အရေးပေါ်
ပြည်တွင်းသတင်း

မြောက်ဒဂုံက အိမ်ဆောက်ပစ္စည်းဆိုင် အနုကြမ်းစီး လုယက်ခံရ၊ ဆိုင်ရှင်အမျိုးသား ဓားနဲ့ အခုတ်ရလို့ သေဆုံး

၂၀၂၆ အောက်တိုဘာ ၆ Myo Taw
မြောက်ဒဂုံက အိမ်ဆောက်ပစ္စည်းဆိုင် အနုကြမ်းစီး လုယက်ခံရ၊ ဆိုင်ရှင်အမျိုးသား ဓားနဲ့ အခုတ်ရလို့ သေဆုံး

မြောက်ဒဂုံက အိမ်ဆောက်ပစ္စည်းဆိုင် အနုကြမ်းစီး လုယက်ခံရ၊ ဆိုင်ရှင်အမျိုးသား ဓားနဲ့ အခုတ်ရလို့ သေဆုံး

အောက်တိုဘာ ၆

ရန်ကုန်တိုင်း၊ ဒဂုံမြို့သစ်(မြောက်ပိုင်း)၊ မြောက်ဒဂုံမြို့နယ်၊ ၄၂ ရပ်ကွက်၊ ဦးဝိစာရလမ်းမပေါ်က အိမ်ဆောက်ပစ္စည်းဆိုင်မှာ အနုကြမ်းစီးပြီး လူသတ်မှု ဖြစ်ပွားခဲ့တယ်လို့ သိရပါတယ်။

အောက်တိုဘာ ၅ ရက်နေ့ မနေ့က နေ့လယ် ၁၂ နာရီခွဲဝန်းကျင်က အိမ်ဆောက်ပစ္စည်းဆိုင်နဲ့ တွဲလျှက်ဆောက်ထားတဲ့ နေအိမ်ကို အမည်မသိအမျိုးသား ၃ ဦးက ဝင်ရောက်ကာ အိမ်ရှင်ဖြစ်သူကို ဓားနဲ့ခုတ်ပြီး အနုကြမ်းစီး လုယက်မှု ဖြစ်ပွားခဲ့တာလို့ သိရပါတယ်။

“ဆိုင်နဲ့ အိမ် တွဲလျှက်ဖွင့်ထားတာ အိမ်က ဆိုင်အနောက်ဘက်မှာ။ လူ ၃ ယောက်က ဆိုင်ရှင်ကို ဓားနဲ့ခုတ်ပြီး ပစ္စည်းတွေယူသွားတာ။ ဆိုင်ရှင်ရဲ့ ဇနီးရောက်လာပြီး အော်ဟစ်အကူညီတောင်းတော့ ထွက်ပြေးသွားကြတယ်။ ဖြစ်တဲ့အချိန် အနားမှာ လူမရှိတာလည်းပါတယ်။ ဆိုင်ရှင်က လည်ပင်း သွေးလွှတ်ကြောပါ ပြတ်သွားတာ” လို့ ဦးဝိစာရလမ်းနေ ဒေသခံတဦးက ပြောပါတယ်။

အနုကြမ်းစီးတဲ့ အမျိုးသား ၃ ဦးထဲက တဦးဟာ ဆိုင်အပေါက်ဝမှာ အစောင့်သဘောနဲ့ ကျန်ခဲ့ပြီး ကျန် ၂ ဦးက ဆိုင်ရှင်အမျိုးသားကို ဓားနဲ့ခုတ်ခဲ့တာလို့ ဒေသခံတွေရဲ့ ပြောဆိုချက်အရ သိရပါတယ်။

“ဆိုင်ရှင်ရဲ့ မိန်းမက ဆိုင်ထဲဝင်တော့ အသင့်စောင့်နေတဲ့သူက ဆိုင်ရှင်ရဲ့ မိန်းမကို ထိုးကြိတ်ပြီး ဖမ်းချုပ်တာ။ ဆိုင်ရှင်ရဲ့ မိန်းမက ကြောက်လန့်ပြီး အော်ဟစ်အကူညီတောင်းတော့ အကုန်ထွက်ပြေးကြတာ” လို့ နောက်ထပ်ဒေသခံတဦးက ပြောပါတယ်။

ဓားခုတ်ခံရတဲ့ အသက် ၄၀ အရွယ် ဆိုင်ရှင်အမျိုးသားကို မြောက်ဥက္ကလာပဆေးရုံကို အရေးပေါ်ပို့ဆောင်ခဲ့ကြပေမယ့် ဆေးရုံရောက်ပြီး ၅ မိနစ်အကြာမှာ ရရှိထားတဲ့ ဒဏ်ရာတွေကြောင့် သေဆုံးသွားခဲ့တယ်လို့ လူမှုကူညီရေးအဖွဲ့တွေထံက သိရပါတယ်။

အနုကြမ်းစီး လုယက်တဲ့ အမျိုးသား ၃ ယောက်ကတော့ အခင်းဖြစ်ပွားရာ နေရာကနေ ထွက်ပြေးလွတ်မြောက်သွားခဲ့ပြီး လတ်တလောမှာ ဖမ်းဆီးရမိနိုင်ဖို့ လိုက်လံစုံစမ်းနေဆဲဖြစ်တယ်လို့ သိရပါတယ်။

မြို့တော် News Channel

ဓာတ်ပုံများ (2)

ဆက်စပ် သတင်းများ

ရွှေဆိုင်ဓားပြတိုက်မှု ရက် ၄၀ အတွင်း ၃ ကြိမ်ဖြစ်ခဲ့ပြီး ခုကြိမ်မှာ သိန်း ၁၂၀၀ ခန့်ပါသွား ရုပ်သံ Daily NEWS

ရွှေဆိုင်ဓားပြတိုက်မှု ရက် ၄၀ အတွင်း ၃ ကြိမ်ဖြစ်ခဲ့ပြီး ခုကြိမ်မှာ သိန်း ၁၂၀၀ ခန့်ပါသွား

ရွှေဆိုင်ဓားပြတိုက်မှု ရက် ၄၀ အတွင်း ၃ ကြိမ်ဖြစ်ခဲ့ပြီး ခုကြိမ်မှာ သိန်း ၁၂၀၀ ခန့်ပါသွားတဲ့ သတင်းနဲ့အတူ မြို့တော်ရဲ့ ညစဉ်သတင်း တင်ဆက်မှု…

ကြည့်ရန်
ဘီးလင်းမြို့နယ်မှာ ကားနဲ့ ခရီးသွားနေစဉ် အမျိုးသားတဦး သေနတ်နဲ့ ပစ်ခတ်ခံရ ပြည်တွင်းသတင်း

ဘီးလင်းမြို့နယ်မှာ ကားနဲ့ ခရီးသွားနေစဉ် အမျိုးသားတဦး သေနတ်နဲ့ ပစ်ခတ်ခံရ

မွန်ပြည်နယ်၊ ဘီးလင်းမြို့နယ်၊ တောင်ကြီးကျေးရွာမှာ ကားနဲ့ ခရီးသွားခဲ့တဲ့ အမျိုးသားတဦး အမည်မသိ လူ ၂ ဦးရဲ့ သေနတ်နဲ့ စောင့်ကြိုပစ်ခတ်ခြင်းခံရတယ်လို့ သိရပါတယ်။

ဖတ်ရန်
ပြည်ပလုပ်သားတွေရဲ့ ဘဏ်ငွေလွှဲနှုန်း တိုးမြှင့်လာပေမယ့် ပြင်ပပေါက်ဈေးထက် နည်းနေလို့ နစ်နာမှုတွေ ရှိနေဆဲ အလုပ်သမားရေးရာ

ပြည်ပလုပ်သားတွေရဲ့ ဘဏ်ငွေလွှဲနှုန်း တိုးမြှင့်လာပေမယ့် ပြင်ပပေါက်ဈေးထက် နည်းနေလို့ နစ်နာမှုတွေ ရှိနေဆဲ

ပြည်ပရောက် အလုပ်သားတွေရဲ့ လုပ်ခလစာ ငွေလွှဲနှုန်းကို အမေရိကန် ၁ ဒေါ်လာလျှင် ကျပ် ၄,၆၀၀ အထိ တိုးမြှင့်ပေးမယ်လို့ ပြည်တွင်းပုဂ္ဂလိကဘဏ်အချို့က နိုဝင်ဘာ ၁၉…

ဖတ်ရန်
ကျောက်မဲမြို့မှာ ရွှေဆိုင်ဓားပြတိုက်မှု သုံးကြိမ်မြောက် ဖြစ်ပွားပြီး ငွေကျပ်သိန်း ၁၂၀၀ ခန့် ပါသွား ပြည်တွင်းသတင်း

ကျောက်မဲမြို့မှာ ရွှေဆိုင်ဓားပြတိုက်မှု သုံးကြိမ်မြောက် ဖြစ်ပွားပြီး ငွေကျပ်သိန်း ၁၂၀၀ ခန့် ပါသွား

ရှမ်းပြည်နယ်မြောက်ပိုင်း၊ ကျောက်မဲမြို့၊ ဗဟိုဈေးအနီး ဈေးတောင်ဘက်တိုက်တန်းက 'ရွှေတောင်တန်း' ရွှေဆိုင် ဓားပြတိုက်လုယက်ခံရပြီး ငွေကျပ်သိန်း ၁၂၀၀ ခန့် တန်ဖိုးရှိ ရွှေဆွဲကြိုးတွေ ပါသွားခဲ့တယ်လို့ ဒေသတွင်း…

ဖတ်ရန်