အရေးပေါ်
ပြည်တွင်းသတင်း

တောင်ဒဂုံ ၅၅ ရပ်ကွက်မှာ လူငယ်တွေကို ရိုက်နှက်ဖမ်းဆီးပြီး စစ်မှုထမ်းအတွက် သိန်း ၈၀ နဲ့ ပြန်ရောင်းစားနေ

၂၀၂၆ နိုဝင်ဘာ ၁၉ Myo Taw
တောင်ဒဂုံ ၅၅ ရပ်ကွက်မှာ လူငယ်တွေကို ရိုက်နှက်ဖမ်းဆီးပြီး စစ်မှုထမ်းအတွက် သိန်း ၈၀ နဲ့ ပြန်ရောင်းစားနေ

တောင်ဒဂုံ ၅၅ ရပ်ကွက်မှာ လူငယ်တွေကို ရိုက်နှက်ဖမ်းဆီးပြီး စစ်မှုထမ်းအတွက် သိန်း ၈၀ နဲ့ ပြန်ရောင်းစားနေ

နိုဝင်ဘာ ၁၉

ရန်ကုန်တိုင်း၊ တောင်ဒဂုံမြို့နယ်၊ ၅၅ ရပ်ကွက်မှာ အာဏာသိမ်းစစ်တပ် တပ်ဖွဲ့ဝင်တွေနဲ့ ရပ်ကွက်အုပ်ချုပ်ရေးမှူးတို့ပေါင်းပြီး စစ်မှုထမ်း လူစားထိုးရောင်းစားဖို့ လူငယ်တွေကို အရပ်ဝတ်နဲ့ လိုက်လံရိုက်နှက်ကာ ဖမ်းဆီးနေကြတယ်လို့ ဒေသခံတွေဆီက သိရပါတယ်။

၅၅ ရပ်ကွက်ထဲမှာ အရပ်သားယောင်ဆောင် အာဏာသိမ်းစစ်တပ် တပ်ဖွဲ့ဝင် ဇော်ဖြိုး ဆိုသူဟာ ရပ်ကွက်အုပ်ချုပ်ရေးမှူးနဲ့ ပေါင်းပြီး ညနေ ၆ နာရီကျော်တိုင်း Mark II အဖြူရောင် 9D-2807 နဲ့ Taxi Probox AA-6817 ကားတွေနဲ့ လိုက်လံဖမ်းဆီးနေတာ ဖြစ်တယ်လို့ သိရပါတယ်။

"တောင်ဒဂုံအပြင် ဒဂုံဆိပ်ကမ်း၊ မြောက်ဒဂုံနဲ့ အရှေ့ဒဂုံဘက်က လူသွားလူလာပြတ်တဲ့ နေရာတွေ၊ ကားဂိတ်မှာ ကားစောင့်နေတဲ့ လူငယ်တွေနဲ့ စက်ဘီးစီးပြန်လာတဲ့ လူငယ်တွေကို သူတို့က ရဲတွေလို့ပြောပြီး အတင်းရိုက်နှက် ကားပေါ်ဆွဲတင် ဖမ်းနေကြတာပါ" လို့ ဒေသခံတဦးက မြို့တော်ကို ပြောပါတယ်။

ဖမ်းထားတဲ့ လူငယ်တွေကို ဘားတိုက်ထဲမှာ ထိန်းသိမ်းထားပြီး လူဝယ်ချင်တဲ့ တခြားရပ်ကွက်အုပ်ချုပ်ရေးမှူးတွေနဲ့ ချိတ်ဆက်ရောင်းနေသလို ပြီးခဲ့တဲ့ အောက်တိုဘာလတုန်းကလည်း လူငယ် ၅ ယောက်ကို တစ်ယောက် ကျပ်သိန်း ၈၀ နဲ့ ဧရာဝတီတိုင်းဘက် ရောင်းစားခဲ့တယ်လို့ သိရပါတယ်။

"အဲဒီအဖွဲ့က ရပ်ကွက်ထဲမှာ WY ဆေးပြားတွေကို ပေါ်တင်ရောင်းသုံးနေပြီး ဆေးလာဝယ်တဲ့ လူငယ်တချို့ကိုလည်း ပြန်ဖမ်းနေတော့ ရပ်ကွက်ထဲမှာ လုံခြုံမှုကို မရှိတော့ဘူး" လို့ ဒေသခံတဦးက ပြောပါတယ်။

အလားတူ ပြီးခဲ့တဲ့ နိုဝင်ဘာလ ၁၀ ရက် ည ၁၀ နာရီခန့်က စမ်းချောင်းမြို့နယ်၊ စမ်းချောင်း (တောင်) ရပ်ကွက်၊ ဆီဆုံလမ်းထဲမှာ အာဏာသိမ်းစစ်တပ် တပ်ဖွဲ့ဝင်တွေနဲ့ ရပ်ကွက်အုပ်ချုပ်ရေးမှူးတို့အဖွဲ့ဟာ ဧည့်စာရင်းဝင်စစ်ပြီးအပြန်မှာ စည်ပင်ရုံ အမှိုက်ကန်ဘက် လမ်းလျှောက်နေတဲ့ စည်ပင်ဝန်ထမ်း ၁ ဦးကို ဖမ်းဆီးခေါ်ဆောင်သွားခဲ့သလို နိုဝင်ဘာလ ၉ ရက်နေ့ကလည်း စမ်းချောင်း (တောင်) ရပ်ကွက်ထဲ ဧည့်စာရင်း ဝင်စစ်ခဲ့ပြီး လူ ၁ ဦးကို ဖမ်းဆီးခေါ်ဆောင်သွားခဲ့တယ်လို့ Rangoon Scout Network က ဖော်ပြထားပါတယ်။

ဒါ့အပြင် နိုဝင်ဘာလ ၁၀ ရက် ည ၁၀ နာရီခန့်ကလည်း လှိုင်မြို့နယ်၊ ၁၆ ရပ်ကွက်၊ မာလာမြိုင် ၁၀ လမ်းထဲမှာ အသက် ၂၈ နှစ်အရွယ် အမျိုးသား ၁ ဦးကို ဖမ်းဆီးခေါ်ဆောင်သွားခဲ့သလို မာလာမြိုင် ၇၊ ၈၊ ၉ လမ်းတွေထဲကို လိုက်လံစစ်ဆေးခဲ့ပြီး စုစုပေါင်း အမျိုးသား လူငယ် ၆ ဦးခန့်ကို ဖမ်းဆီးခေါ်ဆောင် သွားခဲ့တယ်လို့ သိရပါတယ်။

မြို့တော် News Channel

ဓာတ်ပုံများ (4)

ဆက်စပ် သတင်းများ

ရွှေဆိုင်ဓားပြတိုက်မှု ရက် ၄၀ အတွင်း ၃ ကြိမ်ဖြစ်ခဲ့ပြီး ခုကြိမ်မှာ သိန်း ၁၂၀၀ ခန့်ပါသွား ရုပ်သံ Daily NEWS

ရွှေဆိုင်ဓားပြတိုက်မှု ရက် ၄၀ အတွင်း ၃ ကြိမ်ဖြစ်ခဲ့ပြီး ခုကြိမ်မှာ သိန်း ၁၂၀၀ ခန့်ပါသွား

ရွှေဆိုင်ဓားပြတိုက်မှု ရက် ၄၀ အတွင်း ၃ ကြိမ်ဖြစ်ခဲ့ပြီး ခုကြိမ်မှာ သိန်း ၁၂၀၀ ခန့်ပါသွားတဲ့ သတင်းနဲ့အတူ မြို့တော်ရဲ့ ညစဉ်သတင်း တင်ဆက်မှု…

ကြည့်ရန်
ဘီးလင်းမြို့နယ်မှာ ကားနဲ့ ခရီးသွားနေစဉ် အမျိုးသားတဦး သေနတ်နဲ့ ပစ်ခတ်ခံရ ပြည်တွင်းသတင်း

ဘီးလင်းမြို့နယ်မှာ ကားနဲ့ ခရီးသွားနေစဉ် အမျိုးသားတဦး သေနတ်နဲ့ ပစ်ခတ်ခံရ

မွန်ပြည်နယ်၊ ဘီးလင်းမြို့နယ်၊ တောင်ကြီးကျေးရွာမှာ ကားနဲ့ ခရီးသွားခဲ့တဲ့ အမျိုးသားတဦး အမည်မသိ လူ ၂ ဦးရဲ့ သေနတ်နဲ့ စောင့်ကြိုပစ်ခတ်ခြင်းခံရတယ်လို့ သိရပါတယ်။

ဖတ်ရန်
ပြည်ပလုပ်သားတွေရဲ့ ဘဏ်ငွေလွှဲနှုန်း တိုးမြှင့်လာပေမယ့် ပြင်ပပေါက်ဈေးထက် နည်းနေလို့ နစ်နာမှုတွေ ရှိနေဆဲ အလုပ်သမားရေးရာ

ပြည်ပလုပ်သားတွေရဲ့ ဘဏ်ငွေလွှဲနှုန်း တိုးမြှင့်လာပေမယ့် ပြင်ပပေါက်ဈေးထက် နည်းနေလို့ နစ်နာမှုတွေ ရှိနေဆဲ

ပြည်ပရောက် အလုပ်သားတွေရဲ့ လုပ်ခလစာ ငွေလွှဲနှုန်းကို အမေရိကန် ၁ ဒေါ်လာလျှင် ကျပ် ၄,၆၀၀ အထိ တိုးမြှင့်ပေးမယ်လို့ ပြည်တွင်းပုဂ္ဂလိကဘဏ်အချို့က နိုဝင်ဘာ ၁၉…

ဖတ်ရန်
ကျောက်မဲမြို့မှာ ရွှေဆိုင်ဓားပြတိုက်မှု သုံးကြိမ်မြောက် ဖြစ်ပွားပြီး ငွေကျပ်သိန်း ၁၂၀၀ ခန့် ပါသွား ပြည်တွင်းသတင်း

ကျောက်မဲမြို့မှာ ရွှေဆိုင်ဓားပြတိုက်မှု သုံးကြိမ်မြောက် ဖြစ်ပွားပြီး ငွေကျပ်သိန်း ၁၂၀၀ ခန့် ပါသွား

ရှမ်းပြည်နယ်မြောက်ပိုင်း၊ ကျောက်မဲမြို့၊ ဗဟိုဈေးအနီး ဈေးတောင်ဘက်တိုက်တန်းက 'ရွှေတောင်တန်း' ရွှေဆိုင် ဓားပြတိုက်လုယက်ခံရပြီး ငွေကျပ်သိန်း ၁၂၀၀ ခန့် တန်ဖိုးရှိ ရွှေဆွဲကြိုးတွေ ပါသွားခဲ့တယ်လို့ ဒေသတွင်း…

ဖတ်ရန်