ပေါက်မြို့နယ်မှာ လေကြောင်းတိုက်ခိုက်မှုကြောင့် ကျေးရွာ ၉ ရွာမှ ပြည်သူ ၄၀၀၀ နီးပါး စစ်ဘေးရှောင်နေရ

ပေါက်မြို့နယ်မှာ လေကြောင်းတိုက်ခိုက်မှုကြောင့် ကျေးရွာ ၉ ရွာမှ ပြည်သူ ၄၀၀၀ နီးပါး စစ်ဘေးရှောင်နေရ

နိုဝင်ဘာ ၅

မကွေးတိုင်း၊ ပေါက်မြို့နယ်(တောင်ပိုင်း)က နေရာတချို့ကို အာဏာသိမ်းစစ်တပ်က တိုက်ပွဲဖြစ်ပွားခြင်းမရှိဘဲ ဗုံးကြဲတိုက်ခိုက်တာနဲ့ လက်နက်ကြီးနဲ့ ပစ်ခတ်တာတွေ လုပ်ဆောင်ခဲ့တာကြောင့် ကျေးရွာ ၉ ရွာမှ ပြည်သူ ၄၀၀၀ နီးပါး စစ်ဘေးရှောင်နေရတယ်လို့ ပေါက်မြို့နယ်-လူမှုရေးရာ၊ အလုပ်သမားနှင့် လူသားချင်းစာနာထောက်ထားရေးဌာနက နိုဝင်ဘာလ ၄ ရက်နေ့မှာ ဓာတ်ပုံတွေနဲ့တကွ ထုတ်ပြန်ထားပါတယ်။

အာဏာသိမ်းစစ်တပ် လက်အောက်ခံ ညောင်ဦးလေတပ်မှ တက်လာတဲ့ MI – 35 တိုက်ခိုက်ရေး ရဟတ်ယာဉ် ၁ စင်းနဲ့ ဂျိုင်ရိုကော်ပတာ ၄ စီးတို့က နိုဝင်ဘာလ ၄ ရက်နေ့မှာ ဗုံးကြဲတိုက်ခိုက်သလို ကပစ ၂၄ မှလည်း လက်နက်ကြီးတွေနဲ့ ရမ်းသန်းပစ်ခတ်ခဲ့တယ်လို့ သိရပါတယ်။

အဆိုပါ တိုက်ခိုက်မှုကြောင့် သီးချောက်ရွာ(တောင်ပိုင်း)က ပြည်သူနေအိမ်တွေ၊ စာသင်ကျောင်းနဲ့ ဘုန်းကြီးကျောင်းတွေပါ ပျက်စီးခဲ့သလို ကျေးရွာ ၉ ရွာခန့်မှ ပြည်သူ ၄၀၀၀ နီးပါးဟာ စစ်ဘေးရှောင်နေကြရတယ်လို့ ပေါက်မြို့နယ်-လူသားစာနာက ထုတ်ပြန်ထားပါတယ်။

UNOCHA Myanmar ရဲ့ ၂၀၂၆ ခုနှစ်၊ ဇူလိုင် ၁၃ ရက်နေ့ ထုတ်ပြန်ချက်အရ မြန်မာနိုင်ငံမှာ ၂၀၂၁ ခုနှစ် အာဏာသိမ်းမှုဖြစ်ပြီးနောက် လက်နက်ကိုင်ပဋိပက္ခ ဖြစ်ပွားမှုအခြေအနေတွေကြောင့် နေရပ်စွန့်ခွာသူ ၃.၈ သန်းကျော် ရှိတယ်လို့ သိရပါတယ်။

မြို့တော် News Channel