အရေးပေါ်
ပြည်တွင်းသတင်း

မင်္ဂလာဒုံမှာ လူငယ်တဦးကို စစ်မှုထမ်းဖို့ နေအိမ်ထိ လာရောက်ဖမ်းဆီးခေါ်ဆောင်သွားပြီး မိသားစုက ပြန်ရွေးထုတ်ခွင့်မရ

၂၀၂၆ အောက်တိုဘာ ၈ Myo Taw
မင်္ဂလာဒုံမှာ လူငယ်တဦးကို စစ်မှုထမ်းဖို့ နေအိမ်ထိ လာရောက်ဖမ်းဆီးခေါ်ဆောင်သွားပြီး မိသားစုက ပြန်ရွေးထုတ်ခွင့်မရ

မင်္ဂလာဒုံမှာ လူငယ်တဦးကို စစ်မှုထမ်းဖို့ နေအိမ်ထိ လာရောက်ဖမ်းဆီးခေါ်ဆောင်သွားပြီး မိသားစုက ပြန်ရွေးထုတ်ခွင့်မရ

အောက်တိုဘာ ၈

ရန်ကုန်တိုင်း မင်္ဂလာဒုံမြို့နယ်ထဲမှာ စစ်မှုထမ်းအတွက် လူငယ်တဦးကို နေအိမ်ထိ လာရောက်ဖမ်းဆီးသွားပြီး မိသားစုဝင်တွေက ပြန်ရွေးထုတ်ဖို့ ကြိုးစားပေမဲ့ ပြန်ရွေးခွင့်မရတော့တဲ့ ဖြစ်စဉ်တခု ဖြစ်ပွားခဲ့တယ်လို့ Rangoon Scout Network (RSN) က ဖော်ပြထားပါတယ်။

အောက်တိုဘာ ၂ ရက် ည ၉ နာရီဝန်းကျင်က မင်္ဂလာဒုံမြို့နယ်၊ ပေါက်ကုန်းရပ်ကွက်၊ သုခိတာလမ်းသွယ်ထဲ နေထိုင်တဲ့ အသက် ၃၀ နှစ်အရွယ် စက်ရုံဝန်ထမ်း အမျိုးသားတဦးကို ရပ်ကွက်အုပ်ချုပ်ရေးမှူးနဲ့ နောက်လိုက်အဖွဲ့က စစ်မှုထမ်းဖို့ဆိုပြီး နေအိမ်ထိ လာရောက်ဖမ်းဆီး ခေါ်ဆောင်သွားခဲ့တယ်လို့ ဆိုပါတယ်။

ဖမ်းဆီးခံရသူရဲ့ မိသားစုဝင်တွေက ပြန်လည်ရွေးထုတ်နိုင်ဖို့အတွက် မြို့နယ်အထွေထွေအုပ်ချုပ်ရေးမှူးရုံးနဲ့ ရဲစခန်းအပါအဝင် နေရာအနှံ့ကို သွားရောက်စုံစမ်းခဲ့ရပေမဲ့ တာဝန်ရှိသူတွေဘက်က အချိန်ဆွဲထားခဲ့ပြီး၊ အောက်တိုဘာ ၅ ရက် မနက်ပိုင်းရောက်မှ ပြန်ရွေးလို့ မရတော့ဘူးလို့ အကြောင်းပြန်ခဲ့တယ်လို့ ဆိုပါတယ်။

ဒါ့အပြင် အောက်တိုဘာ ၆ ရက် ည ၁၀ နာရီကျော်အချိန်ကလည်း မြောက်ဥက္ကလာပမြို့နယ်၊ (ည) ရပ်ကွက်၊ ခေမာသီလမ်းမပေါ်က နေအိမ်တွေကို စစ်ကောင်စီတပ်ဖွဲ့ဝင်တွေ၊ ရဲတွေ၊ ရပ်ကွက်အုပ်ချုပ်ရေးအဖွဲ့နဲ့ ဘေးတွဲအဖွဲ့တွေ စုပေါင်းပြီး ဧည့်စာရင်း ဝင်ရောက်စစ်ဆေးခဲ့ကြတယ်လို့ ဆိုပါတယ်။

အဲဒီလို ဧည့်စာရင်းစစ်ဆေးချိန်မှာ နေအိမ်တွေထဲရှိ လူအားလုံးကို အိမ်အပြင်ထွက်ပြခိုင်းခဲ့သလို၊ အဲဒီနားကနေ လမ်းလျှောက်ဖြတ်သွားတဲ့ အမျိုးသားတဦးကိုလည်း အရက်မူးနေတယ်ဆိုတဲ့ အကြောင်းပြချက်နဲ့ ဘေးတွဲပေါ်တင်ကာ ရပ်ကွက်ရုံးဘက်ကို ဖမ်းဆီးခေါ်ဆောင်သွားခဲ့တယ်လို့ Rangoon Scout Network ရဲ့ သတင်းမှာ ဖော်ပြထားပါတယ်။

လက်ရှိ ရန်ကုန်မြို့တွင်းမှာပါ စစ်မှုထမ်းစာရင်း အကြောင်းပြပြီး လူငယ်တွေကို နေအိမ်ထိ လာရောက်ဖမ်းဆီးတာတွေအပြင် ညဘက် ဧည့်စာရင်းစစ်ဆေးရင်း လမ်းသွားလမ်းလာတွေကိုပါ အကြောင်းမဲ့ ဖမ်းဆီးခေါ်ဆောင်တာတွေ ခပ်စိပ်စိပ် ဖြစ်ပေါ်နေတာကြောင့် ဒေသခံပြည်သူတွေအကြား နေ့စဉ်သွားလာလှုပ်ရှားမှုနဲ့ လုံခြုံရေးဆိုင်ရာ စိုးရိမ်ထိတ်လန့်မှုတွေ ပိုမိုမြင့်တက်နေတယ်လို့လည်း သိရပါတယ်။

မြို့တော် News Channel

ဓာတ်ပုံများ (2)

ဆက်စပ် သတင်းများ

ရွှေဆိုင်ဓားပြတိုက်မှု ရက် ၄၀ အတွင်း ၃ ကြိမ်ဖြစ်ခဲ့ပြီး ခုကြိမ်မှာ သိန်း ၁၂၀၀ ခန့်ပါသွား ရုပ်သံ Daily NEWS

ရွှေဆိုင်ဓားပြတိုက်မှု ရက် ၄၀ အတွင်း ၃ ကြိမ်ဖြစ်ခဲ့ပြီး ခုကြိမ်မှာ သိန်း ၁၂၀၀ ခန့်ပါသွား

ရွှေဆိုင်ဓားပြတိုက်မှု ရက် ၄၀ အတွင်း ၃ ကြိမ်ဖြစ်ခဲ့ပြီး ခုကြိမ်မှာ သိန်း ၁၂၀၀ ခန့်ပါသွားတဲ့ သတင်းနဲ့အတူ မြို့တော်ရဲ့ ညစဉ်သတင်း တင်ဆက်မှု…

ကြည့်ရန်
ဘီးလင်းမြို့နယ်မှာ ကားနဲ့ ခရီးသွားနေစဉ် အမျိုးသားတဦး သေနတ်နဲ့ ပစ်ခတ်ခံရ ပြည်တွင်းသတင်း

ဘီးလင်းမြို့နယ်မှာ ကားနဲ့ ခရီးသွားနေစဉ် အမျိုးသားတဦး သေနတ်နဲ့ ပစ်ခတ်ခံရ

မွန်ပြည်နယ်၊ ဘီးလင်းမြို့နယ်၊ တောင်ကြီးကျေးရွာမှာ ကားနဲ့ ခရီးသွားခဲ့တဲ့ အမျိုးသားတဦး အမည်မသိ လူ ၂ ဦးရဲ့ သေနတ်နဲ့ စောင့်ကြိုပစ်ခတ်ခြင်းခံရတယ်လို့ သိရပါတယ်။

ဖတ်ရန်
ပြည်ပလုပ်သားတွေရဲ့ ဘဏ်ငွေလွှဲနှုန်း တိုးမြှင့်လာပေမယ့် ပြင်ပပေါက်ဈေးထက် နည်းနေလို့ နစ်နာမှုတွေ ရှိနေဆဲ အလုပ်သမားရေးရာ

ပြည်ပလုပ်သားတွေရဲ့ ဘဏ်ငွေလွှဲနှုန်း တိုးမြှင့်လာပေမယ့် ပြင်ပပေါက်ဈေးထက် နည်းနေလို့ နစ်နာမှုတွေ ရှိနေဆဲ

ပြည်ပရောက် အလုပ်သားတွေရဲ့ လုပ်ခလစာ ငွေလွှဲနှုန်းကို အမေရိကန် ၁ ဒေါ်လာလျှင် ကျပ် ၄,၆၀၀ အထိ တိုးမြှင့်ပေးမယ်လို့ ပြည်တွင်းပုဂ္ဂလိကဘဏ်အချို့က နိုဝင်ဘာ ၁၉…

ဖတ်ရန်
ကျောက်မဲမြို့မှာ ရွှေဆိုင်ဓားပြတိုက်မှု သုံးကြိမ်မြောက် ဖြစ်ပွားပြီး ငွေကျပ်သိန်း ၁၂၀၀ ခန့် ပါသွား ပြည်တွင်းသတင်း

ကျောက်မဲမြို့မှာ ရွှေဆိုင်ဓားပြတိုက်မှု သုံးကြိမ်မြောက် ဖြစ်ပွားပြီး ငွေကျပ်သိန်း ၁၂၀၀ ခန့် ပါသွား

ရှမ်းပြည်နယ်မြောက်ပိုင်း၊ ကျောက်မဲမြို့၊ ဗဟိုဈေးအနီး ဈေးတောင်ဘက်တိုက်တန်းက 'ရွှေတောင်တန်း' ရွှေဆိုင် ဓားပြတိုက်လုယက်ခံရပြီး ငွေကျပ်သိန်း ၁၂၀၀ ခန့် တန်ဖိုးရှိ ရွှေဆွဲကြိုးတွေ ပါသွားခဲ့တယ်လို့ ဒေသတွင်း…

ဖတ်ရန်