အရေးပေါ်
ပြည်တွင်းသတင်း

မန္တလေးပညာရေးကောလိပ် အဆောက်အဦးဖြိုချချိန် သစ်သားထုပ်တန်း ပြုတ်ကျလို့ ၁ ဦး သေဆုံးပြီး ၄ ဦး ဒဏ်ရာရ

၂၀၂၆ နိုဝင်ဘာ ၁၇ Myo Taw
မန္တလေးပညာရေးကောလိပ် အဆောက်အဦးဖြိုချချိန် သစ်သားထုပ်တန်း ပြုတ်ကျလို့ ၁ ဦး သေဆုံးပြီး ၄ ဦး ဒဏ်ရာရ

မန္တလေးပညာရေးကောလိပ် အဆောက်အဦးဖြိုချချိန် သစ်သားထုပ်တန်း ပြုတ်ကျလို့ ၁ ဦး သေဆုံးပြီး ၄ ဦး ဒဏ်ရာရ

နိုဝင်ဘာ ၁၇

မန္တလေးမြို့၊ ချမ်းအေးသာစံမြို့နယ်က ပညာရေးကောလိပ်ကို ပြန်လည်ပြုပြင်ဖို့ ဖြိုချရာက သစ်သားထုပ်တန်း ပြုတ်ကျလို့ အမျိုးသား ၁ ဦး သေဆုံးပြီး ၄ ဦး ထိခိုက်ဒဏ်ရာ ရရှိခဲ့တယ်လို့ သိရပါတယ်။

နိုဝင်ဘာလ ၁၇ ရက်နေ့၊ မနက် ၁၀ နာရီ ၁၅ မိနစ်ခန့်က ချမ်းအေးသာစံမြို့နယ်၊ ပတ်ကုန်းပျော်ဘွယ်ရပ်ကွက်၊ ၆၆ လမ်း၊ ၃၂ လမ်းနဲ့ ၃၃ လမ်းကြားက ပညာရေးကောလိပ်အတွင်း ငလျင်ကြောင့် ပျက်စီးခဲ့တဲ့ အလျားပေ ၁၀၀၊ အနံပေ ၃၀ ကျယ်တဲ့ နှစ်ထပ်အဆောက်အဦိးခန်းမကို အသစ်ပြန်လည်တည်ဆောက်ဖို့ ဖြိုဖျက်ရာက ပေ ၁၀၀ ဝန်းကျင်ရှည်တဲ့ ထုပ်တန်း ပြုတ်ကျခဲ့တာလို့ သိရပါတယ်။

“အဆောက်အအုံအဟောင်း နံကပ် ၂ ထပ်အဆောင် ဖြိုတာမှာ အတွဲလိုက် ပြိုကျတာ။ ရှောင်ချိန် မရလိုက်ကြတာ၊ ၅ ယောက် ထိတယ်၊ ၁ ယောက် သေတယ်” လို့ ဒေသခံတဦးက ပြောပါတယ်။

သစ်သားထုပ်တန်း ပြုတ်ကျခဲ့တာကြောင့် အသက် ၄၅ နှစ်အရွယ် ဦးမျိုးမင်းထွန်း ဆိုသူ ဝဲဘက်ညှပ်ရိုးကျိုး ဒဏ်ရာရကာ နေရာမှာတင် သေဆုံးခဲ့ပြီး အသက် ၂၆ နှစ်အရွယ်နဲ့ အသက် ၃၈ နှစ်အရွယ် အမျိုးသား ၄ ဦး ထိခိုက်ကြိုးပဲ့ဒဏ်ရာ ပြင်းထန်ရခဲ့ကာ သေဆုံးသူနဲ့ ဒဏ်ရာရရှိသူတွေကို မန္တလေးပြည်သူ့ဆေးရုံကြီးကို ပို့ဆောင်ထားတယ်လို့ သိရပါတယ်။

ပြီးခဲ့တဲ့ နိုဝင်ဘာ ၁ ရက်နေ့ကလည်း မိတ္ထီလာမြို့ ပညာရေးကောလိပ်ဝင်းအတွင်းမှာ အသစ်ဆောက်လုပ်ပြီးစီးတဲ့ ၁၈ ပေပတ်လည်၊ အနက် ၆ ပေခွဲ၊ မြေအောက်ရေ အုတ်ကန်အသစ်အတွင်းကို ငြမ်းဆင်းဖြုတ်တဲ့ အလုပ်သမားတွေ အောက်ဆီဂျင်ပြတ်လပ်မှု ဖြစ်ပွားပြီး ၄ ဦး သေဆုံးခဲ့ကာ ၁ ဦး ဆေးရုံမှာ ဆေးဝါးကုသမှု ခံယူနေရပါတယ်။

မြို့တော် News Channel

ဓာတ်ပုံများ (2)

ဆက်စပ် သတင်းများ

ရွှေဆိုင်ဓားပြတိုက်မှု ရက် ၄၀ အတွင်း ၃ ကြိမ်ဖြစ်ခဲ့ပြီး ခုကြိမ်မှာ သိန်း ၁၂၀၀ ခန့်ပါသွား ရုပ်သံ Daily NEWS

ရွှေဆိုင်ဓားပြတိုက်မှု ရက် ၄၀ အတွင်း ၃ ကြိမ်ဖြစ်ခဲ့ပြီး ခုကြိမ်မှာ သိန်း ၁၂၀၀ ခန့်ပါသွား

ရွှေဆိုင်ဓားပြတိုက်မှု ရက် ၄၀ အတွင်း ၃ ကြိမ်ဖြစ်ခဲ့ပြီး ခုကြိမ်မှာ သိန်း ၁၂၀၀ ခန့်ပါသွားတဲ့ သတင်းနဲ့အတူ မြို့တော်ရဲ့ ညစဉ်သတင်း တင်ဆက်မှု…

ကြည့်ရန်
ဘီးလင်းမြို့နယ်မှာ ကားနဲ့ ခရီးသွားနေစဉ် အမျိုးသားတဦး သေနတ်နဲ့ ပစ်ခတ်ခံရ ပြည်တွင်းသတင်း

ဘီးလင်းမြို့နယ်မှာ ကားနဲ့ ခရီးသွားနေစဉ် အမျိုးသားတဦး သေနတ်နဲ့ ပစ်ခတ်ခံရ

မွန်ပြည်နယ်၊ ဘီးလင်းမြို့နယ်၊ တောင်ကြီးကျေးရွာမှာ ကားနဲ့ ခရီးသွားခဲ့တဲ့ အမျိုးသားတဦး အမည်မသိ လူ ၂ ဦးရဲ့ သေနတ်နဲ့ စောင့်ကြိုပစ်ခတ်ခြင်းခံရတယ်လို့ သိရပါတယ်။

ဖတ်ရန်
ပြည်ပလုပ်သားတွေရဲ့ ဘဏ်ငွေလွှဲနှုန်း တိုးမြှင့်လာပေမယ့် ပြင်ပပေါက်ဈေးထက် နည်းနေလို့ နစ်နာမှုတွေ ရှိနေဆဲ အလုပ်သမားရေးရာ

ပြည်ပလုပ်သားတွေရဲ့ ဘဏ်ငွေလွှဲနှုန်း တိုးမြှင့်လာပေမယ့် ပြင်ပပေါက်ဈေးထက် နည်းနေလို့ နစ်နာမှုတွေ ရှိနေဆဲ

ပြည်ပရောက် အလုပ်သားတွေရဲ့ လုပ်ခလစာ ငွေလွှဲနှုန်းကို အမေရိကန် ၁ ဒေါ်လာလျှင် ကျပ် ၄,၆၀၀ အထိ တိုးမြှင့်ပေးမယ်လို့ ပြည်တွင်းပုဂ္ဂလိကဘဏ်အချို့က နိုဝင်ဘာ ၁၉…

ဖတ်ရန်
ကျောက်မဲမြို့မှာ ရွှေဆိုင်ဓားပြတိုက်မှု သုံးကြိမ်မြောက် ဖြစ်ပွားပြီး ငွေကျပ်သိန်း ၁၂၀၀ ခန့် ပါသွား ပြည်တွင်းသတင်း

ကျောက်မဲမြို့မှာ ရွှေဆိုင်ဓားပြတိုက်မှု သုံးကြိမ်မြောက် ဖြစ်ပွားပြီး ငွေကျပ်သိန်း ၁၂၀၀ ခန့် ပါသွား

ရှမ်းပြည်နယ်မြောက်ပိုင်း၊ ကျောက်မဲမြို့၊ ဗဟိုဈေးအနီး ဈေးတောင်ဘက်တိုက်တန်းက 'ရွှေတောင်တန်း' ရွှေဆိုင် ဓားပြတိုက်လုယက်ခံရပြီး ငွေကျပ်သိန်း ၁၂၀၀ ခန့် တန်ဖိုးရှိ ရွှေဆွဲကြိုးတွေ ပါသွားခဲ့တယ်လို့ ဒေသတွင်း…

ဖတ်ရန်