အရေးပေါ်
ပြည်တွင်းသတင်း

လားရှိုးမှာ မီးကြိုးဖြတ်တောက်ခိုးယူတဲ့ အသက်ကြီးပိုင်းအမျိုးသားတဦး ဖမ်းဆီးခံရ

၂၀၂၆ အောက်တိုဘာ ၅ Myo Taw
လားရှိုးမှာ မီးကြိုးဖြတ်တောက်ခိုးယူတဲ့ အသက်ကြီးပိုင်းအမျိုးသားတဦး ဖမ်းဆီးခံရ

လားရှိုးမှာ မီးကြိုးဖြတ်တောက်ခိုးယူတဲ့ အသက်ကြီးပိုင်းအမျိုးသားတဦး ဖမ်းဆီးခံရ

အောက်တိုဘာ ၅

ရှမ်းပြည်နယ်မြောက်ပိုင်း၊ လားရှိုးမြို့မှာ မီးကြိုးဖြတ်တောက်ခိုးယူသူ အသက်ကြီးပိုင်း အမျိုးသားတဦးကို ဒေသခံတွေက ဝိုင်းဝန်းဖမ်းဆီးပြီး အာဏာသိမ်းအစိုးရလက်အောက်ခံ ရဲတပ်ဖွဲ့ထံ အပ်နှံခဲ့ကြတယ်လို့ သိရပါတယ်။

အောက်တိုဘာလ ၃ ရက်နေ့ညက လားရှိုးမြို့၊ ရပ်ကွက်(၉)၊ နယ်မြေ(၁)ရှိ ဓာတ်အားခွဲရုံအနီးမှာ ဖြစ်ပွားခဲ့တာဖြစ်ပြီး ဖမ်းဆီးရမိတဲ့ အမျိုးသားဟာ အသက် ၅၀ ဝန်းကျင်ဖြစ်တယ်လို့ သိရကာ စားဝတ်နေရေးအတွက် အခုလိုလုပ်ရတာလို့ ဆိုပါတယ်။

“ခုနောက်ပိုင်း မီးကြိုးဖြတ်ခိုးတာတွေ မကြာခဏ ကြားနေရတယ်။ ခိုးတဲ့သူတွေက ကြိုးကိုခွာတာ ဒါမှမဟုတ် မီးရှို့တာတွေလုပ်ကြပြီး အထဲက ကြေးကိုရောင်းစားကြတာ။ ကြေးဈေးကလည်း ကောင်းတယ်လေ။ စားဝတ်နေရေး ခက်ခဲလာတော့လည်း လုပ်မိလုပ်ရာ လုပ်နေကြတယ်ထင်ပါတယ်။ မီးကြိုးဖြတ်ခိုးတယ်ဆိုတာ တကယ်တော့ အန္တရာယ်များတယ်၊ မတော်တဆ ဓာတ်လိုက်ပြီး သေသွားနိုင်တယ်” လို့ ဒေသခံအမျိုးသမီးတဦးက မြို့တော်ကို ပြောပါတယ်။

လားရှိုးမြို့မှာ အုပ်စုဖွဲ့ ပြန်ပေးဆွဲမှု၊ နေအိမ်တွေအတွင်း ဝင်ရောက်လုယက် ဓားပြတိုက်မှုနဲ့ ခိုးမှုတွေ ဆက်တိုက်ဆိုသလို ဖြစ်ပွားနေတာကြောင့် ဒေသခံပြည်သူတွေအနေနဲ့ သွားလာရေးနဲ့ လုံခြုံရေးအတွက် စိုးရိမ်ထိတ်လန့်နေကြရတယ်လို့ သိရပါတယ်။

ပြီးခဲ့တဲ့ ဩဂုတ်လ ၁၃ ရက်နေ့ကလည်း မော်လမြိုင်မြို့၊ ညောင်ပင်ဆိပ်ရပ်ကွက်၊ စက်မှုဇုန်(၁၆)လမ်းမှာ တွဲလောင်းကျနေတဲ့ ဓာတ်ကြိုးကို ဖြတ်ခိုးယူရာက အမျိုးသားတဦး ဓာတ်လိုက်သေဆုံးခဲ့တဲ့ဖြစ်စဉ် ဖြစ်ပွားခဲ့ပါသေးတယ်။

မြို့တော် News Channel

ဓာတ်ပုံများ (1)

ဆက်စပ် သတင်းများ

ရွှေဆိုင်ဓားပြတိုက်မှု ရက် ၄၀ အတွင်း ၃ ကြိမ်ဖြစ်ခဲ့ပြီး ခုကြိမ်မှာ သိန်း ၁၂၀၀ ခန့်ပါသွား ရုပ်သံ ပြည်တွင်းသတင်း

ရွှေဆိုင်ဓားပြတိုက်မှု ရက် ၄၀ အတွင်း ၃ ကြိမ်ဖြစ်ခဲ့ပြီး ခုကြိမ်မှာ သိန်း ၁၂၀၀ ခန့်ပါသွား

ရွှေဆိုင်ဓားပြတိုက်မှု ရက် ၄၀ အတွင်း ၃ ကြိမ်ဖြစ်ခဲ့ပြီး ခုကြိမ်မှာ သိန်း ၁၂၀၀ ခန့်ပါသွားတဲ့ သတင်းနဲ့အတူ မြို့တော်ရဲ့ ညစဉ်သတင်း တင်ဆက်မှု…

ကြည့်ရန်
ဘီးလင်းမြို့နယ်မှာ ကားနဲ့ ခရီးသွားနေစဉ် အမျိုးသားတဦး သေနတ်နဲ့ ပစ်ခတ်ခံရ ပြည်တွင်းသတင်း

ဘီးလင်းမြို့နယ်မှာ ကားနဲ့ ခရီးသွားနေစဉ် အမျိုးသားတဦး သေနတ်နဲ့ ပစ်ခတ်ခံရ

မွန်ပြည်နယ်၊ ဘီးလင်းမြို့နယ်၊ တောင်ကြီးကျေးရွာမှာ ကားနဲ့ ခရီးသွားခဲ့တဲ့ အမျိုးသားတဦး အမည်မသိ လူ ၂ ဦးရဲ့ သေနတ်နဲ့ စောင့်ကြိုပစ်ခတ်ခြင်းခံရတယ်လို့ သိရပါတယ်။

ဖတ်ရန်
ပြည်ပလုပ်သားတွေရဲ့ ဘဏ်ငွေလွှဲနှုန်း တိုးမြှင့်လာပေမယ့် ပြင်ပပေါက်ဈေးထက် နည်းနေလို့ နစ်နာမှုတွေ ရှိနေဆဲ အလုပ်သမားရေးရာ

ပြည်ပလုပ်သားတွေရဲ့ ဘဏ်ငွေလွှဲနှုန်း တိုးမြှင့်လာပေမယ့် ပြင်ပပေါက်ဈေးထက် နည်းနေလို့ နစ်နာမှုတွေ ရှိနေဆဲ

ပြည်ပရောက် အလုပ်သားတွေရဲ့ လုပ်ခလစာ ငွေလွှဲနှုန်းကို အမေရိကန် ၁ ဒေါ်လာလျှင် ကျပ် ၄,၆၀၀ အထိ တိုးမြှင့်ပေးမယ်လို့ ပြည်တွင်းပုဂ္ဂလိကဘဏ်အချို့က နိုဝင်ဘာ ၁၉…

ဖတ်ရန်
ကျောက်မဲမြို့မှာ ရွှေဆိုင်ဓားပြတိုက်မှု သုံးကြိမ်မြောက် ဖြစ်ပွားပြီး ငွေကျပ်သိန်း ၁၂၀၀ ခန့် ပါသွား ပြည်တွင်းသတင်း

ကျောက်မဲမြို့မှာ ရွှေဆိုင်ဓားပြတိုက်မှု သုံးကြိမ်မြောက် ဖြစ်ပွားပြီး ငွေကျပ်သိန်း ၁၂၀၀ ခန့် ပါသွား

ရှမ်းပြည်နယ်မြောက်ပိုင်း၊ ကျောက်မဲမြို့၊ ဗဟိုဈေးအနီး ဈေးတောင်ဘက်တိုက်တန်းက 'ရွှေတောင်တန်း' ရွှေဆိုင် ဓားပြတိုက်လုယက်ခံရပြီး ငွေကျပ်သိန်း ၁၂၀၀ ခန့် တန်ဖိုးရှိ ရွှေဆွဲကြိုးတွေ ပါသွားခဲ့တယ်လို့ ဒေသတွင်း…

ဖတ်ရန်