ဂျာမနီက သားသတ်သမားတဦး ငွေကြေးမပေးတဲ့ ရည်းစာကို သတ်ပြီး အလောင်းကို အပိုင်းပိုင်းဖြတ်ကာ ဖျောက်ဖျက်
နိုင်ဝင်ဘာ ၁၉
ဂျာမနီနိုင်ငံမှာ အသက် ၃၈ နှစ်အရွယ် အသားသတ်လုပ်ငန်းကျွမ်းကျင်သူ အမျိုးသားတဦးကို ငွေကြေးအကူအညီ ထပ်မပေးတဲ့ ရည်းစားဖြစ်သူ အမျိုးသမီးကို သတ်ဖြတ်ပြီး အလောင်းကို အပိုင်းပိုင်းဖြတ်ကာ စွန့်ပစ်ခဲ့မှုနဲ့ တရားစွဲဆိုထားတယ်လို့ သိရပါတယ်။
အဆိုပါ အမျိုးသားဟာ သူရဲ့ ရည်းစားဖြစ်တဲ့ အသက် ၄၉ နှစ်အရွယ် ဂျက်ကလင်း ခရစ်ရှိုလက် ဆိုသူကို ၂၀၂၅ ခုနှစ် ဒီဇင်ဘာ ၁၂ ရက်နေ့က ဟာဂင်နိုမြို့ရှိ သူမရဲ့ နေအိမ်အတွင်းမှာပဲ သတ်ဖြတ်ခဲ့ပြီး အလောင်းကို အပိုင်းပိုင်းဖြတ်ကာ အမှိုက်အိတ်တွေထဲ ထည့်ပြီး စွန့်ပစ်ခဲ့တယ်လို့ အစိုးရရှေ့နေတွေက စွပ်စွဲထားတာ ဖြစ်ပါတယ်။
ဂျက်ကလင်းရဲ့ အလောင်းအစိတ်အပိုင်းတချို့ကို ဂိုးလ်ဒန်ဘိုးကျေးရွာက အမှိုက်စွန့်ပစ်တဲ့ နေရာတခုမှာ ရဲတပ်ဖွဲ့က ရှာတွေ့ခဲ့ပေမဲ့ ကိုယ်လုံးပိုင်းကိုတော့ အခုအချိန်အထိ ရှာမတွေ့သေးတာကြောင့် သေဆုံးရတဲ့ အကြောင်းရင်းနဲ့ အသုံးပြုခဲ့တဲ့ လက်နက်ကို ဖော်ထုတ်နိုင်ခြင်း မရှိသေးဘူးလို့ ဆိုပါတယ်။
စုံစမ်းစစ်ဆေးမှုတွေအရ သံသယရှိသူ သားသတ်သမားရဲ့ ကားထဲမှာ သွေးစွန်းရာတွေ တွေ့ရှိခဲ့သလို သေဆုံးသူ ဂျက်ကလင်းရဲ့ ဘဏ်အကောင့်ထဲကနေ ပေါင် ၄,၀၀၀ ကျော်ကို သံသယရှိသူရဲ့ အကောင့်ထဲ လွှဲပြောင်းခဲ့ပြီး နောက်ထပ် ပေါင် ၁,၂၅၀ ကိုလည်း ဘဏ်ကတ်နဲ့ ထုတ်ယူခဲ့တယ်လို့ ဆိုပါတယ်။
သံသယရှိသူ သားသတ်သမားကို နိုဝင်ဘာ ၂ ရက်နေ့က ရှ်ဝဲရင်ဒေသဆိုင်ရာတရားရုံးမှာ စတင်ရုံးထုတ်ခဲ့ပေမဲ့ စွပ်စွဲချက်တွေနဲ့ ပတ်သက်ပြီး တစုံတရာ ထွက်ဆိုခြင်း မရှိသလို လူသတ်မှုနဲ့ ပြစ်မှုထင်ရှားပါက တသက်တကျွန်း ထောင်ဒဏ်ကျခံရနိုင်ပြီး အမှုစီရင်ချက်ကို လာမယ့် ၂၀၂၇ ခုနှစ် ဖေဖော်ဝါရီလမှာ ချမှတ်သွားဖို့ ရှိနေပါတယ်။
Ref & Photo: The Sun
မြို့တော် News Channel