အရေးပေါ်
နိုင်ငံတကာသတင်း

မလေးရှားရောက် ရိုဟင်ဂျာဒုက္ခသည် ၁၀,၀၀၀ ကို တူရကီနိုင်ငံမှာ ပြန်လည်အခြေချနေထိုင်ခွင့်ပေးဖို့ အစိုးရအဖွဲ့ သဘောတူ

၂၀၂၆ နိုဝင်ဘာ ၂၀ Myo Taw
မလေးရှားရောက် ရိုဟင်ဂျာဒုက္ခသည် ၁၀,၀၀၀ ကို တူရကီနိုင်ငံမှာ ပြန်လည်အခြေချနေထိုင်ခွင့်ပေးဖို့ အစိုးရအဖွဲ့ သဘောတူ

မလေးရှားရောက် ရိုဟင်ဂျာဒုက္ခသည် ၁၀,၀၀၀ ကို တူရကီနိုင်ငံမှာ ပြန်လည်အခြေချနေထိုင်ခွင့်ပေးဖို့ အစိုးရအဖွဲ့ သဘောတူ

နိုဝင်ဘာ ၂၀

မလေးရှားနိုင်ငံမှာ နေထိုင်နေကြတဲ့ ရိုဟင်ဂျာဒုက္ခသည် ၁၀,၀၀၀ ကို တူရကီနိုင်ငံသို့ ပြန်လည်နေရာချထားနိုင်ဖို့အတွက် အဆိုပြုချက်ကို မလေးရှားအစိုးရအဖွဲ့က သဘောတူလိုက်တယ်လို့ မလေးရှား ဒုတိယဝန်ကြီးချုပ်နှင့် ကျေးလက်ဒေသနှင့် ဒေသဖွံ့ဖြိုးရေးဝန်ကြီး အာမက် ဇာဟစ် ဟာမီဒီ (Ahmad Zahid Hamidi) က နိုဝင်ဘာလ ၂၀ ရက်နေ့မှာ ထုတ်ပြန်လိုက်ပါတယ်။

အဆိုပါအစီအစဉ်အရ ရိုဟင်ဂျာဒုက္ခသည်တွေကို တူရကီနိုင်ငံ မပြောင်းရွှေ့မီ နည်းပညာနဲ့ အသက်မွေးဝမ်းကျောင်းပညာရေးသင်တန်း (TVET) သုံးလမှ ခြောက်လအထိ ပေးအပ်သွားမှာဖြစ်ပြီး သင်တန်းပြီးဆုံးသူတွေကို တူရကီနိုင်ငံမှာ အလုပ်အကိုင်ရရှိကာ အခြေချနေထိုင်နိုင်ရေး စီစဉ်သွားမှာ ဖြစ်တယ်လို့ ဆိုပါတယ်။

မလေးရှားအစိုးရရဲ့ နိုင်ငံခြားအလုပ်သမားရေးရာဝန်ကြီး အဖွဲ့ကော်မတီ (JKKPA) ဥက္ကဋ္ဌလည်းဖြစ်သူ အာမက် ဇာဟစ်က မကြာသေးမီက တူရကီနိုင်ငံသို့ တရားဝင်လုပ်ငန်းခရီး သွားရောက်ခဲ့ပြီးနောက် အခုအစီအစဉ်ကို အဆိုပြုခဲ့တာ ဖြစ်တယ်လို့ သိရပါတယ်။

အဆိုပြုချက်က မလေးရှားနိုင်ငံအတွင်း ရိုဟင်ဂျာဒုက္ခသည်တွေရဲ့ အခြေအနေကို ပိုမိုစနစ်တကျ၊ ထိရောက်ပြီး လူသားချင်းစာနာ ထောက်ထားမှုရှိတဲ့ နည်းလမ်းနဲ့ ဖြေရှင်းနိုင်ဖို့ ရည်ရွယ်ဝာာ ဖြစ်တယ်လို့ ဆိုပါတယ်။

တူရကီအစိုးရက ရိုဟင်ဂျာဒုက္ခသည် ၁၀,၀၀၀ ကို လက်ခံနေရာချထားဖို့ သဘောတူခဲ့တဲ့အပေါ် ကြိုဆိုကြောင်းနဲ့ မလေးရှားနိုင်ငံရဲ့ ရွှေ့ပြောင်းနေထိုင်မှု စီမံခန့်ခွဲရေးနဲ့ နိုင်ငံတော်လုံခြုံရေးဆိုင်ရာ စိန်ခေါ်မှုတွေကို ရေရှည်ဖြေရှင်းနိုင်ရေးအတွက် အရေးပါတဲ့ ခြေလှမ်းတစ်ရပ်ဖြစ်တယ်လို့လည်း အာမက် ဇာဟစ်က ပြောဆိုထားပါတယ်။

အစီအစဉ်ကို အကောင်အထည်ဖော်ရာမှာ မလေးရှားအစိုးရက တူရကီအာဏာပိုင်များ၊ UNHCR နဲ့ သက်ဆိုင်ရာအဖွဲ့အစည်းတွေ ပူးပေါင်းကာ ဒုက္ခသည်တွေကို ရွေးချယ်တာ၊ သင်တန်းပေးတာ၊ လိုအပ်တဲ့ စာရွက်စာတမ်း ပြင်ဆင်တာနဲ့ ပြန်လည်နေရာချထားတာတို့ကို ဆောင်ရွက်သွားမယ်လို့လည်း သိရပါတယ်။

အခုအချိန်မှာ အတည်ပြုထားတဲ့အချက်မှာ ရိုဟင်ဂျာဒုက္ခသည် ၁၀,၀၀၀ ကို တူရကီသို့ ပြန်လည်နေရာချထားဖို့ အဆိုပြုချက်ကို မလေးရှားအစိုးရအဖွဲ့က သဘောတူခဲ့တာဖြစ်ပြီး အမှန်တကယ် ပြောင်းရွှေ့မယ့်အချိန်၊ ပါဝင်ခွင့်ရမယ့်သူတွေရဲ့ ရွေးချယ်မှုစံနှုန်းနဲ့ တူရကီနိုင်ငံမှာ ရရှိမယ့် နေထိုင်ခွင့်၊ အလုပ်လုပ်ကိုင်ခွင့်ဆိုင်ရာ အသေးစိတ်အချက် အလက်တွေကိုတော့ ထုတ်ပြန်ချက်မှာ ဖော်ပြထားတာ မတွေ့ရပါဘူး။

မြို့တော် News Channel

ဓာတ်ပုံများ (2)

ဆက်စပ် သတင်းများ

ဆယ်လီတဦးကို အရူးအမူး စွဲလမ်းနေတဲ့ ပရိသတ် အိမ်ထဲအတင်းဝင်ပြီး လက်ထပ်ခွင့်တောင်းရာက ရိုက်နှက်ခံရလို့ သေဆုံး နိုင်ငံတကာသတင်း

ဆယ်လီတဦးကို အရူးအမူး စွဲလမ်းနေတဲ့ ပရိသတ် အိမ်ထဲအတင်းဝင်ပြီး လက်ထပ်ခွင့်တောင်းရာက ရိုက်နှက်ခံရလို့ သေဆုံး

အိန္ဒိယနိုင်ငံမှာ နာမည်ကြီး လူမှုကွန်ရက် ဆယ်လီတစ်ဦးရဲ့ နေအိမ်ထဲကို ကျူးကျော်ဝင်ရောက်ပြီး လက်ထပ်ခွင့်တောင်းခဲ့တဲ့ အစွဲအလမ်းကြီးတဲ့ ပရိသတ်တဦးဟာ ဆယ်လီရဲ့ မိသားစုဝင်တွေနဲ့ အိမ်နီးချင်းတွေရဲ့ ဝိုင်းဝန်းရိုက်နှက်မှုကြောင့် သေဆုံးသွားခဲ့ပါတယ်။

ဖတ်ရန်
ကမ္ဘာ့အင်အားကြီး ၃ နိုင်ငံရဲ့ သမိုင်းဝင်တွေ့ဆုံမှု ပုံရိပ်ပိုင်း အားကောင်းပေမဲ့ ရလဒ်ပိုင်း အားနည်း နိုင်ငံတကာသတင်း

ကမ္ဘာ့အင်အားကြီး ၃ နိုင်ငံရဲ့ သမိုင်းဝင်တွေ့ဆုံမှု ပုံရိပ်ပိုင်း အားကောင်းပေမဲ့ ရလဒ်ပိုင်း အားနည်း

ကမ္ဘာ့အင်အားကြီး ၃ နိုင်ငံဖြစ်တဲ့ တရုတ်၊ အမေရိကန်နဲ့ ရုရှားခေါင်းဆောင်တွေ စားပွဲအဝိုင်းကြီးတခုမှာ အတူထိုင်နေတဲ့ မြင်ကွင်းဟာ ၂၁ ရာစု သံတမန်ရေးရာ သမိုင်းမှာ မှတ်တမ်းဝင်ကျန်ရစ်မယ့်…

ဖတ်ရန်
ကျန်းမာရေးမကောင်းတဲ့ ပြည်သူ့စစ်မှုထမ်း တပ်သား ၁ ဦး မတရားခိုင်းစေခံရမှုကြောင့် သေဆုံး ပြည်တွင်းသတင်း

ကျန်းမာရေးမကောင်းတဲ့ ပြည်သူ့စစ်မှုထမ်း တပ်သား ၁ ဦး မတရားခိုင်းစေခံရမှုကြောင့် သေဆုံး

ဧရာဝတီတိုင်း၊ ပုသိမ်ခရိုင်၊ သာပေါင်းမြို့နယ်မှာ ကျန်းမာရေးမကောင်းတဲ့ စစ်မှုထမ်းတပ်သားသစ်ကို အလုပ်ကြမ်းခိုင်းစေရာက သေဆုံးခဲ့တယ်လို့ သိရပါတယ်။

ဖတ်ရန်
ဘရာဇီးမှာ ပထွေးဖြစ်သူက ချစ်ရေးဆိုတာကို မယားပါသမီးက ငြင်းလို့ ပေါက်တူးနဲ့ ရိုက်သတ်မှု ဖြစ်ပွား နိုင်ငံတကာသတင်း

ဘရာဇီးမှာ ပထွေးဖြစ်သူက ချစ်ရေးဆိုတာကို မယားပါသမီးက ငြင်းလို့ ပေါက်တူးနဲ့ ရိုက်သတ်မှု ဖြစ်ပွား

ဘရာဇီးနိုင်ငံတောင်ပိုင်း၊ အီတာပယ်မီရင်မြို့မှာ အသက် ၂၃ နှစ်အရွယ် မယားပါသမီးဖြစ်သူကို ပေါက်တူးနဲ့ ရိုက်သတ်ပြီး ထွက်ပြေးတိမ်းရှောင်နေတဲ့ ပထွေးဖြစ်သူကို ရဲတပ်ဖွဲ့က ဖမ်းဆီးလိုက်ပါတယ်။

ဖတ်ရန်