အရေးပေါ်
ပြည်တွင်းသတင်း

မန္တလေးတိုင်းမှာ ၂ ရက်အတွင်း ယာဉ်တိုက်မှုတွေ ၃ ကြိမ် ဖြစ်ပွားခဲ့ပြီး အမျိုးသား ၃ ဦး ဒဏ်ရာရကာ ၁ ဦး စိုးရိမ်ရ

၂၀၂၆ စက်တင်ဘာ ၃၀ Myo Taw
မန္တလေးတိုင်းမှာ ၂ ရက်အတွင်း ယာဉ်တိုက်မှုတွေ ၃ ကြိမ် ဖြစ်ပွားခဲ့ပြီး အမျိုးသား ၃ ဦး ဒဏ်ရာရကာ ၁ ဦး စိုးရိမ်ရ

မန္တလေးတိုင်းမှာ ၂ ရက်အတွင်း ယာဉ်တိုက်မှုတွေ ၃ ကြိမ် ဖြစ်ပွားခဲ့ပြီး အမျိုးသား ၃ ဦး ဒဏ်ရာရကာ ၁ ဦး စိုးရိမ်ရ

စက်တင်ဘာ ၃၀

မန္တလေးတိုင်းထဲက ပုသိမ်ကြီး၊ ဝမ်းတွင်းနဲ့ ရမည်းသင်းမြို့နယ်တွေမှာ စက်တင်ဘာ ၂၉ ရက်နဲ့ ၃၀ ရက်တွေအတွင်း ယာဉ်မတော်တဆမှုတွေ ဆက်တိုက်ဖြစ်ပွားခဲ့ပြီး အမျိုးသား ၃ ဦး ဒဏ်ရာရရှိခဲ့ကာ ကားလမ်းပိတ်ဆို့မှုတွေလည်း ဖြစ်ပေါ်ခဲ့တယ်လို့ မီးသတ်ဦးစီးဌာရဲ့ ထုတ်ပြန်ချက်အရ သိရပါတယ်။

ဒီကနေ့ စက်တင်ဘာ ၃၀ ရက် နေ့လယ် ၁ နာရီခွဲဝန်းကျင်က ပုသိမ်ကြီးမြို့နယ် ငွေတောင်ရွာအနီး၊ မန္တလေး-ပြင်ဦးလွင် ကားလမ်းဟောင်း အဆင်းလမ်း၊ မိုင်တိုင်အမှတ် ၁၀ မိုင် ၁ ဖာလုံမှာ ယာဉ်တိုက်မှု ဖြစ်ပွားပြီး အမျိုးသား ၂ ဦး ကားထဲမှာ ညပ်နေခဲ့တယ်လို့ သိရပါတယ်။

ပုသိမ်ကြီးမြို့နယ် မီးသတ်စခန်းက သွားရောက်ပြီး ကယ်ထုတ်ပေးခဲ့ရပြီး ထိခိုက်ဒဏ်ရာရခဲ့တဲ့ အမျိုးသား ၂ ဦးကို စေတနာမွန် လူမှုကူညီရေးအသင်းရဲ့ လူနာတင်ကားနဲ့ မန္တလေးပြည်သူ့ဆေးရုံကြီးကို ပို့ဆောင်ပေးခဲ့ကာ အခြေအနေ မစိုးရိမ်ရဘူးလို့ သိရပါတယ်။

အလားတူ ဒီနေ့ မနက် ၉ နာရီ ၁၀ မိနစ်ခန့်ကလည်း ဝမ်းတွင်းမြို့၊ အမှတ် (၂) ရပ်ကွက်၊ ရန်ကုန်-မန္တလေး လမ်းဟောင်း၊ မိုင်တိုင် ၃၂၇/၅ နဲ့ ၃၂၇/၆ ကြားမှာ ကားတစီး ဓာတ်တိုင်ကို ဝင်တိုက်မိခဲ့တာကြောင့် လမ်းပိတ်ဆို့မှုတွေ ဖြစ်ခဲ့တယ်လို့ သိရပါတယ်။

ဒါ့အပြင် စက်တင်ဘာ ၂၉ ရက်နေ့ ညနေ ၅ နာရီခန့်ကလည်း ရမည်းသင်းမြို့နယ်၊ စံပြသိမ်ကုန်းရွာ၊ ရွှေမြင်တောင်အနီးမှာ ကားတစီး သစ်ပင်ကို ဝင်တိုက်မိပြီး ယာဉ်ခေါင်းခန်းထဲမှာ အမျိုးသား ၁ ဦး ညပ်နေခဲ့တာကြောင့် ရမည်းသင်း မီးသတ်တပ်ဖွဲ့က သွားရောက်ကယ်ထုတ်ပေးခဲ့ရတယ်လို့ ဆိုပါတယ်။

အဆိုပါအမျိုးသားဟာ ဒဏ်ရာပြင်းထန်ပြီး စိုးရိမ်ရတဲ့ အခြေအနေမှာ ရှိနေတာကြောင့် အနှိုင်းမဲ့မေတ္တာ လူမှုကူညီရေးအသင်းရဲ့ ကားနဲ့ နေပြည်တော် ခုတင် ၁၀၀၀ ဆေးရုံကြီးကို အရေးပေါ် ပို့ဆောင်ပေးခဲ့ရတယ်လို့ သိရပါတယ်။

မြို့တော် News Channel

ဓာတ်ပုံများ (6)

ဆက်စပ် သတင်းများ

ရွှေဆိုင်ဓားပြတိုက်မှု ရက် ၄၀ အတွင်း ၃ ကြိမ်ဖြစ်ခဲ့ပြီး ခုကြိမ်မှာ သိန်း ၁၂၀၀ ခန့်ပါသွား ရုပ်သံ ပြည်တွင်းသတင်း

ရွှေဆိုင်ဓားပြတိုက်မှု ရက် ၄၀ အတွင်း ၃ ကြိမ်ဖြစ်ခဲ့ပြီး ခုကြိမ်မှာ သိန်း ၁၂၀၀ ခန့်ပါသွား

ရွှေဆိုင်ဓားပြတိုက်မှု ရက် ၄၀ အတွင်း ၃ ကြိမ်ဖြစ်ခဲ့ပြီး ခုကြိမ်မှာ သိန်း ၁၂၀၀ ခန့်ပါသွားတဲ့ သတင်းနဲ့အတူ မြို့တော်ရဲ့ ညစဉ်သတင်း တင်ဆက်မှု…

ကြည့်ရန်
ဘီးလင်းမြို့နယ်မှာ ကားနဲ့ ခရီးသွားနေစဉ် အမျိုးသားတဦး သေနတ်နဲ့ ပစ်ခတ်ခံရ ပြည်တွင်းသတင်း

ဘီးလင်းမြို့နယ်မှာ ကားနဲ့ ခရီးသွားနေစဉ် အမျိုးသားတဦး သေနတ်နဲ့ ပစ်ခတ်ခံရ

မွန်ပြည်နယ်၊ ဘီးလင်းမြို့နယ်၊ တောင်ကြီးကျေးရွာမှာ ကားနဲ့ ခရီးသွားခဲ့တဲ့ အမျိုးသားတဦး အမည်မသိ လူ ၂ ဦးရဲ့ သေနတ်နဲ့ စောင့်ကြိုပစ်ခတ်ခြင်းခံရတယ်လို့ သိရပါတယ်။

ဖတ်ရန်
ပြည်ပလုပ်သားတွေရဲ့ ဘဏ်ငွေလွှဲနှုန်း တိုးမြှင့်လာပေမယ့် ပြင်ပပေါက်ဈေးထက် နည်းနေလို့ နစ်နာမှုတွေ ရှိနေဆဲ အလုပ်သမားရေးရာ

ပြည်ပလုပ်သားတွေရဲ့ ဘဏ်ငွေလွှဲနှုန်း တိုးမြှင့်လာပေမယ့် ပြင်ပပေါက်ဈေးထက် နည်းနေလို့ နစ်နာမှုတွေ ရှိနေဆဲ

ပြည်ပရောက် အလုပ်သားတွေရဲ့ လုပ်ခလစာ ငွေလွှဲနှုန်းကို အမေရိကန် ၁ ဒေါ်လာလျှင် ကျပ် ၄,၆၀၀ အထိ တိုးမြှင့်ပေးမယ်လို့ ပြည်တွင်းပုဂ္ဂလိကဘဏ်အချို့က နိုဝင်ဘာ ၁၉…

ဖတ်ရန်
ကျောက်မဲမြို့မှာ ရွှေဆိုင်ဓားပြတိုက်မှု သုံးကြိမ်မြောက် ဖြစ်ပွားပြီး ငွေကျပ်သိန်း ၁၂၀၀ ခန့် ပါသွား ပြည်တွင်းသတင်း

ကျောက်မဲမြို့မှာ ရွှေဆိုင်ဓားပြတိုက်မှု သုံးကြိမ်မြောက် ဖြစ်ပွားပြီး ငွေကျပ်သိန်း ၁၂၀၀ ခန့် ပါသွား

ရှမ်းပြည်နယ်မြောက်ပိုင်း၊ ကျောက်မဲမြို့၊ ဗဟိုဈေးအနီး ဈေးတောင်ဘက်တိုက်တန်းက 'ရွှေတောင်တန်း' ရွှေဆိုင် ဓားပြတိုက်လုယက်ခံရပြီး ငွေကျပ်သိန်း ၁၂၀၀ ခန့် တန်ဖိုးရှိ ရွှေဆွဲကြိုးတွေ ပါသွားခဲ့တယ်လို့ ဒေသတွင်း…

ဖတ်ရန်