အရေးပေါ်
နိုင်ငံတကာသတင်း

ပြင်သစ်မှာ ကျောင်းသားဆန္ဒပြပွဲတွေကြောင့် အထက်တန်းကျောင်း ရာနဲ့ချီ ဆက်လက်ပိတ်ထားရ

၂၀၂၆ အောက်တိုဘာ ၅ Myo Taw
ပြင်သစ်မှာ ကျောင်းသားဆန္ဒပြပွဲတွေကြောင့် အထက်တန်းကျောင်း ရာနဲ့ချီ ဆက်လက်ပိတ်ထားရ

ပြင်သစ်မှာ ကျောင်းသားဆန္ဒပြပွဲတွေကြောင့် အထက်တန်းကျောင်း ရာနဲ့ချီ ဆက်လက်ပိတ်ထားရ

အောက်တိုဘာ ၅

ကျောင်းအဆောက်အအုံတွေ ပျက်စီးယိုယွင်းနေမှု၊ စာသင်ခန်းတွေ လူပြည့်ကျပ်နေမှုနဲ့ ဆရာဆရာမ မလုံလောက်မှုတွေကို ကန့်ကွက်တဲ့ ကျောင်းသားဆန္ဒပြပွဲတွေ ဆက်လက်ပြင်းထန်နေပြီး အောက်တိုဘာ ၅ ရက်မှာတော့ အထက်တန်းကျောင်း ရာနဲ့ချီ ဆက်လက်ပိတ်ထားရဆဲ ဖြစ်ပါတယ်။

လာမယ့် အောက်တိုဘာ ၆ ရက်ကျရင် တစ်နိုင်ငံလုံး အတိုင်းအတာနဲ့ အင်အားပြဆန္ဒပြဖို့ စီစဉ်ထားတာကြောင့် အခြေအနေတွေ ပိုမိုတင်းမာလာဖို့ ရှိနေပါတယ်။

ပညာရေးဝန်ကြီး အက်ဒဝပ် ဂျက်ဖရေးရဲ့ ပြောဆိုချက်အရ နိုင်ငံတဝန်းရှိ အထက်တန်းကျောင်း ၃,၇၀၀ အနက် ၄၀၀ ကနေ ၅၀၀ ကြားဟာ အောက်တိုဘာ ၅ ရက်မှာ လုံးဝ (ဒါမှမဟုတ်) တစိတ်တပိုင်း ပိတ်ထားရတယ်လို့ ဆိုပါတယ်။

စက်တင်ဘာလနှောင်းပိုင်းက ပါရီဆင်ခြေဖုံးမှာ စတင်ခဲ့တဲ့ ဒီဆန္ဒပြမှုတွေအတွင်း ကျောင်း ၂၄ ကျောင်း မီးရှို့ဖျက်ဆီးခံရပြီး ဝန်ထမ်း ၇၈ ဦး ဒဏ်ရာရရှိခဲ့သလို စက်တင်ဘာ ၂၈ ရက်ကစလို့ လူငယ်အများစု အပါအဝင် လူပေါင်း ၅,၀၀၀ နီးပါး ဖမ်းဆီးခံထားရပါတယ်။

ဒီဆန္ဒပြမှုတွေဟာ ဘတ်ဂျက်လိုငွေလျှော့ချဖို့ ကြိုးပမ်းနေတဲ့ ပြင်သစ်အစိုးရအပေါ် ဖိအားဖြစ်စေပြီး ပြီးခဲ့တဲ့အပတ်က နိုင်ငံရဲ့ ၁၀ နှစ်သက်တမ်း ငွေတိုက်စာချုပ် အတိုးနှုန်းဟာ ၂၀၀၂ ခုနှစ်နောက်ပိုင်း အမြင့်ဆုံးအဖြစ် ၅ ရာခိုင်နှုန်းကျော်အထိ မြင့်တက်စေခဲ့ပါတယ်။

အစိုးရက အခြေအနေကို ပြန်လည်ထိန်းချုပ်ဖို့ ကြိုးပမ်းနေသလို ပါရီရဲတပ်ဖွဲ့ကလည်း လမ်းပိတ်ဆန္ဒပြမှုတွေ ရပ်ပြီး ငြိမ်းချမ်းစွာ ဆန္ဒဖော်ထုတ်ဖို့ တိုက်တွန်းထားပါတယ်။

လာမယ့် အောက်တိုဘာ ၆ ရက်မှာ ပြုလုပ်မယ့် ဆန္ဒပြပွဲတွေအတွင်း လက်ဝဲအစွန်းရောက်အဖွဲ့တွေက ဝင်ရောက်ထိန်းချုပ်သွားမှာကို လုံခြုံရေးအာဏာပိုင်တွေက စိုးရိမ်နေကြပေမဲ့ ပြင်သစ် အထွေထွေအလုပ်သမားသမဂ္ဂများအဖွဲ့ချုပ် (CGT) ခေါင်းဆောင် ဆိုဖီ ဘီနက် ကတော့ ကျောင်းသားတွေကို အကာအကွယ်ပေးဖို့ သမဂ္ဂဝင်တွေ လိုက်ပါဝန်းရံသွားမယ်လို့ အတည်ပြုထားပါတယ်။

Ref & Photo: The Reuters

မြို့တော် News Channel

ဓာတ်ပုံများ (3)

ဆက်စပ် သတင်းများ

ဆယ်လီတဦးကို အရူးအမူး စွဲလမ်းနေတဲ့ ပရိသတ် အိမ်ထဲအတင်းဝင်ပြီး လက်ထပ်ခွင့်တောင်းရာက ရိုက်နှက်ခံရလို့ သေဆုံး နိုင်ငံတကာသတင်း

ဆယ်လီတဦးကို အရူးအမူး စွဲလမ်းနေတဲ့ ပရိသတ် အိမ်ထဲအတင်းဝင်ပြီး လက်ထပ်ခွင့်တောင်းရာက ရိုက်နှက်ခံရလို့ သေဆုံး

အိန္ဒိယနိုင်ငံမှာ နာမည်ကြီး လူမှုကွန်ရက် ဆယ်လီတစ်ဦးရဲ့ နေအိမ်ထဲကို ကျူးကျော်ဝင်ရောက်ပြီး လက်ထပ်ခွင့်တောင်းခဲ့တဲ့ အစွဲအလမ်းကြီးတဲ့ ပရိသတ်တဦးဟာ ဆယ်လီရဲ့ မိသားစုဝင်တွေနဲ့ အိမ်နီးချင်းတွေရဲ့ ဝိုင်းဝန်းရိုက်နှက်မှုကြောင့် သေဆုံးသွားခဲ့ပါတယ်။

ဖတ်ရန်
ကမ္ဘာ့အင်အားကြီး ၃ နိုင်ငံရဲ့ သမိုင်းဝင်တွေ့ဆုံမှု ပုံရိပ်ပိုင်း အားကောင်းပေမဲ့ ရလဒ်ပိုင်း အားနည်း နိုင်ငံတကာသတင်း

ကမ္ဘာ့အင်အားကြီး ၃ နိုင်ငံရဲ့ သမိုင်းဝင်တွေ့ဆုံမှု ပုံရိပ်ပိုင်း အားကောင်းပေမဲ့ ရလဒ်ပိုင်း အားနည်း

ကမ္ဘာ့အင်အားကြီး ၃ နိုင်ငံဖြစ်တဲ့ တရုတ်၊ အမေရိကန်နဲ့ ရုရှားခေါင်းဆောင်တွေ စားပွဲအဝိုင်းကြီးတခုမှာ အတူထိုင်နေတဲ့ မြင်ကွင်းဟာ ၂၁ ရာစု သံတမန်ရေးရာ သမိုင်းမှာ မှတ်တမ်းဝင်ကျန်ရစ်မယ့်…

ဖတ်ရန်
ကျန်းမာရေးမကောင်းတဲ့ ပြည်သူ့စစ်မှုထမ်း တပ်သား ၁ ဦး မတရားခိုင်းစေခံရမှုကြောင့် သေဆုံး ပြည်တွင်းသတင်း

ကျန်းမာရေးမကောင်းတဲ့ ပြည်သူ့စစ်မှုထမ်း တပ်သား ၁ ဦး မတရားခိုင်းစေခံရမှုကြောင့် သေဆုံး

ဧရာဝတီတိုင်း၊ ပုသိမ်ခရိုင်၊ သာပေါင်းမြို့နယ်မှာ ကျန်းမာရေးမကောင်းတဲ့ စစ်မှုထမ်းတပ်သားသစ်ကို အလုပ်ကြမ်းခိုင်းစေရာက သေဆုံးခဲ့တယ်လို့ သိရပါတယ်။

ဖတ်ရန်
မလေးရှားရောက် ရိုဟင်ဂျာဒုက္ခသည် ၁၀,၀၀၀ ကို တူရကီနိုင်ငံမှာ ပြန်လည်အခြေချနေထိုင်ခွင့်ပေးဖို့ အစိုးရအဖွဲ့ သဘောတူ နိုင်ငံတကာသတင်း

မလေးရှားရောက် ရိုဟင်ဂျာဒုက္ခသည် ၁၀,၀၀၀ ကို တူရကီနိုင်ငံမှာ ပြန်လည်အခြေချနေထိုင်ခွင့်ပေးဖို့ အစိုးရအဖွဲ့ သဘောတူ

မလေးရှားနိုင်ငံမှာ နေထိုင်နေကြတဲ့ ရိုဟင်ဂျာဒုက္ခသည် ၁၀,၀၀၀ ကို တူရကီနိုင်ငံသို့ ပြန်လည်နေရာချထားနိုင်ဖို့အတွက် အဆိုပြုချက်ကို မလေးရှားအစိုးရအဖွဲ့က သဘောတူလိုက်တယ်လို့ မလေးရှား ဒုတိယဝန်ကြီးချုပ်နှင့် ကျေးလက်ဒေသနှင့် ဒေသဖွံ့ဖြိုးရေးဝန်ကြီး…

ဖတ်ရန်