အရေးပေါ်
ပြည်တွင်းသတင်း

မင်းအောင်လှိုင်ကို ကောဇောနီခင်း ကြိုဆိုမှု ဝေဖန်ခံနေရချိန် မြန်မာကို အာဆီယံအသိုက်အဝန်းထဲ အပြည့်အဝ ပြန်လည်ပါဝင်လာနိုင်ရေး အစွမ်းကုန်ကြိုးပမ်းမယ်လို့ မလေးရှားဝန်ကြီးချုပ်ပြော

၂၀၂၆ အောက်တိုဘာ ၈ Myo Taw
မင်းအောင်လှိုင်ကို ကောဇောနီခင်း ကြိုဆိုမှု ဝေဖန်ခံနေရချိန် မြန်မာကို အာဆီယံအသိုက်အဝန်းထဲ အပြည့်အဝ ပြန်လည်ပါဝင်လာနိုင်ရေး အစွမ်းကုန်ကြိုးပမ်းမယ်လို့ မလေးရှားဝန်ကြီးချုပ်ပြော

မင်းအောင်လှိုင်ကို ကောဇောနီခင်း ကြိုဆိုမှု ဝေဖန်ခံနေရချိန် မြန်မာကို အာဆီယံအသိုက်အဝန်းထဲ အပြည့်အဝ ပြန်လည်ပါဝင်လာနိုင်ရေး အစွမ်းကုန်ကြိုးပမ်းမယ်လို့ မလေးရှားဝန်ကြီးချုပ်ပြော

အောက်တိုဘာ ၈

မလေးရှားနိုင်ငံအနေနဲ့ မြန်မာနိုင်ငံကို အာဆီယံအသိုက်အဝန်းထဲ အပြည့်အဝ ပြန်လည်ပါဝင်လာနိုင်ရေး “တတ်နိုင်သမျှ အစွမ်းကုန်” ဆက်လက်ကြိုးပမ်းသွားမယ်လို့ မလေးရှားဝန်ကြီးချုပ် အန်ဝါ အီဘရာဟင်က ဒီကနေ့ အောက်တိုဘာ ၈ ရက်နေ့မှာ ပြောဆိုလိုက်ပါတယ်။

အာဏာသိမ်းစစ်ခေါင်းဆောင် မင်းအောင်လှိုင်ကို မလေးရှားဝန်ကြီးချုပ်က ကောဇောနီခင်းပြီး ကြိုဆိုခဲ့တဲ့အပေါ် နိုင်ငံရေးအရ အသိအမှတ်ပြုရာ ရောက်နိုင်တယ်လို့ ဒီမိုကရေစီရေး လှုပ်ရှားသူတွေက ဝေဖန်နေချိန်မှာပဲ အခုလို ပြောဆိုလိုက်တာ ဖြစ်ပါတယ်။

မြန်မာနိုင်ငံမှာ ဒီမိုကရေစီရေးနဲ့ပတ်သက်ပြီး စိုးရိမ်မှုတွေ ဆက်ရှိနေတယ်ဆိုတာကို လက်ခံပေမယ့် သဘောထားကွဲလွဲမှုတွေကို အပြန်အလှန်လေးစားဖို့ လိုအပ်တယ်လို့ မလေးရှားဝန်ကြီးချုပ်က ပြောဆိုထားပါတယ်။

မင်းအောင်လှိုင်ဘက်ကလည်း ပူးပေါင်းဆောင်ရွက်လိုတဲ့ ဆန္ဒရှိကြောင်း ပြသထားတာကြောင့် နှစ်နိုင်ငံအကြား ပူးပေါင်းဆောင်ရွက်မှုတွေကို ဆက်လက်မြှင့်တင်သွားမယ်လို့လည်း ဆိုပါတယ်။

မလေးရှားနိုင်ငံ အနေနဲ့ ဒီပူးပေါင်းဆောင်ရွက်မှုကို မြှင့်တင်ဖို့နဲ့ ဘက်လိုက်မှုမရှိဘဲ အထူးသဖြင့် အာဆီယံ မူဘောင်အတွင်းကနေ မြန်မာနိုင်ငံကို နိုင်ငံတကာ အသိုက်အဝန်းထဲ ပြန်လည်ခေါ်ဆောင်နိုင်ရေး တတ်နိုင်သမျှ ဆောင်ရွက်သွားမယ်လို့ က မလေးရှားဝန်ကြီးချုပ်က ပြောဆိုခဲ့ပါတယ်။

ဒါ့အပြင် မလေးရှားနိုင်ငံကနေ မြန်မာနိုင်ငံသား ၁၀,၄၉၃ ဦးကို ပြန်လည်ခေါ်ယူခဲ့တဲ့အတွက် စစ်ခေါင်းဆောင် မင်းအောင်လှိုင်ကို ကျေးဇူးတင်ကြောင်း မလေးရှားဝန်ကြီးချုပ်က သတင်းစာရှင်းလင်းပွဲအတွင်း ပြောဆိုထားပါတယ်။

မလေးရှားအနေနဲ့ မြန်မာနိုင်ငံက ဒုက္ခသည်တွေကို ဘဏ္ဍာရေးဆိုင်ရာ ဝန်ထုပ်ဝန်ပိုးနဲ့ လုံခြုံရေးဆိုင်ရာ စိုးရိမ်မှုတွေကြောင့် ဆက်လက်လက်ခံထားနိုင်တော့မှာ မဟုတ်ဘူးလို့လည်း ဆိုပါတယ်။

မလေးရှားအနေနဲ့ ပြီးခဲ့တဲ့လက မြန်မာဒုက္ခသည် လူဦးရေ ၅,၀၀၀ အထိ ပြန်လည်ပို့ဆောင်မယ့်အစီအစဉ်ရဲ့ တစ်စိတ်တစ်ပိုင်းအဖြစ် ဒုက္ခသည် ၁,၅၀၀ ဝန်းကျင်ကို အာဏာသိမ်းစစ်တပ်ရဲ့ စစ်ရေယာဉ်တွေနဲ့ မြန်မာနိုင်ငံကို ပြန်လည်ပို့ဆောင်ခဲ့ပြီး ဖြစ်ပါတယ်။

မလေးရှားရဲ့ မြန်မာဒုက္ခသည်တွေကို နေရပ်ပြန်ပို့မယ့် အစီအစဉ်နဲ့ပတ်သက်ပြီး လက်ရှိ မြန်မာနိုင်ငံရဲ့ ပြည်တွင်းစစ်အခြေအနေတွေနဲ့ အတင်းအဓမ္မ စစ်မှုထမ်းခိုင်းမှုတွေကြောင့် နေရပ်ပြန်ပို့ခံရမယ့် မြန်မာနိုင်ငံသားတွေအနေနဲ့ လုံခြုံရေးအန္တရာယ်တွေ ကြုံတွေ့နိုင်တယ်လို့ ကုလသမဂ္ဂ (UN) နဲ့ လူ့အခွင့်အရေးအဖွဲ့အစည်းတွေက ထောက်ပြပြောဆိုထားပါတယ်။

အာဏာသိမ်းပြီးနောက်ပိုင်း အာဆီယံ ဘုံသဘောတူညီချက် ၅ ချက်ကို လိုက်နာဖို့ ပျက်ကွက်ခဲ့တာကြောင့် မင်းအောင်လှိုင်နဲ့ အဆင့်မြင့်အရာရှိတွေကို အာဆီယံထိပ်သီးအစည်းအဝေးတွေမှာ နိုင်ငံရေးအဆင့် ကိုယ်စားလှယ်အဖြစ် တက်ရောက်ခွင့် ကန့်သတ်ထားခဲ့ပေမယ့် ထိုင်း၊ လာအို၊ ကမ္ဘောဒီးယားနဲ့ ဗီယက်နမ် အပါအဝင် အာဆီယံအဖွဲ့ဝင်နိုင်ငံတချို့ကတော့ အာဏာသိမ်း မြန်မာစစ်ခေါင်းဆောင်တွေနဲ့ ဆက်ဆံရေး ပြန်လည်တိုးမြှင့်ဖို့ ကြိုးပမ်းလာနေပါတယ်။

Ref & Photo: Reuters

မြို့တော် News Channel

ဓာတ်ပုံများ (5)

ဆက်စပ် သတင်းများ

ရွှေဆိုင်ဓားပြတိုက်မှု ရက် ၄၀ အတွင်း ၃ ကြိမ်ဖြစ်ခဲ့ပြီး ခုကြိမ်မှာ သိန်း ၁၂၀၀ ခန့်ပါသွား ရုပ်သံ ပြည်တွင်းသတင်း

ရွှေဆိုင်ဓားပြတိုက်မှု ရက် ၄၀ အတွင်း ၃ ကြိမ်ဖြစ်ခဲ့ပြီး ခုကြိမ်မှာ သိန်း ၁၂၀၀ ခန့်ပါသွား

ရွှေဆိုင်ဓားပြတိုက်မှု ရက် ၄၀ အတွင်း ၃ ကြိမ်ဖြစ်ခဲ့ပြီး ခုကြိမ်မှာ သိန်း ၁၂၀၀ ခန့်ပါသွားတဲ့ သတင်းနဲ့အတူ မြို့တော်ရဲ့ ညစဉ်သတင်း တင်ဆက်မှု…

ကြည့်ရန်
ဘီးလင်းမြို့နယ်မှာ ကားနဲ့ ခရီးသွားနေစဉ် အမျိုးသားတဦး သေနတ်နဲ့ ပစ်ခတ်ခံရ ပြည်တွင်းသတင်း

ဘီးလင်းမြို့နယ်မှာ ကားနဲ့ ခရီးသွားနေစဉ် အမျိုးသားတဦး သေနတ်နဲ့ ပစ်ခတ်ခံရ

မွန်ပြည်နယ်၊ ဘီးလင်းမြို့နယ်၊ တောင်ကြီးကျေးရွာမှာ ကားနဲ့ ခရီးသွားခဲ့တဲ့ အမျိုးသားတဦး အမည်မသိ လူ ၂ ဦးရဲ့ သေနတ်နဲ့ စောင့်ကြိုပစ်ခတ်ခြင်းခံရတယ်လို့ သိရပါတယ်။

ဖတ်ရန်
ပြည်ပလုပ်သားတွေရဲ့ ဘဏ်ငွေလွှဲနှုန်း တိုးမြှင့်လာပေမယ့် ပြင်ပပေါက်ဈေးထက် နည်းနေလို့ နစ်နာမှုတွေ ရှိနေဆဲ အလုပ်သမားရေးရာ

ပြည်ပလုပ်သားတွေရဲ့ ဘဏ်ငွေလွှဲနှုန်း တိုးမြှင့်လာပေမယ့် ပြင်ပပေါက်ဈေးထက် နည်းနေလို့ နစ်နာမှုတွေ ရှိနေဆဲ

ပြည်ပရောက် အလုပ်သားတွေရဲ့ လုပ်ခလစာ ငွေလွှဲနှုန်းကို အမေရိကန် ၁ ဒေါ်လာလျှင် ကျပ် ၄,၆၀၀ အထိ တိုးမြှင့်ပေးမယ်လို့ ပြည်တွင်းပုဂ္ဂလိကဘဏ်အချို့က နိုဝင်ဘာ ၁၉…

ဖတ်ရန်
ကျောက်မဲမြို့မှာ ရွှေဆိုင်ဓားပြတိုက်မှု သုံးကြိမ်မြောက် ဖြစ်ပွားပြီး ငွေကျပ်သိန်း ၁၂၀၀ ခန့် ပါသွား ပြည်တွင်းသတင်း

ကျောက်မဲမြို့မှာ ရွှေဆိုင်ဓားပြတိုက်မှု သုံးကြိမ်မြောက် ဖြစ်ပွားပြီး ငွေကျပ်သိန်း ၁၂၀၀ ခန့် ပါသွား

ရှမ်းပြည်နယ်မြောက်ပိုင်း၊ ကျောက်မဲမြို့၊ ဗဟိုဈေးအနီး ဈေးတောင်ဘက်တိုက်တန်းက 'ရွှေတောင်တန်း' ရွှေဆိုင် ဓားပြတိုက်လုယက်ခံရပြီး ငွေကျပ်သိန်း ၁၂၀၀ ခန့် တန်ဖိုးရှိ ရွှေဆွဲကြိုးတွေ ပါသွားခဲ့တယ်လို့ ဒေသတွင်း…

ဖတ်ရန်