ပုဒ်မ ၅၀၅(က)နဲ့ မတရားဖမ်းဆီးကာ ထိန်းသိမ်းခံထားရတဲ့ လူငယ်တချို့ လွတ်ရက်စေ့လို့ ပြန်လွတ်လာ
အောက်တိုဘာ ၂
မကွေးတိုင်း၊ ဂန့်ဂေါမြို့နယ် အကျဉ်းထောင်မှာ ၅၀၅(က)နဲ့ မတရားဖမ်းဆီး ထိန်းသိမ်းခံထားရတဲ့ လူငယ် ၃ ဦးကို အာဏာသိမ်းစစ်တပ်လက်အောက်ခံ အကျဥ်းဦးစီးဌာနက ရက်စေ့လို့ ပြန်လွှတ်ပေးခဲ့တယ်လို့ သိရပါတယ်။
အောက်တိုဘာလ ၁ ရက်နေ့ နေ့လယ်ပိုင်းက ရက်စေ့လို့ ပြန်လွှတ်ပေးခဲ့တာလို့ သိရပြီး လွတ်မြောက်လာသူတွေဟာ ဂန့်ဂေါနယ်က အသက် ၂၀ ဝန်းကျင် ဒေသခံလူငယ်တွေ ဖြစ်တယ်လို့ သိရပါတယ်။
“ဂန့်ဂေါရွာဘက်က ကလေးတွေ ၃ ယောက် လွတ်လာတာ။ တခြားအမှုနဲ့လူတွေလည်း လွတ်လာတဲ့သူတွေ ရှိတယ်” လို့ ဒေသခံတဦးက ပြောပါတယ်။
လွတ်မြောက်လာတဲ့ လူငယ်တွေဟာ ပြီးခဲ့တဲ့ ၂၀၂၃ ခုနှစ်က ကျေးရွာတွေမှာ အာဏာသိမ်းစစ်တပ်က စစ်ကြောင်းထိုး ဝင်ရောက်တပ်စွဲတဲ့အချိန် ဖမ်းဆီးခံရတဲ့ လူငယ်တွေဖြစ်ပြီး 'အများပြည်သူ အေးချမ်းသာယာရေးကို ပျက်ပြားစေရန် လှုံဆော်တယ်' လို့ဆိုကာ ၅၀၅(က)နဲ့ အမှုဖွင့် ဖမ်းဆီးခံရသူတွေ ဖြစ်တယ်လို့ သိရပါတယ်။
အလားတူ သရက်နဲ့ မကွေးအကျဥ်းထောင်တွေက အကျဥ်းသားတချို့လည်း လွတ်ရက်စေ့လို့ ပြန်လွတ်လာကြတယ်လို့ ကနဦးသိရပြီး အဲ့ဒီထဲမှာ နိုင်ငံရေးအကျဥ်းသားတွေ ပါ/မပါကိုတော့ မသိရသေးပါဘူး။
မြို့တော် News Channel
မိုးလေဝသ
မိုးလေဝသနှင့် ဇလဗေဒညွှန်ကြားမှုဦးစီးဌာနရဲ့ အောက်တိုဘာ ၁ ရက် ထုတ်ပြန်ချက်အရ အီကွေတာအနီးရှိ အပူပိုင်းပစိဖိတ်သမုဒ္ဒရာ (Tropical Pacific Ocean) ရဲ့ ပင်လယ်ရေမျက်နှာပြင် အပူချိန်နှင့်…
ပြည်တွင်းသတင်း
ရှမ်းပြည်နယ်မြောက်ပိုင်း၊ မိုးမိတ်မြို့အနီး ညောင်နီကျေးရွာရှိ ရွှေမြင့်တင်တောင်က အာဏာသိမ်းစစ်တပ်ရဲ့ တပ်စခန်းကို ကချင်လွတ်လပ်ရေးတပ်မတော် (KIA)နဲ့ တော်လှန်ရေးပူးပေါင်းတပ်တွေက အောင်မြင်စွာ တိုက်ခိုက်သိမ်းပိုက်နိုင်ခဲ့ပြီးနောက် တပ်ပြန်လည်ဆုတ်ခွာသွားခဲ့တယ်လို့ မြေပြင်သတင်းရင်းမြစ်တွေထံက သိရပါတယ်။
ပြည်တွင်းသတင်း
ဧရာဝတီတိုင်း၊ ကန်ကြီးထောင့်မြို့နယ်မှာ သင်္ကန်းဝတ်နဲ့ အမျိုးသမီးတွေနဲ့အတူ ကခုန်ခဲ့တဲ့ ဘုန်းကြီးကို သာသနာထိန်းသိမ်းစောင့်ရှောက်ရေးအဖွဲ့က လူဝတ်လဲပြီး နယ်နှင်ဒဏ်ပေးလိုက်တယ်လို့ သိရပါတယ်။
ပြည်တွင်းသတင်း
ရန်ကုန်မြို့၊ ကျောက်တံတားမြို့နယ်၊ ဆိပ်ကမ်းသာလမ်းရှိ တိုက်ခန်းတခုပေါ်က ဆန်းရှိတ်ကို တက်ပြင်တဲ့ အမျိုးသား ခြေချော်ပြီး ပြုတ်ကျကာ သေဆုံးခဲ့တယ်လို့ သိရပါတယ်။
