ဆောင်ခဲ့ကြတယ်လို့ သိရပါတယ်။
ပြီးခဲ့တဲ့ ဇူလိုင်လ ၁၉ ရက်နေ့ကလည်း မန္တလေးတိုင်း၊ အောင်မြေသာစံမြို့နယ်ရှိ RC ၃ ထပ်တိုက်ရဲ့ အပေါ်ထပ်ကနေ အသက် ၅၂ နှစ်အရွယ် အမျိုးသမီးတဦး ပြုတ်ကျပြီး သေဆုံးခဲ့ပါသေးတယ်။
မြို့တော် News Channel
မိုးလေဝသ
မိုးလေဝသနှင့် ဇလဗေဒညွှန်ကြားမှုဦးစီးဌာနရဲ့ အောက်တိုဘာ ၁ ရက် ထုတ်ပြန်ချက်အရ အီကွေတာအနီးရှိ အပူပိုင်းပစိဖိတ်သမုဒ္ဒရာ (Tropical Pacific Ocean) ရဲ့ ပင်လယ်ရေမျက်နှာပြင် အပူချိန်နှင့်…
ပြည်တွင်းသတင်း
ရှမ်းပြည်နယ်မြောက်ပိုင်း၊ မိုးမိတ်မြို့အနီး ညောင်နီကျေးရွာရှိ ရွှေမြင့်တင်တောင်က အာဏာသိမ်းစစ်တပ်ရဲ့ တပ်စခန်းကို ကချင်လွတ်လပ်ရေးတပ်မတော် (KIA)နဲ့ တော်လှန်ရေးပူးပေါင်းတပ်တွေက အောင်မြင်စွာ တိုက်ခိုက်သိမ်းပိုက်နိုင်ခဲ့ပြီးနောက် တပ်ပြန်လည်ဆုတ်ခွာသွားခဲ့တယ်လို့ မြေပြင်သတင်းရင်းမြစ်တွေထံက သိရပါတယ်။
ပြည်တွင်းသတင်း
ဧရာဝတီတိုင်း၊ ကန်ကြီးထောင့်မြို့နယ်မှာ သင်္ကန်းဝတ်နဲ့ အမျိုးသမီးတွေနဲ့အတူ ကခုန်ခဲ့တဲ့ ဘုန်းကြီးကို သာသနာထိန်းသိမ်းစောင့်ရှောက်ရေးအဖွဲ့က လူဝတ်လဲပြီး နယ်နှင်ဒဏ်ပေးလိုက်တယ်လို့ သိရပါတယ်။
ပြည်တွင်းသတင်း
ဓမ္မဒူတအရှင်ဆေကိန္ဒ ဦးဆောင်ဖွင့်လှစ်ထားတဲ့ ဓမ္မဒူတလူငယ်ကျောင်းမှာ အလယ်တန်းအဆင့် Grade 5 နဲ့ Grade 6 အရွယ် ကလေးငယ်တွေကို စစ်တပ်ပုံစံ ကိုယ်လက်ကြံ့ခိုင်ရေး (PT)၊…
