ပေါင်းတည်မြို့နယ်မှာ အာဏာသိမ်းစစ်တပ်ကို သတင်းပေးပြုလုပ်နေသူ ၃ ဦး ပစ်ခတ်ရှင်းလင်းခံရ

ပေါင်းတည်မြို့နယ်မှာ အာဏာသိမ်းစစ်တပ်ကို သတင်းပေးပြုလုပ်နေသူ ၃ ဦး ပစ်ခတ်ရှင်းလင်းခံရ

စက်တင်ဘာ ၂၈

ပဲခူးတိုင်း၊ ပြည်ခရိုင်၊ ပေါင်းတည်မြို့နယ်၊ အဂ္ဂရာပြည့်ကွက်သစ် မှန်ပြင်ကျော တဲတိုက်တွေမှာ နေထိုင်တဲ့ အာဏာသိမ်းစစ်တပ်ကို သတင်းပေးလုပ်နေသူ ငှက်ကြီး ကို စက်တင်ဘာလ ၄ ရက်နေ့က မှန်ပြင်ကျေးရွာအနီးမှာ ဗျူဟာ (၂၁) ကွပ်ကဲမှုအောက်ရှိ ပြည်ခရိုင်တပ်ရင်း (၁) တပ်ခွဲ(၁)မှ ပစ်ခတ်ရှင်းလင်းလိုက်တယ်လို့ သိရပါတယ်။

စက်တင်ဘာလ ၁၉ ရက် ညနေ ၃ နာရီကလည်း ပဲခူးတိုင်း၊ ပြည်ခရိုင်၊ သဲကုန်းမြို့နယ်၊ ကန့်လန့်ကုန်းအုပ်စု ကြည်ရွာမှာ နေထိုင်တဲ့ အာဏာသိမ်းစစ်တပ်ကို သတင်းပေးလုပ်နေသူ အေးကို ဟာ တော်လှန်ရေးတပ်ဖွဲ့တွေ ထောင်ထားတဲ့ ရှေ့တန်းမိုင်းကွင်းနေရာတွေကို လိုက်လံစုံစမ်းပြီး ပြန်လာစဥ် ကြည်ရွာအနီးမှာ ဗျူဟာ (၂၁) ကွပ်ကဲမှု အောက်ရှိ ပြည်ခရိုင်၊ တပ်ရင်း(၁) တပ်ခွဲ(၄)မှ ရဲဘော်တွေက ပစ်ခတ်ရှင်းလင်းခဲ့တယ်လို့ ဆိုပါတယ်။

စက်တင်ဘာလ ၂၄ ရက် ည ၈ နာရီခန့်ကလည်း ပေါင်းတည်မြို့နယ်၊ ပန်းသင်းပင် ပျူစောထီးရွာအနီး ကြာနီကန်ကွက်သစ် စမ်းကြီးရွာမှာ နေထိုင်တဲ့ အာဏာသိမ်းစစ်တပ်ကို သတင်းပေးလုပ်နေသူ လွင်မိုးအောင် ကို သူရဲ့နေအိမ်မှာ ပြည်သူ့ကာကွယ်ရေးတပ်မတော် ဗျူဟာ (၂၁) ကွပ်ကဲမှုအောက်ရှိ ပြည်ခရိုင်တပ်ရင်း(၁)၊ တပ်ခွဲ(၄)မှ ရဲဘော်တွေက ပစ်ခတ်ရှင်းလင်းခဲ့တယ်လို့ သိရပါတယ်။

အဆိုပါ ၃ ဦးဟာ တော်လှန်ရေးတပ်ဖွဲ့တွေရဲ့ သတင်းအချက်လက်တွေကို အာဏာသိမ်းစစ်တပ်ထံ သတင်းပေးပို့တာ၊ ထောင်ထားတဲ့ မိုင်းကွင်းနေရာတွေကို လိုက်လံပြသတာ၊ တော်လှန်ရေးတပ်ဖွဲ့တွေရဲ့ ထောက်ပို့ပြည်သူတွေကို သတင်းပေး ဖမ်းဆီးစေခိုင်းတာ၊ အာဏာသိမ်းစစ်တပ် စစ်ကြောင်းထိုးချိန်မှာလည်း လမ်းပြလုပ်ပေးတာတွေ ပြုလုပ်နေတဲ့အတွက် အခုလို ပစ်ခတ်ရှင်းလင်းခဲ့တာ ဖြစ်တယ်လို့ ပေါင်းတည်မြို့နယ် ပြည်သူ့ကာကွယ်ရေးတပ်ဖွဲ့-PPDF - ၃၆၀၁ တပ်ရင်းက သတင်းထုတ်ပြန်ထားပါတယ်။

မြို့တော် News Channel