အသက်ကြီးပိုင်း အမျိုးသမီး ၁ ဦး ၆ လွှာကနေ ပြုတ်ကျလို့ သေဆုံး
နိုဝင်ဘာ ၁၆
ရန်ကုန်တိုင်း၊ စမ်းချောင်းမြို့နယ်၊ မင်းလမ်းမှာ အသက်ကြီးပိုင်း အမျိုးသမီးတဦး တိုက်ခန်းပေါ်ကနေ ပြုတ်ကျပြီး သေဆုံးခဲ့တယ်လို့ သိရပါတယ်။
နိုဝင်ဘာလ ၁၅ ရက်နေ့၊ မနက် ၇ နာရီခန့်က စမ်းချောင်းမြို့နယ်၊ မင်းလမ်းက တိုက်ခန်း ၆ လွှာမှာနေတဲ့ အသက် ၆၀ ကျော်ဝန်းကျင်ရှိ စိတ်ကျန်းမာရေးချို့တဲ့နေသူ အမျိုးသမီးကြီးတဦး ပြုတ်ကျပြီး သေဆုံးခဲ့တာလို့ သိရပါတယ်။
“၆ လွှာကနေ ကျတာ၊ ခုန်ချတာလား ပြုတ်ကျတာလားတော့ မသိဘူး၊ လူတွေ ဝိုင်းကြည့်နေလို့ သွားကြည့်ရင်း တွေ့တာ။ အသက်တော့ ကြီးနေပြီ၊ စိတ်ကျန်းမာရေး သိပ်မကောင်းဘူးလို့ ပြောတယ်။ တိုက်ရှေ့က တာလပတ်နဲ့ ဆွဲထားတဲ့ အဖီပေါ်ကို ကျပြီးမှ မှောက်လျှက်အနေအထားနဲ့ ကွန်ကရစ်ပေါ် ကျတာ” လို့ ဒေသခံတဦးက ပြောပါတယ်။
သေဆုံးသူရဲ့ ရုပ်အလောင်းကို ဒေသတွင်း ပရဟိတအဖွဲ့တခုက သယ်ဆောင်ကာ ရန်ကုန်ဆေးရုံကြီး ရင်ခွဲရုံကို ပို့ဆောင်ပေးခဲ့ကြတယ်လို့ သိရပါတယ်။
အလားတူ နိုဝင်ဘာ ၁၅ ရက်နေ့၊ ညနေပိုင်း ၅ နာရီဝန်းကျင်ခန့်ကလည်း ရန်ကုန်တိုင်း၊ မင်္ဂလာဒုံမြို့နယ်၊ ချစ်တီးကုန်းရပ်ကွက်က အောင်မင်္ဂလာ ယာဉ်ရပ်နားဝင်းအတွင်းရှိ စက်မှုလမ်း၊ (မ)ဌ/၄၇ အလုပ်ရုံရှေ့မှာ နံရံမှီလျှက်အနေအထားနဲ့ သေဆုံးနေတဲ့ အသက် ၃၀ ဝန်းကျင် လူငယ်တဦးရဲ့ ရုပ်အလောင်းကို တွေ့ခဲ့ကြသေးတယ်လို့ သိရပါတယ်။
မြို့တော် News Channel