မုတ်သုံလေ အားကောင်းမှုကြောင့် ဒေသအချို့မှာ မိုးကြီးပြီး မြစ်ရေမြင့်တက်လာနိုင်ကာ ရေကြီးရေလျှံမှုတွေ ဖြစ်ပေါ်နိုင်တယ်လို့ဆို

မုတ်သုံလေ အားကောင်းမှုကြောင့် ဒေသအချို့မှာ မိုးကြီးပြီး မြစ်ရေမြင့်တက်လာနိုင်ကာ ရေကြီးရေလျှံမှုတွေ ဖြစ်ပေါ်နိုင်တယ်လို့ဆို

ဇူလိုင် ၈

အနောက်တောင်မုတ်သုံလေဟာ မြန်မာနိုင်ငံမြောက်ပိုင်းနှင့် စစ်ကိုင်းတိုင်းအထက်ပိုင်း (ခန္တီး၊ ဟုမ္မလင်း၊ ကသာ၊ ဗန်းမောက်) သို့ အရှိန်အဟုန်ပြင်းစွာ ပင့်တင်တိုက်ခတ်နေတာကြောင့် စစ်ကိုင်း(အထက်ပိုင်း)မှာ ၇ ရက်တာအတွင်း မိုးကြီးနိုင်ပြီး၊ စစ်ကိုင်းအောက်ပိုင်း မြေပြန့်ဒေသတွေမှာ မိုးအသင့်အတင့်သာ ရွာသွန်းနိုင်တယ်လို့ မိုးလေဝသ ပညာရှင် ဦးဝင်းနိုင်က ခန့်မှန်းသုံးသပ်ထားပါတယ်။

ချင်းတွင်းမြစ်ဖျားနှင့် ဧရာဝတီမြစ် အထက်ပိုင်းမှာ မိုးရက်ဆက်ကြီးမှုကြောင့် မြစ်ရေစိုးရိမ်ရေမှတ်သို့ ရုတ်တရက် မြင့်တက်လာနိုင်ပြီး မြစ်ကမ်းနားနှင့် မြေနိမ့်ပိုင်းဒေသတွေမှာ ရေကြီးရေလျှံမှုတွေ ဆိုးရွားစွာ ဖြစ်ပွားနိုင်ခြေ ရှိတယ်လို့ ဆိုပါတယ်။

လာမယ့် ဇူလိုင်လ ၉ ရက်နေ့မှ ဇူလိုင်လ ၁၅ ရက်နေ့အထိ တပတ်အတွင်း ရရှိနိုင်တဲ့ စုစုပေါင်း မိုးရေချိန်အနေနဲ့ ရခိုင်ပြည်နယ်မှာ စုစုပေါင်း မိုးရေချိန် ၃၅၀ မီလီမီတာ မှ ၅၀၀ မီလီမီတာအထက်၊ စစ်ကိုင်းတိုင်း (အထက်ပိုင်း) မှာ ၂၂၀ မီလီမီတာ မှ ၃၅၀ မီလီမီတာ၊ ချင်းပြည်နယ်မှာ ၂၀၀ မီလီမီတာမှ ၃၂၀ မီလီမီတာ၊ ကချင်ပြည်နယ်မှာ ၁၅၀ မီလီမီတာ မှ ၂၅၀ မီလီမီတာ၊ မွန်ပြည်နယ်မှာ ၁၄၀ မီလီမီတာ မှ ၂၄၀ မီလီမီတာ၊ ကရင်ပြည်နယ်မှာ ၁၃၀ မီလီမီတာ မှ ၂၂၀ မီလီမီတာ၊ ဧရာဝတီတိုင်းမှာ ၁၂၀ မီလီမီတာ မှ ၂၀၀ မီလီမီတာ၊ တနင်္သာရီတိုင်းမှာ ၁၀၀ မီလီမီတာ မှ ၁၈၀ မီလီမီတာ၊ ရန်ကုန်တိုင်းမှာ ၁၀၀ မီလီမီတာ မှ ၁၇၀ မီလီမီတာ၊ ပဲခူးတိုင်း (အရှေ့ခြမ်း) မှာ ၉၀ မီလီမီတာ မှ ၁၅၀ မီလီမီတာ၊ ပဲခူးတိုင်း(အနောက်ခြမ်း) မှာ ၇၀ မီလီမီတာ မှ ၁၃၀ မီလီမီတာ၊ စစ်ကိုင်းတိုင်း (အောက်ပိုင်း) မှာ ၆၀ မီလီမီတာ မှ ၁၂၀ မီလီမီတာ၊ ရှမ်းပြည်နယ် (တောင်ပိုင်း) မှာ ၆၀ မီလီမီတာ မှ ၁၁၀ မီလီမီတာ၊ ရှမ်းပြည်နယ် (မြောက်ပိုင်း) မှာ ၅၀ မီလီမီတာ မှ ၁၀၀ မီလီမီတာ၊ နေပြည်တော်မှာ ၄၀ မီလီမီတာ မှ ၈၀ မီလီမီတာ၊ မန္တလေးတိုင်းမှာ ၃၀ မီလီမီတာ မှ ၇၀ မီလီမီတာ၊ မကွေးတိုင်းမှာ ၂၅ မီလီမီတာ မှ ၆၅ မီလီမီတာ၊ ရှမ်းပြည်နယ် (အရှေ့ပိုင်း) မှာ ၂၀ မီလီမီတာ မှ ၅၅ မီလီမီတာနှင့် ကရင်နီပြည်နယ်မှာ ၁၅ မီလီမီတာ မှ ၅၀ မီလီမီတာ အသီးသီး ရရှိနိုင်တယ်လို့ မိုးလေဝသ ပညာရှင် ဦးဝင်းနိုင်က ခန့်မှန်းသုံးသပ်ထားပါတယ်။

မြို့တော် News Channel