အရေးပေါ်
ပြည်တွင်းသတင်း

ကျောက်မဲမြို့မှာ ရွှေဆိုင်ဓားပြတိုက်မှု သုံးကြိမ်မြောက် ဖြစ်ပွားပြီး ငွေကျပ်သိန်း ၁၂၀၀ ခန့် ပါသွား

၂၀၂၆ နိုဝင်ဘာ ၂၁ Myo Taw
ကျောက်မဲမြို့မှာ ရွှေဆိုင်ဓားပြတိုက်မှု သုံးကြိမ်မြောက် ဖြစ်ပွားပြီး ငွေကျပ်သိန်း ၁၂၀၀ ခန့် ပါသွား

ကျောက်မဲမြို့မှာ ရွှေဆိုင်ဓားပြတိုက်မှု သုံးကြိမ်မြောက် ဖြစ်ပွားပြီး ငွေကျပ်သိန်း ၁၂၀၀ ခန့် ပါသွား

နိုဝင်ဘာ ၂၁

ရှမ်းပြည်နယ်မြောက်ပိုင်း၊ ကျောက်မဲမြို့၊ ဗဟိုဈေးအနီး ဈေးတောင်ဘက်တိုက်တန်းက 'ရွှေတောင်တန်း' ရွှေဆိုင် ဓားပြတိုက်လုယက်ခံရပြီး ငွေကျပ်သိန်း ၁၂၀၀ ခန့် တန်ဖိုးရှိ ရွှေဆွဲကြိုးတွေ ပါသွားခဲ့တယ်လို့ ဒေသတွင်း သတင်းရင်းမြစ်တွေထံက သိရပါတယ်။

နိုဝင်ဘာလ ၂၁ ရက်၊ ဒီကနေ့ နေ့လယ် ၁၁ နာရီခွဲကျော်ခန့်က ဓားပြတိုက်တဲ့သူက ဆိုင်ကယ်နဲ့ တဦးတည်းရောက်ရှိလာပြီး သေနတ်ပြကာ ရွှေဆိုင်အတွင်းက မှန်ပုံးကို ရိုက်ခွဲပြီး ရွှေဆွဲကြိုး ၁၉ ကုံး၊ ကာလတန်ဖိုး ငွေကျပ် သိန်း ၁၂၀၀ ဝန်းကျင်ကို ယူဆောင်သွားခဲ့တာ ဖြစ်တယ်လို့ ဆိုပါတယ်။

ဓားပြတိုက်ခံရပြီးနောက် အဆိုပါရွှေဆိုင်ကို အာဏာသိမ်းအစိုးရ လက်အောက်ခံ ရဲတပ်ဖွဲ့က ရောက်ရှိလာပြီး စစ်ဆေးမှုတွေ ပြုလုပ်ခဲ့ကာ လတ်တလောမှာတော့ ရွှေဆိုင်ကို ပိတ်ထားလိုက်ပြီဖြစ်တယ်လို့ သိရပါတယ်။

ပြီးခဲ့တဲ့ စက်တင်ဘာလ ၂၅ ရက်နေ့က ကျောက်မဲမြို့၊ ရပ်ကွက် ၂၊ ပင်လုံလမ်းက 'ရတီမှန်' ရွှေဆိုင်ကို အမျိုးသား ၂ ဦးက ဆိုင်ကယ် ၂ စီးနဲ့ ရောက်ရှိလာပြီး လက်နက်ပြ ဓားပြတိုက်ခဲ့ပြီး ရွှေ ၅၀ ကျပ်သား၊ ငွေကျပ်သိန်း ၃၀ ခန့်နဲ့ iPhone ၃ လုံးတို့ကို ယူဆောင်ထွက်ပြေးသွားခဲ့တယ်လို့ သိရပါတယ်။

ဒါ့အပြင် စက်တင်ဘာလ ၁၂ ရက်နေ့ကလည်း ကျောက်မဲမြို့၊ ဈေးကြီးတောင်ဘက်တိုက်တန်းက 'ရွှေမိုး' ရွှေဆိုင်ကို သေနတ်သမား ၃ ဦးက ဝင်ရောက်ဓားပြတိုက်ခဲ့ပြီး သိန်းထောင်ချီတန်ဖိုးရှိ ရွှေထည်လက်ဝတ်ရတနာတွေ ယူဆောင်သွားခဲ့ကာ ဓားပြတွေက သေနတ်နဲ့ ပစ်ခတ်ခဲ့လို့ လူ ၂ ဦး ဒဏ်ရာရရှိခဲ့သေးတယ်လို့ သိရပါတယ်။

ကျောက်မဲမြို့မှာ အခုအကြိမ် ရွှေဆိုင်ဓားပြတိုက်ခံရတာဟာ ၃ ကြိမ်မြောက်ဖြစ်တယ်လို့ သိရပြီး အရင်ဓားပြတိုက်မှုတွေမှာလည်း တရားခံကို ဖမ်းဆီးရမိတာမျိုး မရှိတာကြောင့် ဒေသခံတွေကြား စိုးရိမ်ထိပ်လန့်မှုတွေ မြင့်တက်နေတယ်လို့ သိရပါတယ်။

မြို့တော် News Channel

ဓာတ်ပုံများ (2)

ဆက်စပ် သတင်းများ

ရွှေဆိုင်ဓားပြတိုက်မှု ရက် ၄၀ အတွင်း ၃ ကြိမ်ဖြစ်ခဲ့ပြီး ခုကြိမ်မှာ သိန်း ၁၂၀၀ ခန့်ပါသွား ရုပ်သံ ပြည်တွင်းသတင်း

ရွှေဆိုင်ဓားပြတိုက်မှု ရက် ၄၀ အတွင်း ၃ ကြိမ်ဖြစ်ခဲ့ပြီး ခုကြိမ်မှာ သိန်း ၁၂၀၀ ခန့်ပါသွား

ရွှေဆိုင်ဓားပြတိုက်မှု ရက် ၄၀ အတွင်း ၃ ကြိမ်ဖြစ်ခဲ့ပြီး ခုကြိမ်မှာ သိန်း ၁၂၀၀ ခန့်ပါသွားတဲ့ သတင်းနဲ့အတူ မြို့တော်ရဲ့ ညစဉ်သတင်း တင်ဆက်မှု…

ကြည့်ရန်
ဘီးလင်းမြို့နယ်မှာ ကားနဲ့ ခရီးသွားနေစဉ် အမျိုးသားတဦး သေနတ်နဲ့ ပစ်ခတ်ခံရ ပြည်တွင်းသတင်း

ဘီးလင်းမြို့နယ်မှာ ကားနဲ့ ခရီးသွားနေစဉ် အမျိုးသားတဦး သေနတ်နဲ့ ပစ်ခတ်ခံရ

မွန်ပြည်နယ်၊ ဘီးလင်းမြို့နယ်၊ တောင်ကြီးကျေးရွာမှာ ကားနဲ့ ခရီးသွားခဲ့တဲ့ အမျိုးသားတဦး အမည်မသိ လူ ၂ ဦးရဲ့ သေနတ်နဲ့ စောင့်ကြိုပစ်ခတ်ခြင်းခံရတယ်လို့ သိရပါတယ်။

ဖတ်ရန်
ပြည်ပလုပ်သားတွေရဲ့ ဘဏ်ငွေလွှဲနှုန်း တိုးမြှင့်လာပေမယ့် ပြင်ပပေါက်ဈေးထက် နည်းနေလို့ နစ်နာမှုတွေ ရှိနေဆဲ အလုပ်သမားရေးရာ

ပြည်ပလုပ်သားတွေရဲ့ ဘဏ်ငွေလွှဲနှုန်း တိုးမြှင့်လာပေမယ့် ပြင်ပပေါက်ဈေးထက် နည်းနေလို့ နစ်နာမှုတွေ ရှိနေဆဲ

ပြည်ပရောက် အလုပ်သားတွေရဲ့ လုပ်ခလစာ ငွေလွှဲနှုန်းကို အမေရိကန် ၁ ဒေါ်လာလျှင် ကျပ် ၄,၆၀၀ အထိ တိုးမြှင့်ပေးမယ်လို့ ပြည်တွင်းပုဂ္ဂလိကဘဏ်အချို့က နိုဝင်ဘာ ၁၉…

ဖတ်ရန်
မြို့နယ်အုပ်ချုပ်ရေးမှူး မျက်နှာဒဲ့ကြည့်ပြီး "ဘာကောင်ကြီး ဖြစ်နေနေ ဂရုမစိုက်ဘူး၊ မကြောက်ဘူး" ပြောခဲ့တယ်လို့ ရပ်ကွက်အုပ်ကြီး ကြွားလုံးထုတ်နေမှုအပေါ် ဝန်ထမ်းတွေ မကျေနပ်ဖြစ်နေ ပြည်တွင်းသတင်း

မြို့နယ်အုပ်ချုပ်ရေးမှူး မျက်နှာဒဲ့ကြည့်ပြီး "ဘာကောင်ကြီး ဖြစ်နေနေ ဂရုမစိုက်ဘူး၊ မကြောက်ဘူး" ပြောခဲ့တယ်လို့ ရပ်ကွက်အုပ်ကြီး ကြွားလုံးထုတ်နေမှုအပေါ် ဝန်ထမ်းတွေ မကျေနပ်ဖြစ်နေ

ရန်ကုန်တိုင်း၊ ဒဂုံမြို့သစ်(ဆိပ်ကမ်း)မြို့နယ်၊ (၇၈) ရပ်ကွက်အုပ်ချုပ်ရေးမှူး အတာကြီး (ခ) မျိုးဝင်း ဆိုသူဟာ မြို့နယ်အထွေထွေအုပ်ချုပ်ရေးမှူး မျက်နှာကို ဒဲ့ကြည့်ပြီး "ဘာကောင်ကြီး ဖြစ်နေနေ ဂရုမစိုက်ဘူး၊…

ဖတ်ရန်