အရေးပေါ်
ပြည်တွင်းသတင်း

နေပြည်တော်မှာ လောင်းကစားဝိုင်းတွေ စည်ကားနေလို့ ခိုးဆိုးမှုနဲ့ မိသားစုပြဿနာတွေ များလာတယ်လို့ ဒေသခံတွေ ပြော

၂၀၂၆ နိုဝင်ဘာ ၁၉ Myo Taw
နေပြည်တော်မှာ လောင်းကစားဝိုင်းတွေ စည်ကားနေလို့ ခိုးဆိုးမှုနဲ့ မိသားစုပြဿနာတွေ များလာတယ်လို့ ဒေသခံတွေ ပြော

နေပြည်တော်မှာ လောင်းကစားဝိုင်းတွေ စည်ကားနေလို့ ခိုးဆိုးမှုနဲ့ မိသားစုပြဿနာတွေ များလာတယ်လို့ ဒေသခံတွေ ပြော

နိုဝင်ဘာ ၁၉

နေပြည်တော်၊ ဥတ္တရသီရိမြို့နယ်၊ တပ်ကုန်းနဲ့ ပုဗ္ဗသီရိမြို့နယ်က ရွာတွေမှာ လောင်းကစားဝိုင်းတွေကို နေ့တိုင်းနီးပါး ကြီးကြီးကျယ်ကျယ် ပြုလုပ်နေကြလို့ ရပ်ရွာလုံခြုံရေး ထိခိုက်လာနေလို့ သိရပါတယ်။

ဥတ္တရသီရိမြို့နယ်ရှိ မရမ်းပင်ရွာက လေတာကွင်းမှာ ဦးအောင်ဇော်၊ ဦးဘိုတင့်နဲ့ ဦးအောင်ရှိတို့ ဦးဆောင်ပြီး ဂျင်ဝိုင်း၊ ကြက်ဝိုင်းနဲ့ လောင်းကစားဝိုင်းတွေကို ရပ်ကျေးအုပ်ချုပ်ရေးအဖွဲ့တွေရဲ့ ခွင့်ပြုချက်နဲ့ လုပ်နေတယ်လို့လည်း ပြောဆိုမှုတွေ ထွက်ပေါ်နေပါတယ်။

“လောင်းကစားဝိုင်းတွေကြောင့် မင်းကုန်းအုပ်စုထဲက ရွာ ၆ ရွာမှာ အိမ်တွင်းရေးပြဿနာတွေနဲ့ ခိုးဆိုးလုယက်မှုတွေ၊ ပျောက်ဆုံးမှုတွေ ဆက်တိုက်ဖြစ်နေလို့ ရွာသားတွေအတွက် အမြန်ဆုံး အရေးယူပေးစေချင်ပါတယ်” လို့ မရမ်းပင်ရွာ ဒေသခံတဦးက မြို့တော်ကို ပြောပါတယ်။

အလားတူ တပ်ကုန်းမြို့နယ်၊ ပေတောရွာ ဥစားကြက်ခြံအရှေ့ဘက် လမ်းမပေါ်မှာ ဦးအေးမင်းထွန်းနဲ့ ဦးပေါ်မွှေးတို့ ပေါင်းပြီး ကြက်ဝိုင်းနဲ့ တခြားလောင်းကစားဝိုင်းတွေ လုပ်နေသလို ပုဗ္ဗသီရိမြို့နယ်၊ ရှေ့တဲကုန်းရွာနားမှာလည်း အေးမင်းဦးက ဒိုင်လုပ်ပြီး ဂျင်ဝိုင်းကြီးကြီးကျယ်ကျယ် လုပ်နေတယ်လို့ သိရပါတယ်။

“သပြေကုန်းရွာက အေးမင်းဦးက ဒိုင်လုပ်ပြီး ဂျင်ဝိုင်းကို ကြီးကြီးကျယ်ကျယ် လုပ်နေတာမှာ စခန်းမှူး ရဲအုပ်နေမျိုးလင်းနဲ့ နယ်ထိန်းခေါင်းဆောင် ဒုရဲအုပ်ဌေးအောင်တို့နဲ့ ပေါင်းလုပ်နေတယ်လို့ ကြားနေရပါတယ်” လို့ သတင်းပေးပို့သူတဦးက မြို့တော်ကို ပြောပါတယ်။

ရပ်ရွာအေးချမ်းပြီး ဒေသခံတွေရဲ့ ပစ္စည်းဥစ္စာ လုံခြုံဖို့အတွက် သက်ဆိုင်ရာ တာဝန်ရှိသူတွေက အမြန်တားဆီးအရေးယူပေးဖို့ ဒေသခံတွေ မျှော်လင့်နေကြပေမဲ့ အခုချိန်ထိတော့ သက်ဆိုင်ရာဘက်က တရားဝင် ဖြေရှင်းတာမျိုး မရှိသေးပါဘူး။

နေပြည်တော်မှာ အာဏာသိမ်းပြီးနောက်ပိုင်း လောင်းကစားဝိုင်းတွေကြောင့် လူမှုရေး ပြဿနာတွေနှင့်အတူ ပစ္စည်းလုယက်တာ၊ လုယက်ရင်း လိင်ပိုင်းဆိုင်ရာ ပြုကျင့်တာနှင့် မိသားစုလိုက် သတ်ဖြတ်ပြီး ပစ္စည်းခိုးယူတာ စတဲ့ ရာဇဝတ်မှုတွေ ဆက်တိုက် ဖြစ်ပွားနေပေမယ့် သက်ဆိုင်ရာ ရဲနှင့် ဌာနဆိုင်ရာတွေက လောင်းကစားဝိုင်းတွေဆီက လိုင်းကြေးယူထားပြီး လျစ်လျူရှုပေးထားတယ်လို့ သိရပါတယ်။

မြို့တော် News Channel

ဓာတ်ပုံများ (4)

ဆက်စပ် သတင်းများ

ရွှေဆိုင်ဓားပြတိုက်မှု ရက် ၄၀ အတွင်း ၃ ကြိမ်ဖြစ်ခဲ့ပြီး ခုကြိမ်မှာ သိန်း ၁၂၀၀ ခန့်ပါသွား ရုပ်သံ ပြည်တွင်းသတင်း

ရွှေဆိုင်ဓားပြတိုက်မှု ရက် ၄၀ အတွင်း ၃ ကြိမ်ဖြစ်ခဲ့ပြီး ခုကြိမ်မှာ သိန်း ၁၂၀၀ ခန့်ပါသွား

ရွှေဆိုင်ဓားပြတိုက်မှု ရက် ၄၀ အတွင်း ၃ ကြိမ်ဖြစ်ခဲ့ပြီး ခုကြိမ်မှာ သိန်း ၁၂၀၀ ခန့်ပါသွားတဲ့ သတင်းနဲ့အတူ မြို့တော်ရဲ့ ညစဉ်သတင်း တင်ဆက်မှု…

ကြည့်ရန်
ဘီးလင်းမြို့နယ်မှာ ကားနဲ့ ခရီးသွားနေစဉ် အမျိုးသားတဦး သေနတ်နဲ့ ပစ်ခတ်ခံရ ပြည်တွင်းသတင်း

ဘီးလင်းမြို့နယ်မှာ ကားနဲ့ ခရီးသွားနေစဉ် အမျိုးသားတဦး သေနတ်နဲ့ ပစ်ခတ်ခံရ

မွန်ပြည်နယ်၊ ဘီးလင်းမြို့နယ်၊ တောင်ကြီးကျေးရွာမှာ ကားနဲ့ ခရီးသွားခဲ့တဲ့ အမျိုးသားတဦး အမည်မသိ လူ ၂ ဦးရဲ့ သေနတ်နဲ့ စောင့်ကြိုပစ်ခတ်ခြင်းခံရတယ်လို့ သိရပါတယ်။

ဖတ်ရန်
ပြည်ပလုပ်သားတွေရဲ့ ဘဏ်ငွေလွှဲနှုန်း တိုးမြှင့်လာပေမယ့် ပြင်ပပေါက်ဈေးထက် နည်းနေလို့ နစ်နာမှုတွေ ရှိနေဆဲ အလုပ်သမားရေးရာ

ပြည်ပလုပ်သားတွေရဲ့ ဘဏ်ငွေလွှဲနှုန်း တိုးမြှင့်လာပေမယ့် ပြင်ပပေါက်ဈေးထက် နည်းနေလို့ နစ်နာမှုတွေ ရှိနေဆဲ

ပြည်ပရောက် အလုပ်သားတွေရဲ့ လုပ်ခလစာ ငွေလွှဲနှုန်းကို အမေရိကန် ၁ ဒေါ်လာလျှင် ကျပ် ၄,၆၀၀ အထိ တိုးမြှင့်ပေးမယ်လို့ ပြည်တွင်းပုဂ္ဂလိကဘဏ်အချို့က နိုဝင်ဘာ ၁၉…

ဖတ်ရန်
ကျောက်မဲမြို့မှာ ရွှေဆိုင်ဓားပြတိုက်မှု သုံးကြိမ်မြောက် ဖြစ်ပွားပြီး ငွေကျပ်သိန်း ၁၂၀၀ ခန့် ပါသွား ပြည်တွင်းသတင်း

ကျောက်မဲမြို့မှာ ရွှေဆိုင်ဓားပြတိုက်မှု သုံးကြိမ်မြောက် ဖြစ်ပွားပြီး ငွေကျပ်သိန်း ၁၂၀၀ ခန့် ပါသွား

ရှမ်းပြည်နယ်မြောက်ပိုင်း၊ ကျောက်မဲမြို့၊ ဗဟိုဈေးအနီး ဈေးတောင်ဘက်တိုက်တန်းက 'ရွှေတောင်တန်း' ရွှေဆိုင် ဓားပြတိုက်လုယက်ခံရပြီး ငွေကျပ်သိန်း ၁၂၀၀ ခန့် တန်ဖိုးရှိ ရွှေဆွဲကြိုးတွေ ပါသွားခဲ့တယ်လို့ ဒေသတွင်း…

ဖတ်ရန်