ဆတ်သွား - လယ်ဝေးလမ်းပိုင်း တိုက်ခိုက်မှုအတွင်း ရဲ ၂ ဦးသေဆုံး ၁ ဦး ပြင်းဒဏ်ထန်ရာရရှိကာ သေနတ် ၁ လက်နဲ့ ဆိုင်ကယ် ၂ စီး သိမ်းယူနိုင်ခဲ့

ဆတ်သွား - လယ်ဝေးလမ်းပိုင်း တိုက်ခိုက်မှုအတွင်း ရဲ ၂ ဦးသေဆုံး ၁ ဦး ပြင်းဒဏ်ထန်ရာရရှိကာ သေနတ် ၁ လက်နဲ့ ဆိုင်ကယ် ၂ စီး သိမ်းယူနိုင်ခဲ့

နိုဝင်ဘာ ၅

မကွေးတိုင်း၊ တောင်တွင်းကြီးမြို့နယ်၊ ဆတ်သွား - လယ်ဝေးလမ်းပိုင်းမှာ ကုက္ကိုလ် ရဲစခန်းမှ ရဲ ၆ ဦးကို အောက်တိုဘာလ ၂၈ ရက်နေ့ ညနေ ၅ နာရီခန့်က စောင့်ကြိုပစ်ခတ်ပြီး လက်နက်ခဲယမ်းနဲ့ ဆိုင်ကယ် ၂ စီးကို သိမ်းယူနိုင်ခဲ့တယ်လို့ နေပြည်တော် အမှတ် ၉၀၂ တပ်ရင်း၊ တပ်ခွဲ ၃ (တောင်တွင်းကြီး တပ်ခွဲ) က နိုဝင်ဘာလ ၄ ရက်နေ့မှာ ထုတ်ပြန်ထားပါတယ်။

တိုက်ခိုက်မှုအတွင်း ရဲ ၂ ဦး သေဆုံးပြီး တစ်ဦးမှာ ပြင်းထန်ဒဏ်ရာ ရရှိခဲ့ကာ ရဲတပ်ဖွဲ့ဝင်တွေ ကိုင်ဆောင်တဲ့ MA 3 တစ်လက်၊ ကျည် ၉ တောင့်နဲ့ ဆိုင်ကယ် ၂ စီး သိမ်းဆည်းရရှိခဲ့တယ်လို့ ဆိုပါတယ်။

ကုက္ကိုလ် ရဲစခန်းမှ ရဲတပ်ဖွဲ့ဝင်တွေက တောင်တွင်းကြီးမြို့နယ်၊ ဆတ်သွား ကျေးရွာအနီးမှာ ကင်းပတ်တာ၊ ပေါ်တာဆွဲတာတွေ လုပ်ဆောင်နေတဲ့အတွက် အခုလို တိုက်ခိုက်ခဲ့တာလို့ နေပြည်တော် ၉၀၂ တပ်ရင်းက အသိပေးပါတယ်။

အဆိုပါ တိုက်ခိုက်မှုကို ရိုးမဖိုက်တာ စစ်ကြောင်းမှ အမှတ် (၁) စစ်ဒေသလက်အောက်ရှိ အောင်လံ ပ.က.ဖ၊ သရက်ခရိုင် အမှတ် (၁) တပ်ရင်းနှင့် နေပြည်တော်တိုင်းစစ်ဌာန၊ ဗျူဟာ (၁၇) လက်အောက်ရှိ နေပြည်တော် တပ်ရင်း (၉၀၂)၊ နေပြည်တော်တပ်ရင်း (၈၀၄)၊ မကွေး-တောင်တွင်းကြီး အထူးးပြောက်ကျားတပ်ဖွဲ့နှင့် တောင်တွင်းကြီးမြို့နယ် ပြည်သူ့ကာကွယ်ရေးအဖွဲ့ (ပုဏ္ဏဝတီ)တို့က ပူးပေါင်းလုပ်ဆောင်ခဲ့တာဖြစ်တယ်လို့ သိရပါတယ်။

မြို့တော် News Channel