အရေးပေါ်
ပြည်တွင်းသတင်း

၁၀ ရက်ကြာ ပိတ်ခံထားရတဲ့ မြိတ်-ထားဝယ် ရေကြောင်းလမ်း ပြန်ဖွင့်

၂၀၂၆ နိုဝင်ဘာ ၂၁ Myo Taw
၁၀ ရက်ကြာ ပိတ်ခံထားရတဲ့ မြိတ်-ထားဝယ် ရေကြောင်းလမ်း ပြန်ဖွင့်

၁၀ ရက်ကြာ ပိတ်ခံထားရတဲ့ မြိတ်-ထားဝယ် ရေကြောင်းလမ်း ပြန်ဖွင့်

နိုဝင်ဘာ ၂၁

တနင်္လာရီတိုင်း၊ ထားဝယ်မြစ်ထဲမှာ Speedboat ယာဥ်ပေါ်လိုက်ပါလာတဲ့ ရဲတပ်သား ၂ ဦးကို လက်နက်ကိုင်အဖွဲ့တခုက ဖမ်းဆီးသွားပြီးနောက် ရပ်နားထားလိုက်ရတဲ့ Speedboat ယာဥ်လိုင်း ပြန်လည်ပြေးဆွဲခွင့် ရပြီလို့သိရပါတယ်။

နိုဝင်ဘာလ ၉ ရက်နေ့ မနက် ၇ နာရီခန့်က မြိတ်မြို့ကနေ ထားဝယ်မြို့ကို ထွက်ခွာသွားတဲ့ Speedboatယာဥ်တစီးကို ထားဝယ်မြစ်ထဲမှာ အမည်မသိ လက်နက်ကိုင်တပ်ဖွဲ့တဖွဲ့က ရပ်တန့်စစ်ဆေးခဲ့ပြီးနောက် လှေပေါ်ပါတဲ့ ခရီးသည်တွေထဲက အမျိုးသား ၂ ဦးကို ဖမ်းဆီးသွားကာ စက်လှေပေါ် ပါသူတွေကို ဆက်လက်ခရီးဆက်စေခဲ့တယ်လို့ သိရပါတယ်။

"လှေပေါ်ပါလာတဲ့ သူတွေရဲ့ ဖုန်းတွေနဲ့ မှတ်ပုံတင်တွေစစ်ပြီး အမျိုးသား၂ ယောက်ကို ဖမ်းသွားတယ်၊ ရဲတွေဆိုတာ သတင်းအတိအကျ ရထားလို့ လာဖမ်းတာပြောတယ်၊ အဲနေ့ကထွက်တာ ၃ စီး တစီးကို ရဲ ၂ ယောက်ပါသွားတာ၊ ကျန်တဲ့ ၂ စီးက လွတ်သွားတယ်" လို့ ဒေသခံတဦးက ပြောပါတယ်။

ရဲတွေဖမ်းဆီးခံလိုက်ရပြီးနောက် ၁၀ ရက်အကြာအထိ ယာဥ်လိုင်းပြေးဆွဲခွင့် ရပ်နားခံခဲ့ရပြီး နိုဝင်ဘာလ ၂၀ ရက်နေ့မှာ မြိတ်-ထားဝယ် ခရီးစဥ်ကို ပြန်လည်ပြေးဆွဲခွင့် ရတယ်လို့ သိရပါတယ်။

"မြို့နယ်က မထွက်ခိုင်းတာ၊ ခုပြန်ထွက်ခွင့်ပေးတယ် ပြောတယ်၊ တချို့ကလည်း မသွားရဲကြဘူး ဖြစ်နေတယ်၊ လူတော့ နည်းနေသေးတယ်" လို့ ဒေသခံတဦးက ထပ်မံပြောဆိုပါတယ်။

ရဲတပ်သား ၂ ဦး ဖမ်းဆီးခံရပြီးနောက် ယာဥ်လိုင်းဂိတ်နဲ့ လက်မှတ်အရောင်းဌာနတွေကို ရဲတွေက ဝင်ရောက်စစ်ဆေးခဲ့ပြီးနောက် ယာဥ်လိုင်းကို ၁၀ ရက်တာ ပိတ်ခဲ့တာလို့ သိရပါတယ်။

မြိတ်-ထားဝယ်က ဒေသခံတွေဟာ ပြီးခဲ့တဲ့ အောက်တိုဘာလ ၂၃ ရက်နေ့ကစပြီး နှစ်ဖက် ထိတွေ့တိုက်ပွဲတွေနဲ့ ကားလမ်းပိတ်ခံထားရတာကြောင့် ကုန်းလမ်းထက် ရေလမ်းကိုသာ အသုံးပြုနေကြရတယ်လို့ သိရပါတယ်။

မြို့တော် News Channel

ဓာတ်ပုံများ (1)

ဆက်စပ် သတင်းများ

ရွှေဆိုင်ဓားပြတိုက်မှု ရက် ၄၀ အတွင်း ၃ ကြိမ်ဖြစ်ခဲ့ပြီး ခုကြိမ်မှာ သိန်း ၁၂၀၀ ခန့်ပါသွား ရုပ်သံ ပြည်တွင်းသတင်း

ရွှေဆိုင်ဓားပြတိုက်မှု ရက် ၄၀ အတွင်း ၃ ကြိမ်ဖြစ်ခဲ့ပြီး ခုကြိမ်မှာ သိန်း ၁၂၀၀ ခန့်ပါသွား

ရွှေဆိုင်ဓားပြတိုက်မှု ရက် ၄၀ အတွင်း ၃ ကြိမ်ဖြစ်ခဲ့ပြီး ခုကြိမ်မှာ သိန်း ၁၂၀၀ ခန့်ပါသွားတဲ့ သတင်းနဲ့အတူ မြို့တော်ရဲ့ ညစဉ်သတင်း တင်ဆက်မှု…

ကြည့်ရန်
ဘီးလင်းမြို့နယ်မှာ ကားနဲ့ ခရီးသွားနေစဉ် အမျိုးသားတဦး သေနတ်နဲ့ ပစ်ခတ်ခံရ ပြည်တွင်းသတင်း

ဘီးလင်းမြို့နယ်မှာ ကားနဲ့ ခရီးသွားနေစဉ် အမျိုးသားတဦး သေနတ်နဲ့ ပစ်ခတ်ခံရ

မွန်ပြည်နယ်၊ ဘီးလင်းမြို့နယ်၊ တောင်ကြီးကျေးရွာမှာ ကားနဲ့ ခရီးသွားခဲ့တဲ့ အမျိုးသားတဦး အမည်မသိ လူ ၂ ဦးရဲ့ သေနတ်နဲ့ စောင့်ကြိုပစ်ခတ်ခြင်းခံရတယ်လို့ သိရပါတယ်။

ဖတ်ရန်
ပြည်ပလုပ်သားတွေရဲ့ ဘဏ်ငွေလွှဲနှုန်း တိုးမြှင့်လာပေမယ့် ပြင်ပပေါက်ဈေးထက် နည်းနေလို့ နစ်နာမှုတွေ ရှိနေဆဲ အလုပ်သမားရေးရာ

ပြည်ပလုပ်သားတွေရဲ့ ဘဏ်ငွေလွှဲနှုန်း တိုးမြှင့်လာပေမယ့် ပြင်ပပေါက်ဈေးထက် နည်းနေလို့ နစ်နာမှုတွေ ရှိနေဆဲ

ပြည်ပရောက် အလုပ်သားတွေရဲ့ လုပ်ခလစာ ငွေလွှဲနှုန်းကို အမေရိကန် ၁ ဒေါ်လာလျှင် ကျပ် ၄,၆၀၀ အထိ တိုးမြှင့်ပေးမယ်လို့ ပြည်တွင်းပုဂ္ဂလိကဘဏ်အချို့က နိုဝင်ဘာ ၁၉…

ဖတ်ရန်
ကျောက်မဲမြို့မှာ ရွှေဆိုင်ဓားပြတိုက်မှု သုံးကြိမ်မြောက် ဖြစ်ပွားပြီး ငွေကျပ်သိန်း ၁၂၀၀ ခန့် ပါသွား ပြည်တွင်းသတင်း

ကျောက်မဲမြို့မှာ ရွှေဆိုင်ဓားပြတိုက်မှု သုံးကြိမ်မြောက် ဖြစ်ပွားပြီး ငွေကျပ်သိန်း ၁၂၀၀ ခန့် ပါသွား

ရှမ်းပြည်နယ်မြောက်ပိုင်း၊ ကျောက်မဲမြို့၊ ဗဟိုဈေးအနီး ဈေးတောင်ဘက်တိုက်တန်းက 'ရွှေတောင်တန်း' ရွှေဆိုင် ဓားပြတိုက်လုယက်ခံရပြီး ငွေကျပ်သိန်း ၁၂၀၀ ခန့် တန်ဖိုးရှိ ရွှေဆွဲကြိုးတွေ ပါသွားခဲ့တယ်လို့ ဒေသတွင်း…

ဖတ်ရန်