အရေးပေါ်
ပြည်တွင်းသတင်း

ဆွမ်းကပ်ဖို့သွားတဲ့ကား ဘရိတ်ပေါက်ပြီး လမ်းဘေးရပ်ထားတဲ့ ဘောက်ကားကို ဝင်တိုက်လို့ ၁၀ ဦး သေဆုံးကာ ၃ ဦး ပြင်းထန်ဒဏ်ရာရ

၂၀၂၆ အောက်တိုဘာ ၅ Myo Taw
ဆွမ်းကပ်ဖို့သွားတဲ့ကား ဘရိတ်ပေါက်ပြီး လမ်းဘေးရပ်ထားတဲ့ ဘောက်ကားကို ဝင်တိုက်လို့ ၁၀ ဦး သေဆုံးကာ ၃ ဦး ပြင်းထန်ဒဏ်ရာရ

ဆွမ်းကပ်ဖို့သွားတဲ့ကား ဘရိတ်ပေါက်ပြီး လမ်းဘေးရပ်ထားတဲ့ ဘောက်ကားကို ဝင်တိုက်လို့ ၁၀ ဦး သေဆုံးကာ ၃ ဦး ပြင်းထန်ဒဏ်ရာရ

အောက်တိုဘာ ၅

စစ်ကိုင်းတိုင်း၊ စစ်ကိုင်းမြို့နယ်၊ ကျောက်ဆည်ကျေးရွာနဲ့ ကုန်းကျေးရွာကြား၊ မုံရွာ-မန္တလေး ကားလမ်းမပေါ်မှာ လမ်းဘေးရပ်ထားတဲ့ ဘောက်ကား(ကွန်တိန်နာ)ယာဉ်ကို ခရီးသည်တင်လာတဲ့ Hijet ကားတစီးက အရှိန်မထိန်းနိုင်ဘဲ မျက်နှာချင်းဆိုင် ဝင်တိုက်ရာက ကားပေါ်လိုက်ပါသူတွေထဲက ၁၀ ဦး သေဆုံးကာ ၃ ဦး ထိခိုက်ဒဏ်ရာ ပြင်းထန်ရခဲ့တယ်လို့ သိရပါတယ်။

အောက်တိုဘာလ ၅ ရက် ဒီကနေ့ မနက် ၁၀ နာရီဝန်းကျင်ခန့်က မြောင်မြို့နယ်ကနေ မန္တလေးကို မောင်းနှင်လာတဲ့ Hijet ကားတစီးက မုံရွာ-မန္တလေး လမ်းဘေးမှာရပ်ထားတဲ့ ခြောက်ဘီးတပ် ဘောက်ကား(ကွန်တိန်နား )ယာဉ်ကို ဘရိတ်ပေါက်ကာ မျက်နှာချင်းဆိုင် ဝင်တိုက်မိခဲ့တာဖြစ်ပြီး ကားနောက်ခန်းမှာ ပါလာသူတွေနဲ့ ယာဥ်မောင်းအပါအဝင် ၁၀ ဦး သေဆုံးသွားတယ်လို့ သိရပါတယ်။

“အမျိုးသမီး ၈ ယောက်နဲ့ အမျိုးသား ၂ ယောက်သေတယ်။ ကျန်တဲ့ ၃ ယောက်က သတိမရသေးဘူး။ ရပ်ထားတဲ့ကားက ဘိလပ်မြေသယ်နေတာ။ တိုက်တဲ့ Hijet ကားက မန္တလေးကို ဆွမ်းသွားကပ်ဖို့ လာတာကနေ ကားဘရိတ်ပေါက်တာလို့ ပြောတယ်။ သေတဲ့အထဲ အသက်ကြီးပိုင်း ၅၀ ဝန်းကျင်တွေလည်း ပါတယ်” လို့ ဒေသခံတဦးက ပြောပါတယ်။

လတ်တလောမှာ သေဆုံးသူတွေနဲ့ ဒဏ်ရာရသူတွေကို စစ်ကိုင်းပြည်သူ့ဆေးရုံကြီးကို ပို့ဆောင်ထားပြီး ဒဏ်ရာရတဲ့ ၃ ဦးကိုတော့ ဆေးရုံကြီးမှာ အတွင်းလူနာအဖြစ် စောင့်ကြည့်နေရဆဲလို့ သိရပါတယ်။

၂၀၂၆ ခုနှစ် ဇန်နဝါရီလကနေ ဇွန်လအထိ မြန်မာတနိုင်ငံလုံး ယာဥ်တိုက်မှုပေါင်း ၁၆၈၆ ခု ဖြစ်ပွားခဲ့ပြီး လူ ၉၃၂ ဦး သေဆုံးခဲ့ကာ ၂၃၇၁ ဦး ထိခိုက်ဒဏ်ရာရရှိခဲ့တယ်လို့ သတင်းထုတ်ပြန်ချက်တွေအရ သိရပါတယ်။

မြို့တော် News Channel

ဓာတ်ပုံများ (3)

ဆက်စပ် သတင်းများ

ရွှေဆိုင်ဓားပြတိုက်မှု ရက် ၄၀ အတွင်း ၃ ကြိမ်ဖြစ်ခဲ့ပြီး ခုကြိမ်မှာ သိန်း ၁၂၀၀ ခန့်ပါသွား ရုပ်သံ Daily NEWS

ရွှေဆိုင်ဓားပြတိုက်မှု ရက် ၄၀ အတွင်း ၃ ကြိမ်ဖြစ်ခဲ့ပြီး ခုကြိမ်မှာ သိန်း ၁၂၀၀ ခန့်ပါသွား

ရွှေဆိုင်ဓားပြတိုက်မှု ရက် ၄၀ အတွင်း ၃ ကြိမ်ဖြစ်ခဲ့ပြီး ခုကြိမ်မှာ သိန်း ၁၂၀၀ ခန့်ပါသွားတဲ့ သတင်းနဲ့အတူ မြို့တော်ရဲ့ ညစဉ်သတင်း တင်ဆက်မှု…

ကြည့်ရန်
ဘီးလင်းမြို့နယ်မှာ ကားနဲ့ ခရီးသွားနေစဉ် အမျိုးသားတဦး သေနတ်နဲ့ ပစ်ခတ်ခံရ ပြည်တွင်းသတင်း

ဘီးလင်းမြို့နယ်မှာ ကားနဲ့ ခရီးသွားနေစဉ် အမျိုးသားတဦး သေနတ်နဲ့ ပစ်ခတ်ခံရ

မွန်ပြည်နယ်၊ ဘီးလင်းမြို့နယ်၊ တောင်ကြီးကျေးရွာမှာ ကားနဲ့ ခရီးသွားခဲ့တဲ့ အမျိုးသားတဦး အမည်မသိ လူ ၂ ဦးရဲ့ သေနတ်နဲ့ စောင့်ကြိုပစ်ခတ်ခြင်းခံရတယ်လို့ သိရပါတယ်။

ဖတ်ရန်
ပြည်ပလုပ်သားတွေရဲ့ ဘဏ်ငွေလွှဲနှုန်း တိုးမြှင့်လာပေမယ့် ပြင်ပပေါက်ဈေးထက် နည်းနေလို့ နစ်နာမှုတွေ ရှိနေဆဲ အလုပ်သမားရေးရာ

ပြည်ပလုပ်သားတွေရဲ့ ဘဏ်ငွေလွှဲနှုန်း တိုးမြှင့်လာပေမယ့် ပြင်ပပေါက်ဈေးထက် နည်းနေလို့ နစ်နာမှုတွေ ရှိနေဆဲ

ပြည်ပရောက် အလုပ်သားတွေရဲ့ လုပ်ခလစာ ငွေလွှဲနှုန်းကို အမေရိကန် ၁ ဒေါ်လာလျှင် ကျပ် ၄,၆၀၀ အထိ တိုးမြှင့်ပေးမယ်လို့ ပြည်တွင်းပုဂ္ဂလိကဘဏ်အချို့က နိုဝင်ဘာ ၁၉…

ဖတ်ရန်
ကျောက်မဲမြို့မှာ ရွှေဆိုင်ဓားပြတိုက်မှု သုံးကြိမ်မြောက် ဖြစ်ပွားပြီး ငွေကျပ်သိန်း ၁၂၀၀ ခန့် ပါသွား ပြည်တွင်းသတင်း

ကျောက်မဲမြို့မှာ ရွှေဆိုင်ဓားပြတိုက်မှု သုံးကြိမ်မြောက် ဖြစ်ပွားပြီး ငွေကျပ်သိန်း ၁၂၀၀ ခန့် ပါသွား

ရှမ်းပြည်နယ်မြောက်ပိုင်း၊ ကျောက်မဲမြို့၊ ဗဟိုဈေးအနီး ဈေးတောင်ဘက်တိုက်တန်းက 'ရွှေတောင်တန်း' ရွှေဆိုင် ဓားပြတိုက်လုယက်ခံရပြီး ငွေကျပ်သိန်း ၁၂၀၀ ခန့် တန်ဖိုးရှိ ရွှေဆွဲကြိုးတွေ ပါသွားခဲ့တယ်လို့ ဒေသတွင်း…

ဖတ်ရန်