ယူကရိန်းရဲ့ ဒရုန်းတိုက်ခိုက်မှုတွေကို တန်ပြန်ဖို့ Starlink ဂြိုဟ်တုအင်တာနက်စနစ်ကို ရုရှားက နှောင့်ယှက်နေ

ယူကရိန်းရဲ့ ဒရုန်းတိုက်ခိုက်မှုတွေကို တန်ပြန်ဖို့ Starlink ဂြိုဟ်တုအင်တာနက်စနစ်ကို ရုရှားက နှောင့်ယှက်နေ

ဇူလိုင် ၈

ယူကရိန်းရဲ့ မဟာဗျူဟာမြောက် ဒရုန်းတိုက်ခိုက်မှုတွေကို တားဆီးဖို့အတွက် ရုရှားဘက်က Starlink ဂြိုဟ်တုအင်တာနက်စနစ်ကို နှောင့်ယှက်နေပြီး စစ်လက်နက်ပစ္စည်းတွေကိုလည်း အရပ်သားသုံး မော်တော်ယာဉ်တွေနဲ့ ဖုံးကွယ်သယ်ယူနေတယ်လို့ ယူကရိန်းဒရုန်းတပ်ဖွဲ့ဝင်တွေက ထုတ်ဖော် ပြောဆိုလိုက်ပါတယ်။

အီလွန်မတ်စ်ရဲ့ SpaceX ကုမ္ပဏီထုတ် Starlink ဂြိုဟ်တုအင်တာနက်စနစ်ကို သုံးပြီး ရှေ့တန်းစစ်မျက်နှာပြင်ရဲ့ နောက်ကွယ်အထိ တိတိကျကျ တိုက်ခိုက်နိုင်တဲ့ ယူကရိန်းရဲ့ ဒရုန်းစစ်ဆင်ရေးတွေကြောင့် ရုရှားတပ်တွေ အထိနာ အကျပ်ရိုက်ခဲ့ရတာ ဖြစ်ပါတယ်။

ဒါကြောင့်လည်း ရုရှားဘက်က ဗိုလ်နာ ကူပေါလ် ဂါရန့် (Volna Kupol Garant) လို့ခေါ်တဲ့ အီလက်ထရောနစ်လှိုင်း နှောင့်ယှက်ရေးစနစ်တွေကို သုံးပြီး Starlink ဂြိုဟ်တုအင်တာနက်လိုင်းတွေ မတည်မငြိမ်ဖြစ်အောင် လုပ်ဆောင်လာနေတယ်လို့ ယူကရိန်း ကာကွယ်ရေးဝန်ကြီးဌာနက ဆိုပါတယ်။

ဒါပေမဲ့ ဒီလိုလှိုင်းနှောင့်ယှက်တဲ့ စနစ်တွေဟာလည်း ယူကရိန်းဒရုန်းတပ်ဖွဲ့တွေအတွက် အဓိက ပစ်မှတ်အသစ်တွေ ဖြစ်လာခဲ့ပြီး၊ လက်ရှိမှာ ယူကရိန်းရဲ့ ၄၂၂ ခုမြောက် ဒရုန်းတပ်ရင်းက လုံခြုံရေးဌာန (SBU)နဲ့ ပူးပေါင်းပြီး အဆိုပါစနစ် ၂ ခုကို တိုက်ခိုက်ဖျက်ဆီးနိုင်ခဲ့တယ်လို့ ဆိုရပါတယ်။

တစ်ဖက်မှာလည်း အီလွန်မတ်စ်က ရုရှားတပ်တွေအနေနဲ့ Starlink ဂြိုဟ်တုအင်တာနက်ကို သုံးပြီး ဒရုန်းတိုက်ခိုက်မှုတွေ မလုပ်နိုင်အောင် အင်တာနက်လိုင်းတွေ ဖြတ်တောက်ထားပါတယ်။

ဒီကိစ္စနဲ့ပတ်သက်ပြီး SpaceX ကုမ္ပဏီနဲ့ ရုရှားကာကွယ်ရေးဝန်ကြီးဌာနဘက်ကတော့ တစုံတရာ တုံ့ပြန်ပြောဆိုထားခြင်း မရှိသေးဘူးလို့ ဆိုပါတယ်။

Ref & Photo; Reuters

မြို့တော် News Channel

#myotawnpt
#Myotaw