စလင်းမြို့နယ်မှာ ၂ ရက်ကြာ ပျောက်ဆုံးနေတဲ့ ‌ကလေးငယ် ၂ ဦးကို ဘုရားကြီးပေါ်မှာ ပြန်တွေ့

စလင်းမြို့နယ်မှာ ၂ ရက်ကြာ ပျောက်ဆုံးနေတဲ့ ‌ကလေးငယ် ၂ ဦးကို ဘုရားကြီးပေါ်မှာ ပြန်တွေ့

အောက်တိုဘာ ၁

မကွေးတိုင်း၊ စလင်းမြို့နယ်မှာ ၂ ရက်ကြာ ပျောက်ဆုံးနေတဲ့ ကလေးငယ်တွေကို စလင်းမြို့ပေါ်က လေးမျက်နှာဘုရားကြီးမှာ ရှာတွေ့ခဲ့တယ်လို့ သိရပါတယ်။

စက်တင်ဘာလ ၂၈ ရက်နေ့ ညနေ ၃ နာရီခန့်က တောင်ရွာထန်းတောရွာက ကျောင်းသား ၃ ဦး ပျောက်ဆုံးခဲ့တာဖြစ်ပြီး စလင်းမြို့ပေါ်ရှိ လေးမျက်နှာဘုရားကြီးပေါ်မှာ စက်တင်ဘာလ ၃၀ ရက်နေ့က ပြန်တွေ့ခဲ့တယ်လို့ သိရပါတယ်။

“လေးတိုင်စင်မီးပွိုင့်နားက ရှင်ပင်ရန်အောင်မြင် လေးမျက်နှာဘုရားကြီးပေါ်မှာ Grade-4 ကျောင်းသူနဲ့ Grade-6 ကျောင်းသားကို ပြန်တွေ့တာ၊ အောက်ကို မနည်းချရတယ်။ ဘယ်လိုဖြစ်ပြီး အဲ့ပေါ်ရောက်နေကြတယ်မသိဘူး၊ လူကြီးတွေတောင် တော်ရုံနဲ့ တက်ဖို့မလွယ်ဘူး။ ညက မိုးရွာနေတဲ့အချိန် ဘယ်လိုနေကြတယ်မသိဘူး၊ အသေးစိတ်ကိုတော့ မမေးရသေးဘူး” လို့ စလင်းမြို့ခံတဦးက ပြောပါတယ်။

Grade-6 ကျောင်းသား ၁ ဦး၊ Grade-4 ကျောင်းသူ ၁ ဦးနဲ့ Grade-1 ကျောင်းသား ၁ ဦး ပျောက်ဆုံးနေခဲ့တာဖြစ်ပြီး Grade-1 ကျောင်းသားလေးကိုတော့ စလင်းမြို့ပေါ်က ရပ်ကွက်တခုမှာ စက်တင်ဘာလ ၂၉ ရက်နေ့က ပြန်တွေ့ခဲ့တယ်လို့ သိရပါတယ်။

မြို့တော် News Channel