အရေးပေါ်
နိုင်ငံတကာသတင်း

အမေရိကန်တပ်ဖွဲ့ဝင် ၁၃ ဦးကို သတ်ဖြတ်ခဲ့တဲ့ ကြည်းတပ်စိတ်ရောဂါကု ဆရာဝန်ဟောင်းကို သေဒဏ်စီရင်ဖို့ ထရမ့် အမိန့်ပေး

၂၀၂၆ အောက်တိုဘာ ၆ Myo Taw
အမေရိကန်တပ်ဖွဲ့ဝင် ၁၃ ဦးကို သတ်ဖြတ်ခဲ့တဲ့ ကြည်းတပ်စိတ်ရောဂါကု ဆရာဝန်ဟောင်းကို သေဒဏ်စီရင်ဖို့ ထရမ့် အမိန့်ပေး

အမေရိကန်တပ်ဖွဲ့ဝင် ၁၃ ဦးကို သတ်ဖြတ်ခဲ့တဲ့ ကြည်းတပ်စိတ်ရောဂါကု ဆရာဝန်ဟောင်းကို သေဒဏ်စီရင်ဖို့ ထရမ့် အမိန့်ပေး

အောက်တိုဘာ ၆

အမေရိကန်နိုင်ငံ၊ တက္ကဆက်ပြည်နယ်က ဖော့တ်ဟုဒ်စစ်အခြေစိုက်စခန်းမှာ ၂၀၀၉ ခုနှစ်တုန်းက အမေရိကန်တပ်ဖွဲ့ဝင် ၁၃ ဦးကို ပစ်ခတ်သတ်ဖြတ်ခဲ့တဲ့ အမေရိကန် ကြည်းတပ်စိတ်ရောဂါကု ဆရာဝန်ဟောင်းကို စစ်ဘက်ပစ်ခတ်ရေးတပ်ဖွဲ့နဲ့ သေဒဏ်ပေးဖို့ သမ္မတ ဒေါ်နယ်ထရမ့်က အမိန့်ချမှတ်လိုက်တယ်လို့ အမေရိကန်စစ်ဌာနချုပ် ပင်တဂွန်က အောက်တိုဘာ ၅ ရက်နေ့မှာ ထုတ်ပြန်လိုက်ပါတယ်။

အမေရိကန်ကြည်းတပ် ဗိုလ်မှူးဟောင်း နီဒယ်လ် ဟာဆန်ကို စစ်ဘက်ပစ်ခတ်ရေးတပ်ဖွဲ့နဲ့ သေဒဏ်စီရင်ဖို့ ကာကွယ်ရေးဝန်ကြီး ပိသ် ဟက်ဂ်ဆက်သ်က တင်ပြတိုက်တွန်းခဲ့တာဖြစ်ပြီး၊ အဲဒီအဆိုပြုချက်ကို သမ္မတ ထရမ့်က အတည်ပြုလက်မှတ်ရေးထိုး ပေးခဲ့တာဖြစ်တယ်လို့ ပင်တဂွန်ပြောရေးဆိုခွင့်ရှိသူ ရှောင် ပါနယ်လ်က လူမှုကွန်ရက် X ကတဆင့် ပြောဆိုထားပါတယ်။

ဟာဆန်ဟာ ၂၀၀၉ ခုနှစ် နိုဝင်ဘာလက Fort Hood စစ်စခန်းရှိ ဆေးဘက်ဆိုင်ရာ အဆောက်အအုံတခုအတွင်း လေဆာချိန်ရွယ်စနစ်ပါတဲ့ သေနတ်နဲ့ ဝင်ရောက်ပစ်ခတ်ခဲ့တာဖြစ်ပြီး တာဝန်ထမ်းဆောင်နေတဲ့ အမေရိကန်တပ်ဖွဲ့ဝင် ၁၂ ဦးနဲ့ အငြိမ်းစားစစ်မှုထမ်း ၁ ဦး သေဆုံးကာ ၃၂ ဦး ဒဏ်ရာရခဲ့ပါတယ်။

ပစ်ခတ်မှုအတွင်း ဟာဆန်ဟာ “ဘုရားသခင်ဟာ အကြီးမြတ်ဆုံးဖြစ်တယ်” လို့ အဓိပ္ပာယ်ရတဲ့ အာရဗီဘာသာနဲ့ ကြွေးကြော်အော်ဟစ်ခဲ့ပြီး နောက်ပိုင်းမှာတော့ မွတ်စလင်ကမ္ဘာမှာ အမေရိကန်က စစ်ဆင်နွှဲနေတာကို လက်တုံ့ပြန်တာ ဖြစ်တယ်လို့ ထွက်ဆိုခဲ့ပါတယ်။

၂၀၁၃ ခုနှစ်မှာ စစ်ခုံရုံးက ဟာဆန်ကို ကြိုတင်ကြံရွယ်လူသတ်မှုနဲ့ လူသတ်ရန် အားထုတ်မှု စုစုပေါင်း ၄၅ မှုအတွက် အပြစ်ရှိကြောင်း ဆုံးဖြတ်ပြီး သေဒဏ်ချမှတ်ခဲ့ပါတယ်။ လက်ရှိ အသက် ၅၆ နှစ်ရှိပြီဖြစ်တဲ့ ဟာဆန်ဟာ ဖမ်းဆီးခံရချိန်မှာ ရဲတပ်ဖွဲ့ရဲ့ ပစ်ခတ်မှုကြောင့် ခါးအောက်ပိုင်းသေသွားခဲ့ပြီး ဘီးတပ်ကုလားထိုင်နဲ့သာ နေထိုင်နေရပါတယ်။

ဟာဆန်ကို အခုအမိန့်အတိုင်း ကွပ်မျက်ဖြစ်ခဲ့ရင် အမေရိကန်စစ်တပ်အတွင်း ၁၉၆၁ ခုနှစ်နောက်ပိုင်း ပထမဆုံး သေဒဏ်ကွပ်မျက်မှု ဖြစ်လာမှာပါ။ ဒါ့အပြင် အမေရိကန်စစ်တပ်က ပစ်ခတ်ရေးတပ်ဖွဲ့အသုံးပြုပြီး ကွပ်မျက်တာဟာ ၁၉၄၅ ခုနှစ်နောက်ပိုင်း ပထမဆုံးအကြိမ် ဖြစ်လာမှာ ဖြစ်ပါတယ်။

သေဒဏ်စီရင်မယ့် အချိန်နဲ့နေရာကိုတော့ အမေရိကန်ကြည်းတပ်အတွင်းဝန်က သတ်မှတ်ပေးသွားမှာ ဖြစ်တယ်လို့ သိရပါတယ်။

Ref & Photo: Reuters

မြို့တော် News Channel

ဓာတ်ပုံများ (1)

ဆက်စပ် သတင်းများ

ဆယ်လီတဦးကို အရူးအမူး စွဲလမ်းနေတဲ့ ပရိသတ် အိမ်ထဲအတင်းဝင်ပြီး လက်ထပ်ခွင့်တောင်းရာက ရိုက်နှက်ခံရလို့ သေဆုံး နိုင်ငံတကာသတင်း

ဆယ်လီတဦးကို အရူးအမူး စွဲလမ်းနေတဲ့ ပရိသတ် အိမ်ထဲအတင်းဝင်ပြီး လက်ထပ်ခွင့်တောင်းရာက ရိုက်နှက်ခံရလို့ သေဆုံး

အိန္ဒိယနိုင်ငံမှာ နာမည်ကြီး လူမှုကွန်ရက် ဆယ်လီတစ်ဦးရဲ့ နေအိမ်ထဲကို ကျူးကျော်ဝင်ရောက်ပြီး လက်ထပ်ခွင့်တောင်းခဲ့တဲ့ အစွဲအလမ်းကြီးတဲ့ ပရိသတ်တဦးဟာ ဆယ်လီရဲ့ မိသားစုဝင်တွေနဲ့ အိမ်နီးချင်းတွေရဲ့ ဝိုင်းဝန်းရိုက်နှက်မှုကြောင့် သေဆုံးသွားခဲ့ပါတယ်။

ဖတ်ရန်
ကမ္ဘာ့အင်အားကြီး ၃ နိုင်ငံရဲ့ သမိုင်းဝင်တွေ့ဆုံမှု ပုံရိပ်ပိုင်း အားကောင်းပေမဲ့ ရလဒ်ပိုင်း အားနည်း နိုင်ငံတကာသတင်း

ကမ္ဘာ့အင်အားကြီး ၃ နိုင်ငံရဲ့ သမိုင်းဝင်တွေ့ဆုံမှု ပုံရိပ်ပိုင်း အားကောင်းပေမဲ့ ရလဒ်ပိုင်း အားနည်း

ကမ္ဘာ့အင်အားကြီး ၃ နိုင်ငံဖြစ်တဲ့ တရုတ်၊ အမေရိကန်နဲ့ ရုရှားခေါင်းဆောင်တွေ စားပွဲအဝိုင်းကြီးတခုမှာ အတူထိုင်နေတဲ့ မြင်ကွင်းဟာ ၂၁ ရာစု သံတမန်ရေးရာ သမိုင်းမှာ မှတ်တမ်းဝင်ကျန်ရစ်မယ့်…

ဖတ်ရန်
ကျန်းမာရေးမကောင်းတဲ့ ပြည်သူ့စစ်မှုထမ်း တပ်သား ၁ ဦး မတရားခိုင်းစေခံရမှုကြောင့် သေဆုံး ပြည်တွင်းသတင်း

ကျန်းမာရေးမကောင်းတဲ့ ပြည်သူ့စစ်မှုထမ်း တပ်သား ၁ ဦး မတရားခိုင်းစေခံရမှုကြောင့် သေဆုံး

ဧရာဝတီတိုင်း၊ ပုသိမ်ခရိုင်၊ သာပေါင်းမြို့နယ်မှာ ကျန်းမာရေးမကောင်းတဲ့ စစ်မှုထမ်းတပ်သားသစ်ကို အလုပ်ကြမ်းခိုင်းစေရာက သေဆုံးခဲ့တယ်လို့ သိရပါတယ်။

ဖတ်ရန်
မလေးရှားရောက် ရိုဟင်ဂျာဒုက္ခသည် ၁၀,၀၀၀ ကို တူရကီနိုင်ငံမှာ ပြန်လည်အခြေချနေထိုင်ခွင့်ပေးဖို့ အစိုးရအဖွဲ့ သဘောတူ နိုင်ငံတကာသတင်း

မလေးရှားရောက် ရိုဟင်ဂျာဒုက္ခသည် ၁၀,၀၀၀ ကို တူရကီနိုင်ငံမှာ ပြန်လည်အခြေချနေထိုင်ခွင့်ပေးဖို့ အစိုးရအဖွဲ့ သဘောတူ

မလေးရှားနိုင်ငံမှာ နေထိုင်နေကြတဲ့ ရိုဟင်ဂျာဒုက္ခသည် ၁၀,၀၀၀ ကို တူရကီနိုင်ငံသို့ ပြန်လည်နေရာချထားနိုင်ဖို့အတွက် အဆိုပြုချက်ကို မလေးရှားအစိုးရအဖွဲ့က သဘောတူလိုက်တယ်လို့ မလေးရှား ဒုတိယဝန်ကြီးချုပ်နှင့် ကျေးလက်ဒေသနှင့် ဒေသဖွံ့ဖြိုးရေးဝန်ကြီး…

ဖတ်ရန်