စခန်းပတ်လည် ခြုံရှင်းရင်း မြေမြှုပ်မိုင်းကို ပေါက်ပြားနဲ့ ပေါက်မိလို့ အာဏာသိမ်းစစ်တပ်က တပ်ဖွဲ့ဝင် ၂ ဦး သေဆုံး

စခန်းပတ်လည် ခြုံရှင်းရင်း မြေမြှုပ်မိုင်းကို ပေါက်ပြားနဲ့ ပေါက်မိလို့ အာဏာသိမ်းစစ်တပ်က တပ်ဖွဲ့ဝင် ၂ ဦး သေဆုံး

နိုဝင်ဘာ ၁၂

ရှမ်းပြည်နယ်မြောက်ပိုင်း၊ နောင်ချိုမြို့နယ်၊ တောင်ခမ်းတပ်ကုန်းမှာ စခန်းကုန်းကခြုံတွေရှင်းရင် ပေါက်ကွဲမှုတခု ဖြစ်ခဲ့တာကြောင့် အာဏာသိမ်းစစ်တပ်က တပ်ဖွဲ့ဝင် ၂ ဦး ပွဲချင်းပြီး သေဆုံးခဲ့ပြီး ၁ ဦး ထိခိုက်ဒဏ်ရာ ရခဲ့တယ်လို့ သိရပါတယ်။

နိုဝင်ဘာလ ၁၁ ရက် နေ့လယ် ၃ နာရီဝန်းကျင်က တောင်ခမ်းတပ်ကုန်းထဲ စခန်းပတ်လည် ခြုံရှင်းရင်း မြေမြုပ်မိုင်းကို ပေါက်ပြားနဲ့ ပေါက်မိခဲ့တာကြောင့် အာဏာသိမ်းစစ်တပ်က တပ်ဖွဲ့ဝင် ၂ ဦး သေဆုံးကာ ၁ ဦး ထိခိုက်ဒဏ်ရာ ရခဲ့တာလို့ သိရပါတယ်။

“မြေအောက်မြှုပ်နေတဲ့ ခြေနင်းမိုင်းကို ပေါက်ပြားနဲ့ ပေါက်မိတာလို့ ပြောတယ်။ ၂ ယောက် သေတယ်၊ တယောက်က နောင်ချိုဆေးရုံမှာ" လို့ ဒေသခံတဦးက ပြောပါတယ်။

ဒဏ်ရာရ တပ်ဖွဲ့ဝင်ကို နောင်ချိုပြည်သူ့ဆေးရုံမှာ ဆေးကုသမှုပေးနေတယ်လို့ သိရပြီး အခင်းဖြစ်ပွားတဲ့ ကိစ္စကို အာဏာသိမ်းစစ်တပ်ဘက်က သတင်းဖုံးထားတယ်လို့ သိရပါတယ်။

ပြီးခဲ့တဲ့ အောက်တိုဘာလ ၁၂ ရက်နေ့ကလည်း ရှမ်းပြည်နယ်၊ လားရှိုးမြို့က ထောက်ပို့တပ်ရင်း ၆၂၆ ထဲမှာ တပ်တွင်းသန့်ရှင်းရေးလုပ်ရင်းက ဗုံးပေါက်ကွဲလို့ အာဏာသိမ်းစစ်တပ် တပ်ဖွဲ့ဝင် ၃ ဦး သေဆုံးခဲ့ပါသေးတယ်။

မြို့တော် News Channel