လူ ၈ ဦး သေဆုံးခဲ့တဲ့ 'နယူးမန္တလာထွန်း'ယာဥ်လိုင်း ရန်ကုန်-ပြင်ဦးလွင် ခရီးစဉ်ပြေးဆွဲခွင့် ပိတ်သိမ်းခံရ

လူ ၈ ဦး သေဆုံးခဲ့တဲ့ 'နယူးမန္တလာထွန်း'ယာဥ်လိုင်း ရန်ကုန်-ပြင်ဦးလွင် ခရီးစဉ်ပြေးဆွဲခွင့် ပိတ်သိမ်းခံရ

အောက်တိုဘာ ၂၉

လူ ၈ ဦး သေဆုံးခဲ့တဲ့ 'နယူးမန္တလာထွန်း'ယာဉ်လိုင်း ရန်ကုန်-ပြင်ဦးလွင် ခရီးစဉ်ပြေးဆွဲခွင့် ပိတ်ခံရတယ်လို့ သိရပါတယ်။

အောက်တိုဘာလ ၂၄ ရက်နေ့ ညနေ ၆ နာရီဝန်းကျင်က ပြင်ဦးလွင်ကနေ ရန်ကုန်ကိုမောင်းနှင်လာတဲ့ 'နယူးမန္တလာထွန်း' ခရီးသည်တင်ယာဉ်ဟာ ၁၉ မိုင်အရောက် မီးသတ်ကွေ့အနီးမှာ ဘရိတ်ပေါက်ပြီးနောက် Nissan Wingroad AD Van ယာဉ်ကိုဝင်ကြိတ်မိပြီး ချောက်ထဲထိုးကျခဲ့ကာ ကားပေါ်လိုက်ပါလာတဲ့ ခရီးသည်တွေ ထိခိုက်ဒဏ်ရာရခဲ့ပြီး ၈ ဦး သေဆုံးခဲ့တယ်လို့ သိရပါတယ်။

ယာဉ်မတော်တဆမှု ဖြစ်ပွားခဲ့ပြီးနောက် 'နယူးမန္တလာထွန်း'ယာဉ်လိုင်းကို ရန်ကုန်-ပြင်ဦးလွင် ခရီးစဉ်ပြေးဆွဲခွင့် ယာယီပိတ်သိမ်းထားတယ်လို့ 'နယူးမန္တလာထွန်း'ယာဉ်လိုင်းဘက်က ထုတ်ပြန်ထားတဲ့ တောင်းပန်စာမှာ ဖော်ပြထားတာတွေ့ရပြီး အသက်ဆုံးရှုံးခဲ့ရသူတွေအတွက် မိသားစုတွေနဲ့အတူ ထပ်တူဝမ်းနည်းရကြောင်းလည်း ဖော်ပြပြောဆိုထားပါတယ်။

ထိခိုက်ဒဏ်ရာရသူတွေနဲ့ သေဆုံးခဲ့သူတွေအတွက် 'နယူမန္တလားထွန်း'ယာဥ်လိုင်းက အာမခံလျော်ကြေးကိစ္စတွေ၊ လိုအပ်တဲ့ဆေးကုသမှုတွေနဲ့ အခြားကူညီဆောင်ရွက်ပေးရမယ့် ကိစ္စတွေကို ဆက်လက်လုပ်ဆောင်ပေးသွားမယ်လို့ 'နယူးမန္တလာထွန်း'ယာဉ်လိုင်းက ပြောဆိုထားပါတယ်။

လတ်တလောမှာ ဒဏ်ရာရသူတွေဟာ ပြင်ဦးလွင်ဆေးရုံ၊ မန္တလေးဆေးရုံကြီးနဲ့ မန္တလေး ကလေးဆေးရုံတို့မှာ ဆေးကုသမှုခံယူနေကြတယ်လို့ ထုတ်ပြန်ချက်မှာ ဖော်ပြထားတာတွေ့ရပါတယ်။

ယာဉ်တိမ်းမှောက်မှုကြောင့် ခရီးသည် ၅ ဦးနဲ့ ဝန်ထမ်း ၃ ဦးအပါ စုစုပေါင်း ၈ ဦး အသက်ဆုံးရှုံးခဲ့ပြီး ခရီးသည် အတော်များများ ဒဏ်ရာပြင်းထန်ရခဲ့တယ်လို့ သိရပါတယ်။

မြို့တော် News Channel