မြောက်ဒဂုံက အိမ်ဆောက်ပစ္စည်းဆိုင် အနုကြမ်းစီး လုယက်ခံရ၊ ဆိုင်ရှင်အမျိုးသား ဓားနဲ့ အခုတ်ရလို့ သေဆုံး
အောက်တိုဘာ ၆
ရန်ကုန်တိုင်း၊ ဒဂုံမြို့သစ်(မြောက်ပိုင်း)၊ မြောက်ဒဂုံမြို့နယ်၊ ၄၂ ရပ်ကွက်၊ ဦးဝိစာရလမ်းမပေါ်က အိမ်ဆောက်ပစ္စည်းဆိုင်မှာ အနုကြမ်းစီးပြီး လူသတ်မှု ဖြစ်ပွားခဲ့တယ်လို့ သိရပါတယ်။
အောက်တိုဘာ ၅ ရက်နေ့ မနေ့က နေ့လယ် ၁၂ နာရီခွဲဝန်းကျင်က အိမ်ဆောက်ပစ္စည်းဆိုင်နဲ့ တွဲလျှက်ဆောက်ထားတဲ့ နေအိမ်ကို အမည်မသိအမျိုးသား ၃ ဦးက ဝင်ရောက်ကာ အိမ်ရှင်ဖြစ်သူကို ဓားနဲ့ခုတ်ပြီး အနုကြမ်းစီး လုယက်မှု ဖြစ်ပွားခဲ့တာလို့ သိရပါတယ်။
“ဆိုင်နဲ့ အိမ် တွဲလျှက်ဖွင့်ထားတာ အိမ်က ဆိုင်အနောက်ဘက်မှာ။ လူ ၃ ယောက်က ဆိုင်ရှင်ကို ဓားနဲ့ခုတ်ပြီး ပစ္စည်းတွေယူသွားတာ။ ဆိုင်ရှင်ရဲ့ ဇနီးရောက်လာပြီး အော်ဟစ်အကူညီတောင်းတော့ ထွက်ပြေးသွားကြတယ်။ ဖြစ်တဲ့အချိန် အနားမှာ လူမရှိတာလည်းပါတယ်။ ဆိုင်ရှင်က လည်ပင်း သွေးလွှတ်ကြောပါ ပြတ်သွားတာ” လို့ ဦးဝိစာရလမ်းနေ ဒေသခံတဦးက ပြောပါတယ်။
အနုကြမ်းစီးတဲ့ အမျိုးသား ၃ ဦးထဲက တဦးဟာ ဆိုင်အပေါက်ဝမှာ အစောင့်သဘောနဲ့ ကျန်ခဲ့ပြီး ကျန် ၂ ဦးက ဆိုင်ရှင်အမျိုးသားကို ဓားနဲ့ခုတ်ခဲ့တာလို့ ဒေသခံတွေရဲ့ ပြောဆိုချက်အရ သိရပါတယ်။
“ဆိုင်ရှင်ရဲ့ မိန်းမက ဆိုင်ထဲဝင်တော့ အသင့်စောင့်နေတဲ့သူက ဆိုင်ရှင်ရဲ့ မိန်းမကို ထိုးကြိတ်ပြီး ဖမ်းချုပ်တာ။ ဆိုင်ရှင်ရဲ့ မိန်းမက ကြောက်လန့်ပြီး အော်ဟစ်အကူညီတောင်းတော့ အကုန်ထွက်ပြေးကြတာ” လို့ နောက်ထပ်ဒေသခံတဦးက ပြောပါတယ်။
ဓားခုတ်ခံရတဲ့ အသက် ၄၀ အရွယ် ဆိုင်ရှင်အမျိုးသားကို မြောက်ဥက္ကလာပဆေးရုံကို အရေးပေါ်ပို့ဆောင်ခဲ့ကြပေမယ့် ဆေးရုံရောက်ပြီး ၅ မိနစ်အကြာမှာ ရရှိထားတဲ့ ဒဏ်ရာတွေကြောင့် သေဆုံးသွားခဲ့တယ်လို့ လူမှုကူညီရေးအဖွဲ့တွေထံက သိရပါတယ်။
အနုကြမ်းစီး လုယက်တဲ့ အမျိုးသား ၃ ယောက်ကတော့ အခင်းဖြစ်ပွားရာ နေရာကနေ ထွက်ပြေးလွတ်မြောက်သွားခဲ့ပြီး လတ်တလောမှာ ဖမ်းဆီးရမိနိုင်ဖို့ လိုက်လံစုံစမ်းနေဆဲဖြစ်တယ်လို့ သိရပါတယ်။
မြို့တော် News Channel
ရုပ်သံ
Afternoon NEWS
အလင်းရောင်ရဖို့လို့ဆိုကာ သက်တမ်းရင့်အပင်ကြီးတွေကို ခုတ်လှဲရောင်းစားတဲ့ မြို့နယ်စီမံအဖွဲ့တခုလုံး ဖမ်းဆီးခံရတဲ့သတင်းနှင့်အတူ မြို့တော်ရဲ့နေ့လယ်ခင်းသတင်းတင်ဆက်မှု ၂၀၂၆ ခုနှစ် အောက်တိုဘာလ ၆ ရက်နေ့သတင်းများ နားဆင်နိုင်ပါပြီ
ရုပ်သံ
Daily NEWS
အောက်တိုဘာ ၅ ရက်နေ့ မြို့တော်ရဲ့ ညစဉ်သတင်းများ ၂၀၂၆ ခုနှစ် အောက်တိုဘာလ ၅ ရက်နေ့အတွက် မြို့တော်ရဲ့ ညစဉ်သတင်းများ
ပြည်တွင်းသတင်း
ရှမ်းပြည်နယ်မြောက်ပိုင်း၊ လားရှိုးမြို့မှာ မီးကြိုးဖြတ်တောက်ခိုးယူသူ အသက်ကြီးပိုင်း အမျိုးသားတဦးကို ဒေသခံတွေက ဝိုင်းဝန်းဖမ်းဆီးပြီး အာဏာသိမ်းအစိုးရလက်အောက်ခံ ရဲတပ်ဖွဲ့ထံ အပ်နှံခဲ့ကြတယ်လို့ သိရပါတယ်။
ပြည်တွင်းသတင်း
စစ်ကိုင်းတိုင်း၊ စစ်ကိုင်းမြို့နယ်၊ ကျောက်ဆည်ကျေးရွာနဲ့ ကုန်းကျေးရွာကြား၊ မုံရွာ-မန္တလေး ကားလမ်းမပေါ်မှာ လမ်းဘေးရပ်ထားတဲ့ ဘောက်ကား(ကွန်တိန်နာ)ယာဉ်ကို ခရီးသည်တင်လာတဲ့ Hijet ကားတစီးက အရှိန်မထိန်းနိုင်ဘဲ မျက်နှာချင်းဆိုင် ဝင်တိုက်ရာက…
