အရေးပေါ်
ပြည်တွင်းသတင်း

လိုင်းကြေးပေးပြီး နှစ်ရှည်လုပ်ကိုင်နေတဲ့ ဂျင်ဝိုင်းတွေကို ဝင်ရောက်ဖမ်းဆီးလို့ ကား၊ ဆိုင်ကယ်နဲ့ အိုးဝေတွေပါ သိမ်းဆည်းခံရ

၂၀၂၆ အောက်တိုဘာ ၆ Myo Taw
လိုင်းကြေးပေးပြီး နှစ်ရှည်လုပ်ကိုင်နေတဲ့ ဂျင်ဝိုင်းတွေကို ဝင်ရောက်ဖမ်းဆီးလို့ ကား၊ ဆိုင်ကယ်နဲ့ အိုးဝေတွေပါ သိမ်းဆည်းခံရ

လိုင်းကြေးပေးပြီး နှစ်ရှည်လုပ်ကိုင်နေတဲ့ ဂျင်ဝိုင်းတွေကို ဝင်ရောက်ဖမ်းဆီးလို့ ကား၊ ဆိုင်ကယ်နဲ့ အိုးဝေတွေပါ သိမ်းဆည်းခံရ

အောက်တိုဘာ ၆

ပဲခူးတိုင်း၊ သာယာဝတီမြို့နယ်၊ သာယာအေးကျေးရွာမှာ လိုင်းကြေးပေးပြီး နှစ်ရှည်လုပ်ကိုင်နေတဲ့ ဂျင်ဝိုင်းတွေကို အာဏာသိမ်းအစိုးရ လက်အောက်ခံ ရဲတပ်ဖွဲ့က ဝင်ရောက်ဖမ်းဆီးခဲ့တယ်လို့ သိရပါတယ်။

အောက်တိုဘာလ ၅ ရက် မနေ့က နေ့လယ် ၂ နာရီခွဲခန့်မှာ သာယာဝတီမြို့နယ်၊ သာယာအေးကျေးရွာက ဦးအာထစ် (ခ) ဦးကုလားနဲ့ ဒေါ်ဌေးမာတို့ရဲ့ ခြံဝန်းထဲမှာ လောင်းကစားဝိုင်းပြုလုပ်နေချိန် ဝင်ဖမ်းခံရတာလို့သိရပြီး အမျိုးသား ၈ ဦးနဲ့ အမျိုးသမီး ၃ ဦး၊ စုစုပေါင်း ၁၁ ဦး ဖမ်းဆီးခံခဲ့ရတယ်လို့ သိရပါတယ်။

"ဒီဝိုင်းတွေက အာဏာသိမ်းပြီးချိန် ၂၀၂၁ နှစ်ကုန် ၂၀၂၂ လောက်ကတည်းက အလှည့်ကျ လုပ်နေတာပါ၊ မြို့နယ်ကလည်း ၇ ရက် တပတ်ကို လိုင်းကြေး သိန်း ၆၀ ကျော် ရတယ်၊ အိမ်ငှားကလည်း တပတ် ၂ သိန်းလောက်ရတယ်၊ စစ်မှုထမ်းကြေး အတွက်လည်း အထောက်အကူ ဖြစ်တယ်ဆိုပြီး မြို့နယ်ထွေအုပ်ကော ရဲကော ခွင့်ပြုထားတာ ကြာပြီ၊ပေးထားတဲ့ လိုင်းကြေးတွေကျ စားပြီး ခုမှ ဟန်ပြဝင်ဖမ်းတာ" လို့ လောင်းကစား ဝါသနာပါသူ အမျိုးသားတဦးက ပြောပါတယ်။

အာဏာသိမ်းအစိုးရ လက်အောက်ခံ ရဲတပ်ဖွဲ့က တိုင်ကြားမှုကြောင့်သာ ဝင်ဖမ်းတာလို့ ပြောဆိုထားပြီး ဂျင်ဝိုင်းတွေလုပ်နေတာ ၅ နှစ်ကျော်ပြီလို့ သိရကာ ပွဲလမ်းသဘင်လိုမျိုး လုပ်ကိုင်ခွင့်ပြုထားတာလည်း ကြာပြီဖြစ်လို့ ဒေသခံတွေကြား မထူးဆန်းတော့ဘူးလို့လည်း ဆိုပါတယ်။

"ဘယ်သူမှ မတိုင်ဘူး၊ သူတို့ဘာသာ အထက်အောက် ဝေစုမတည့်တာ ဖြစ်မယ်၊ မြို့နယ်က လူတွေကော တခြားနယ်စုံကပါ လာကစားကြတာ၊ အဲ့ဝန်းကျင်မှာ ကွမ်းယာသည်၊ မု့န်သည်၊ အပေါင်ခံသူနဲ့ အစုံရှိတယ်" လို့ ဒေသခံတဦးက ပြောပါတယ်။

ဝင်ရောက်ဖမ်းဆီးခံရချိန် ဂျင်ဝိုင်းလောင်းကစား ပြုလုပ်နေသူတချို့ ထွက်ပြေးလွတ်မြောက်ခဲ့ပြီး ဒိုင်လုပ်သူနဲ့ ငွေကိုင်တချို့သာ ကျန်ခဲ့ပြီး ၁၁ ဦး ဖမ်းဆီးခံခဲ့ရကာ လောင်းကြေးငွေ ကျပ် ၂၁၁ သိန်းကျော်နဲ့ မော်တော်ဆိုင်ကယ် ၃၀ စီး၊ အိမ်စီးကား ၇ စီးနဲ့ အိုးဝေ ၂ စီးတို့ သိမ်းဆည်းခံခဲ့ရတယ်လို့ သိရပါတယ်။

လတ်တလောမှာ ဖမ်းဆီးခံရသူတွေကို သာယာဝတီ မြို့မရဲစခန်းမှာ ဖမ်းဆီးထိန်းသိမ်းထားပြီး အာမခံရရှိဖို့ ဖမ်းခဲ့တဲ့ရဲကပဲ တဦးကို သိန်း ၆၀ နဲ့ စျေးညှိပေးနေတယ်လို့ သိရကာ သိမ်းဆည်းခံရတဲ့ ဆိုင်ကယ်၊ ကားနဲ့ အိုးဝေတွေရဲ့ ပိုင်ရှင်တွေကိုလည်း လာအဖမ်းခံဖို့နဲ့ လာအဖမ်းမခံပါက ပစ္စည်းတွေကို နိုင်ငံပိုင်အဖြစ် သိမ်းဆည်းမယ်လို့လည်း ခြိမ်းခြောက်ထားတယ်လို့ သိရပါတယ်။

မြို့တော် News Channel

ဓာတ်ပုံများ (3)

ဆက်စပ် သတင်းများ

ရွှေဆိုင်ဓားပြတိုက်မှု ရက် ၄၀ အတွင်း ၃ ကြိမ်ဖြစ်ခဲ့ပြီး ခုကြိမ်မှာ သိန်း ၁၂၀၀ ခန့်ပါသွား ရုပ်သံ ပြည်တွင်းသတင်း

ရွှေဆိုင်ဓားပြတိုက်မှု ရက် ၄၀ အတွင်း ၃ ကြိမ်ဖြစ်ခဲ့ပြီး ခုကြိမ်မှာ သိန်း ၁၂၀၀ ခန့်ပါသွား

ရွှေဆိုင်ဓားပြတိုက်မှု ရက် ၄၀ အတွင်း ၃ ကြိမ်ဖြစ်ခဲ့ပြီး ခုကြိမ်မှာ သိန်း ၁၂၀၀ ခန့်ပါသွားတဲ့ သတင်းနဲ့အတူ မြို့တော်ရဲ့ ညစဉ်သတင်း တင်ဆက်မှု…

ကြည့်ရန်
ဘီးလင်းမြို့နယ်မှာ ကားနဲ့ ခရီးသွားနေစဉ် အမျိုးသားတဦး သေနတ်နဲ့ ပစ်ခတ်ခံရ ပြည်တွင်းသတင်း

ဘီးလင်းမြို့နယ်မှာ ကားနဲ့ ခရီးသွားနေစဉ် အမျိုးသားတဦး သေနတ်နဲ့ ပစ်ခတ်ခံရ

မွန်ပြည်နယ်၊ ဘီးလင်းမြို့နယ်၊ တောင်ကြီးကျေးရွာမှာ ကားနဲ့ ခရီးသွားခဲ့တဲ့ အမျိုးသားတဦး အမည်မသိ လူ ၂ ဦးရဲ့ သေနတ်နဲ့ စောင့်ကြိုပစ်ခတ်ခြင်းခံရတယ်လို့ သိရပါတယ်။

ဖတ်ရန်
ပြည်ပလုပ်သားတွေရဲ့ ဘဏ်ငွေလွှဲနှုန်း တိုးမြှင့်လာပေမယ့် ပြင်ပပေါက်ဈေးထက် နည်းနေလို့ နစ်နာမှုတွေ ရှိနေဆဲ အလုပ်သမားရေးရာ

ပြည်ပလုပ်သားတွေရဲ့ ဘဏ်ငွေလွှဲနှုန်း တိုးမြှင့်လာပေမယ့် ပြင်ပပေါက်ဈေးထက် နည်းနေလို့ နစ်နာမှုတွေ ရှိနေဆဲ

ပြည်ပရောက် အလုပ်သားတွေရဲ့ လုပ်ခလစာ ငွေလွှဲနှုန်းကို အမေရိကန် ၁ ဒေါ်လာလျှင် ကျပ် ၄,၆၀၀ အထိ တိုးမြှင့်ပေးမယ်လို့ ပြည်တွင်းပုဂ္ဂလိကဘဏ်အချို့က နိုဝင်ဘာ ၁၉…

ဖတ်ရန်
ကျောက်မဲမြို့မှာ ရွှေဆိုင်ဓားပြတိုက်မှု သုံးကြိမ်မြောက် ဖြစ်ပွားပြီး ငွေကျပ်သိန်း ၁၂၀၀ ခန့် ပါသွား ပြည်တွင်းသတင်း

ကျောက်မဲမြို့မှာ ရွှေဆိုင်ဓားပြတိုက်မှု သုံးကြိမ်မြောက် ဖြစ်ပွားပြီး ငွေကျပ်သိန်း ၁၂၀၀ ခန့် ပါသွား

ရှမ်းပြည်နယ်မြောက်ပိုင်း၊ ကျောက်မဲမြို့၊ ဗဟိုဈေးအနီး ဈေးတောင်ဘက်တိုက်တန်းက 'ရွှေတောင်တန်း' ရွှေဆိုင် ဓားပြတိုက်လုယက်ခံရပြီး ငွေကျပ်သိန်း ၁၂၀၀ ခန့် တန်ဖိုးရှိ ရွှေဆွဲကြိုးတွေ ပါသွားခဲ့တယ်လို့ ဒေသတွင်း…

ဖတ်ရန်