မကွေးတိုင်း၊ ပွင့်ဖြူမြို့နယ်၊ ရေပုတ်ကြီးကျေးရွာနဲ့ ကျောင်းကုန်းကြီးကျေးရွာကြားမှာ ပျူစောထီး အဖွဲ့ဝင်တွေ မောင်းလာတဲ့ သုံးဘီးဆိုင်ကယ်ကို ရပ်တန့်စစ်ဆေးရာက အပြန်အလှန်ပစ်ခတ်မှု ဖြစ်ပွားခဲ့ပြီး သုံးဘီးပေါ်ပါလာတဲ့ အမျိုးသမီး ၁ ဦး သေဆုံးကာ ၁ ဦး ထိခိုက်ဒဏ်ရာ ရခဲ့တယ်လို့ သိရပါတယ်။
ဩဂုတ်လ ၂၉ ရက် ဒီကနေ့မနက်ပိုင်း ၇ နာရီခန့်က ရေပုတ်ကြီးကျေးရွာက ပျူစောထီး ငကျန်ဆိုသူရဲ့ သားဖြစ်သူဟာ ရေပုတ်ကြီးရွာကနေ ကျောင်းကုန်းကြီးရွာကို ခရီးသည်တွေနဲ့အတူ သုံးဘီးဆိုင်ကယ်နဲ့ ထွက်လာစဥ် လမ်းခုလတ်မှာ တော်လှန်ရေးတပ်ဖွဲ့တွေက ရပ်တန့်ရန် တားဆီးရာက အပြန်အလှန် ပစ်ခတ်မှုဖြစ်ခဲ့တာလို့ သိရပါတယ်။
"ပျူခေါင်းဆောင် ငကျန်ရဲ့သားနဲ့ PDF နဲ့ဖြစ်တာ။ တော်လှန်ရေးတပ် PDF တွေက သုံးဘီးကိုတားပြီး စစ်တာ။ သုံးဘီးက ခဏရပ်ပြီး မောင်းပြေးသွားတာ။ မောင်းပြေးတဲ့သုံးဘီးကို နောက်ကနေ သေနတ်နဲ့လှမ်းပစ်တော့ သုံးဘီးသမားက အောက်ဆင်းပြီး ကိုင်းတောထဲကနေ လက်ပစ်ဗုံးနဲ့ ပြန်ပစ်တာ။ နှစ်ဖက်ပစ်ခတ်တာနဲ့ သုံးဘီးပေါ်က လူတွေ ထိကုန်တယ်" လို့ ဒေသခံတဦးက ပြောပါတယ်။
အပြန်အလှန် ပစ်ခတ်မှုကြောင့် ရေပုတ်ကြီးကျေးရွာ(စရစ်ဝိုင်းလေးတို့ရွာ)သူ အသက် ၄၀ ကျော် အမျိုးသမီး ၁ ဦး နေရာမှာတင် ပွဲချင်းပြီး သေဆုံးခဲ့ကာ ကျန်အမျိုးသမီး ၁ ဦးလည်း ထိခိုက်ဒဏ်ရာ ပြင်းထန်ရခဲ့တယ်လို့ သိရပါတယ်။
ထိခိုက်ဒဏ်ရာရသူတွေကို ပွင့်ဖြူဆေးရုံကို အရေးပေါ် တင်ခဲ့ကြရတယ်လို့ သိရပြီး ရေပုတ်ကြီးကျေးရွာဟာ အာဏာသိမ်းစစ်တပ်လက်အောက်ခံ ပျူစောထီးတွေနဲ့ စစ်သားတွေ ဝင်ရောက်နေထိုင်နေကြတဲ့ ကျေးရွာဖြစ်တယ်လို့လည်း သိရပါတယ်။
မှုခင်းသတင်း
ရှမ်းပြည်နယ်တောင်ပိုင်း၊ ပအိုဝ်းကိုယ်ပိုင်အုပ်ချုပ်ခွင့်ရဒေသ ဟိုပုံးမြို့မှာ ဘိန်းစာရွက်ပြုတ်ရည် သုံးစွဲသူ များနေပြီး အများစုက ဆယ်ကျော်သက်လူငယ်တွေ ဖြစ်နေလို့ ဖမ်းဆီးမှုတွေ လုပ်နေရတယ်လို့ သိရပါတယ်။
မှုခင်းသတင်း
မွန်ပြည်နယ်၊ မော်လမြိုင်မြို့၊ မရမ်းကုန်းရပ်ကွက် ကမ်းနားလမ်းရှိ 'ကိုကိုနှင့်ညီညီ' လျှပ်စစ်ပစ္စည်းဆိုင်တဆိုင် ဓားပြတိုက်ခံရတယ်လို့ သိရပါတယ်။
မှုခင်းသတင်း
ရန်ကုန်တိုင်း၊ မြောက်ဥက္ကလာပမြို့နယ်၊ ရွှေပေါက်ကံမြို့သစ်မှာ ညနေကျောင်းဆင်းချိန် Grade-3 ကျောင်းသား ကလေးငယ်ကိုကျောင်းကြိုကာ ဘတ္ထရီစက်ဘီးစီးလာတဲ့ သားအမိနှစ်ယောက် စက်ဘီးလဲရာက နောက်ကကားမှ ကြိတ်ခံလိုက်ရတဲ့ဖြစ်စဉ် ဖြစ်ပွားခဲ့တယ်လို့ သိရပါတယ်။
မှုခင်းသတင်း
မန္တလေးတိုင်း၊ ဝမ်းတွင်းမြို့နယ်မှာ တောင်ယာလုပ်ကိုင်နေတဲ့ လူငယ်အမျိုးသားတဦး သြဂုတ် ၂၇ ရက်နေ့က ဖမ်းဆီးခံခဲ့ရတယ်လို့ သိရပါတယ်။
