နေအိမ်ကို ဝင်ရောက်ဓားပြတိုက်ခဲ့တဲ့ ပျူစောထီးတွေ စကားပြောစက်တလုံး မေ့ကျန်နေခဲ့တယ်လို့ဆို
စက်တင်ဘာ ၂၈
စစ်ကိုင်းတိုင်း၊ ကလေးမြို့နယ်၊ လက်ပံခုံကျေးရွာက နေအိမ်တလုံးကို ပျူစောထီးအဖွဲ့ဝင်တွေက ဓားပြတိုက် လုယက်သွားပြီးနောက် စကားပြောစက်တလုံး ကျန်ခဲ့တယ်လို့ သိရပါတယ်။
စက်တင်ဘာလ ၂၄ ရက်နေ့ ညပိုင်းက သာစည်ကျေးရွာအုပ်စု အနောက်ဘက်ခြမ်း၊ အာဏာသိမ်းစစ်တပ်ရဲ့ စစ်ဆေးရေးဂိတ်ရှိတဲ့ လက်ပံခုံကျေးရွာ ဘုန်းကြီးကျောင်းအနီးက နေအိမ်တလုံးကို မျက်နှာအဝတ်စည်းထားတဲ့ အရပ်ဝတ်နဲ့ လူ ၃ ဦး ရောက်ရှိလာခဲ့ပြီး သေနတ်နဲ့ထောက်ကာ ငွေကျပ် သိန်း ၂၀၀ ကျော် ဓားပြတိုက် လုယက်သွားတယ်လို့ သိရပါတယ်။
“သေနတ်တလက်ပါတယ်၊ အိမ်ရှင်ကို သေနတ်နဲ့ထောက်ပြီး လုသွားတာ။ သိန်း ၂၀၀ ကျော် ပါသွားတယ်လို့ ပြောတယ်။ လုပြီး တန်းထွက်သွားတာ၊ သူတို့ စကားပြောစက်တောင် မေ့ကျန်ခဲ့တယ်” လို့ ဒေသခံတဦးက ပြောပါတယ်။
ဓားပြတိုက်ပြီး ပြန်လည်ထွက်ခွာသွားချိန်မှာ ဓားပြတိုက်သွားသူတွေရဲ့ စကားပြောစက် ၁ လုံး အဆိုပါနေအိမ်မှာ မေ့ကျန်နေခဲ့တယ်လို့ သိရပါတယ်။
လုယက်ဓားပြတိုက်သူတွေဟာ လက်ပံခုံကျေးရွာရှိ အာဏာသိမ်းစစ်တပ်ရဲ့ စစ်ဆေးရေးဂိတ်က ပျူစောထီးတွေ ဖြစ်နိုင်တယ်လို့ ဒေသခံတွေက ပြောဆိုနေကြပြီး ကျန်ခဲ့တဲ့ စကားပြောစက်ဟာ အာဏာသိမ်းစစ်တပ်က တပ်ဖွဲ့ဝင်တွေကိုင်တဲ့ အမျိုးအစားမျိုး ဖြစ်တယ်လို့ ပြောဆိုနေကြပါတယ်။
မြို့တော် News Channel
ရုပ်သံ
ပြည်တွင်းသတင်း
မကွေးမြို့မှာ ဧရာဝတီမြစ်ထဲရေဆင်းဆော့ရာက ၇ တန်းကျောင်းသာတဦး သေဆုံးတဲ့သတင်းနှင့်အတူ မြို့တော်ရဲ့နေ့လယ်ခင်းသတင်းတင်ဆက်မှု ၂၀၂၆ ခုနှစ် နိုဝင်ဘာလ ၁၄ ရက်နေ့သတင်းများ နားဆင်နိုင်ပါပြီ
ရုပ်သံ
ပြည်တွင်းသတင်း
၂၀၂၆ ခုနှစ် နိုဝင်ဘာ ၁၃ ရက်နေ့အတွက် မြို့တော်ရဲ့ ညစဉ်သတင်းများ
ပြည်တွင်းသတင်း
ဧရာဝတီတိုင်း၊ လပွတ္တာမြို့နယ်မှာ ဓာတ်ဆီတန်းဆီဝယ်နေသူတွေကို ဗီဒီယိုရိုက်ကာ TikTok ပေါ်တင်ခဲ့တဲ့ အမျိုးသား နိုင်ငံတော်အကြည်ညိုပျက်စေမှုနဲ့ ဖမ်းဆီးခံခဲ့ရတယ်လို့ သိရပါတယ်။
ပြည်တွင်းသတင်း
ပဲခူးတိုင်း၊ တောင်ငူမြို့နယ်၊ ဆိတ်ဖူးတောင်ကျေးရွာအုပ်စု၊ သပြေလှကျေးရွာ၊ (၇)လမ်းထိပ်က ထရန်စဖော်မာအနီးမှာ ကျောင်းသားချင်း ရန်ဖြစ်ရာက ၁ ဦး သေဆုံးခဲ့တယ်လို့ သိရပါတယ်။
