အရေးပေါ်
ပြည်တွင်းသတင်း

“ဝ”ဥ ဝင်ရှာနေရင်း ပျားကြီးတုပ်ခံရလို့ အသက်ကြီးပိုင်း အမျိုးသားတဦး သေဆုံး

၂၀၂၆ အောက်တိုဘာ ၈ Myo Taw
“ဝ”ဥ ဝင်ရှာနေရင်း ပျားကြီးတုပ်ခံရလို့ အသက်ကြီးပိုင်း အမျိုးသားတဦး သေဆုံး

“ဝ”ဥ ဝင်ရှာနေရင်း ပျားကြီးတုပ်ခံရလို့ အသက်ကြီးပိုင်း အမျိုးသားတဦး သေဆုံး

အောက်တိုဘာ ၈

ရှမ်းပြည်မြောက်ပိုင်း၊ မန်တုံမြို့နယ်မှာ ပျားကြီးတုပ်လို့ အမျိုးသားတဦး အဆိပ်တက်ကာ သေဆုံးခဲ့တယ်လို့ သိရပါတယ်။

အောက်တိုဘာ ၅ ရက်နေ့၊ ညနေ ၅ နာရီဝန်းကျင်ခန့်က မန်းတုံမြို့နယ်၊ ပန်ခါးလေးကျေးရွာမှာ နေထိုင်တဲ့ အသက် ၆၄ နှစ် အရွယ် ဦးခမ်းလွန် ဆိုသူဟာ ပန်ခါးလေးကျေးရွာကနေ ပန်ခါးကြီးကျေးရွာကိုသွားတဲ့ လမ်းဘေးတောစပ်မှာ “ဝ”ဥ ဝင်ရှာနေရင်း ပျားကြီးတုပ်ခံရပြီး နေရာမှာတင် သေဆုံးခဲ့တာလို့ သိရပါတယ်။

“မိုးအကုန် ဆောင်းအကူဆိုရင် ပျားကြီးတွေ၊ ပိတုန်းတွေ အသိုက်ပြောင်းကြတယ်။ အဲကာလ အရမ်းဂရုစိုက်ရတာ၊ နှစ်တိုင်း ပျားတုပ်လို့ သေတဲ့သူများတယ်။ အကိုက်ခံရတဲ့သူက အောက်ဆီဂျင်ပြတ်ပြီး သွေးပေါင်ကျတာ။ အချိန်မှီ ဆေးရုံပို့နိုင်မှ ဒါတောင် အသက်အန္တရာယ်က စိုးရိမ်ရတယ်” လို့ ပန်ခါးလေးကျေးရွာ ဒေသခံတဦးက ပြောပါတယ်။

အောက်တိုဘာ ၆ ရက်နေ့မှာ ပျားကြီးတုပ်ခံရလို့ သေဆုံးနေတဲ့ ရုပ်အလောင်းကို မိုင်းညီဆန်း ဆိုသူက စတင်တွေ့ရှိခဲ့တာလို့ သိရပြီး နီးစပ်ရာဒေသခံတွေရဲ့ အကူအညီ နဲ့ သင်္ဂြိုဟ်ပေးခဲ့ကြရတယ်လို့ သိရပါတယ်။

ပြီးခဲ့တဲ့ စက်တင်ဘာ ၁၉ ရက်နေ့ကလည်း နမ့်ဆန်မြို့နယ်၊ ကွမ်ဟယ်အုပ်စု၊ မန်စုံကျေးရွာမှာ လက်ဖက်ခူးနေတဲ့ အမျိုးသမီး ၂ ဦး ပျားပိတုန်း တုပ်ခံရလို့ ၂ ဦးစလုံး တရက်ခြားစီ သေဆုံးခဲ့ပါသေးတယ်။

တအောင်းတပ် TNLA က တောတောင်တွေထဲ “ဝ”ဥ နဲ့ သစ်တောထွက်ပစ္စည်း ရှာဖွေသူတွေအနေနဲ့ ပျားအုံတွေနဲ့ တခြားအင်းဆက်ပိုးမွှာတွေ ရှိနိုင်တဲ့နေရာတွေကို သတိထားရှောင်ရှား သွားလာဖို့ သတိပေးထားထုတ်ပြန်ထားပါတယ်။

မြို့တော် News Channel

ဓာတ်ပုံများ (2)

ဆက်စပ် သတင်းများ

ရွှေဆိုင်ဓားပြတိုက်မှု ရက် ၄၀ အတွင်း ၃ ကြိမ်ဖြစ်ခဲ့ပြီး ခုကြိမ်မှာ သိန်း ၁၂၀၀ ခန့်ပါသွား ရုပ်သံ ပြည်တွင်းသတင်း

ရွှေဆိုင်ဓားပြတိုက်မှု ရက် ၄၀ အတွင်း ၃ ကြိမ်ဖြစ်ခဲ့ပြီး ခုကြိမ်မှာ သိန်း ၁၂၀၀ ခန့်ပါသွား

ရွှေဆိုင်ဓားပြတိုက်မှု ရက် ၄၀ အတွင်း ၃ ကြိမ်ဖြစ်ခဲ့ပြီး ခုကြိမ်မှာ သိန်း ၁၂၀၀ ခန့်ပါသွားတဲ့ သတင်းနဲ့အတူ မြို့တော်ရဲ့ ညစဉ်သတင်း တင်ဆက်မှု…

ကြည့်ရန်
ဘီးလင်းမြို့နယ်မှာ ကားနဲ့ ခရီးသွားနေစဉ် အမျိုးသားတဦး သေနတ်နဲ့ ပစ်ခတ်ခံရ ပြည်တွင်းသတင်း

ဘီးလင်းမြို့နယ်မှာ ကားနဲ့ ခရီးသွားနေစဉ် အမျိုးသားတဦး သေနတ်နဲ့ ပစ်ခတ်ခံရ

မွန်ပြည်နယ်၊ ဘီးလင်းမြို့နယ်၊ တောင်ကြီးကျေးရွာမှာ ကားနဲ့ ခရီးသွားခဲ့တဲ့ အမျိုးသားတဦး အမည်မသိ လူ ၂ ဦးရဲ့ သေနတ်နဲ့ စောင့်ကြိုပစ်ခတ်ခြင်းခံရတယ်လို့ သိရပါတယ်။

ဖတ်ရန်
ပြည်ပလုပ်သားတွေရဲ့ ဘဏ်ငွေလွှဲနှုန်း တိုးမြှင့်လာပေမယ့် ပြင်ပပေါက်ဈေးထက် နည်းနေလို့ နစ်နာမှုတွေ ရှိနေဆဲ အလုပ်သမားရေးရာ

ပြည်ပလုပ်သားတွေရဲ့ ဘဏ်ငွေလွှဲနှုန်း တိုးမြှင့်လာပေမယ့် ပြင်ပပေါက်ဈေးထက် နည်းနေလို့ နစ်နာမှုတွေ ရှိနေဆဲ

ပြည်ပရောက် အလုပ်သားတွေရဲ့ လုပ်ခလစာ ငွေလွှဲနှုန်းကို အမေရိကန် ၁ ဒေါ်လာလျှင် ကျပ် ၄,၆၀၀ အထိ တိုးမြှင့်ပေးမယ်လို့ ပြည်တွင်းပုဂ္ဂလိကဘဏ်အချို့က နိုဝင်ဘာ ၁၉…

ဖတ်ရန်
ကျောက်မဲမြို့မှာ ရွှေဆိုင်ဓားပြတိုက်မှု သုံးကြိမ်မြောက် ဖြစ်ပွားပြီး ငွေကျပ်သိန်း ၁၂၀၀ ခန့် ပါသွား ပြည်တွင်းသတင်း

ကျောက်မဲမြို့မှာ ရွှေဆိုင်ဓားပြတိုက်မှု သုံးကြိမ်မြောက် ဖြစ်ပွားပြီး ငွေကျပ်သိန်း ၁၂၀၀ ခန့် ပါသွား

ရှမ်းပြည်နယ်မြောက်ပိုင်း၊ ကျောက်မဲမြို့၊ ဗဟိုဈေးအနီး ဈေးတောင်ဘက်တိုက်တန်းက 'ရွှေတောင်တန်း' ရွှေဆိုင် ဓားပြတိုက်လုယက်ခံရပြီး ငွေကျပ်သိန်း ၁၂၀၀ ခန့် တန်ဖိုးရှိ ရွှေဆွဲကြိုးတွေ ပါသွားခဲ့တယ်လို့ ဒေသတွင်း…

ဖတ်ရန်