အရေးပေါ်
နိုင်ငံတကာသတင်း

ကင်ဂျုံအန်း ကိုယ်အလေးချိန် ပေါင် ၃၀၀ ကျော်နေပြီး နှလုံးသွေးကြောရောဂါ ဖြစ်လာနိုင်ခြေ အလွန်မြင့်မားတယ်လို့ဆို

၂၀၂၆ အောက်တိုဘာ ၁ Myo Taw
ကင်ဂျုံအန်း ကိုယ်အလေးချိန် ပေါင် ၃၀၀ ကျော်နေပြီး နှလုံးသွေးကြောရောဂါ ဖြစ်လာနိုင်ခြေ အလွန်မြင့်မားတယ်လို့ဆို

ကင်ဂျုံအန်း ကိုယ်အလေးချိန် ပေါင် ၃၀၀ ကျော်နေပြီး နှလုံးသွေးကြောရောဂါ ဖြစ်လာနိုင်ခြေ အလွန်မြင့်မားတယ်လို့ဆို

အောက်တိုဘာ ၁

မြောက်ကိုရီးယားခေါင်းဆောင် ကင်ဂျုံအန်း ဟာ လက်ရှိမှာ ကိုယ်အလေးချိန် ပေါင် ၃၀၀ ကျော် ရှိနေပြီး အလွန်အမင်း အဝလွန်နေတဲ့အခြေအနေမှာ ရှိနေတယ်လို့ တောင်ကိုရီးယား ထောက်လှမ်းရေးအေဂျင်စီက စက်တင်ဘာလ ၃၀ ရက်မှာ ထုတ်ဖော်ပြောဆိုလိုက်ပါတယ်။

ဆေးလိပ်ကို အလွန်အကျွံ သောက်တတ်တဲ့ ကင်ဂျုံအန်းဟာ နှလုံးနဲ့ သွေးကြောဆိုင်ရာ ရောဂါတွေ ဖြစ်လာနိုင်ခြေ အလွန်မြင့်မားနေပေမဲ့ လှေကားတက်တာအပါအဝင် သာမန်လှုပ်ရှားမှုတွေကိုတော့ အခက်အခဲမရှိ လုပ်ဆောင်နိုင်ဆဲ ဖြစ်တယ်လို့ တောင်ကိုရီးယား လွှတ်တော်အမတ် ယွန်းကွန်ယောင်းက ထောက်လှမ်းရေး အချက်အလက်တွေကို ကိုးကားပြီး ပြောပါတယ်။

ဒါ့အပြင် ကင်ဂျုံအန်းကို သီးသန့်ဆေးဘက်ဆိုင်ရာအဖွဲ့က အနီးကပ်စောင့်ကြည့်နေတဲ့အတွက် လက်ရှိမှာ သိသာတဲ့ ကျန်းမာရေးပြဿနာ လက္ခဏာတွေ မတွေ့ရဘူးလို့ ဆိုပါတယ်။

ကင်ဂျုံအန်းရဲ့ ကျန်းမာရေးနဲ့ပတ်သက်ပြီး ၂၀၂၀ ခုနှစ်ကလည်း စိုးရိမ်မှုတွေ မြင့်တက်ခဲ့ပါတယ်။ အဲဒီအချိန်က ကင်ဂျုံအန်းဟာ အဖိုးဖြစ်သူ ကင်အီလ်ဆွန်း ရဲ့ မွေးနေ့အထိမ်းအမှတ် အခမ်းအနားကို မတက်ရောက်ဘဲ ရက် ၂၀ ခန့် လူမြင်ကွင်းကနေ ပျောက်ကွယ်သွားခဲ့တာကြောင့် ကျန်းမာရေးအခြေအနေ ဆိုးရွားနေတယ်ဆိုတဲ့ ခန့်မှန်းချက်တွေ ထွက်ပေါ်ခဲ့တာပါ။

ကင်ဂျုံအန်းရဲ့ ဖခင် ကင်ဂျုံအီလ် နဲ့ အဘိုးဖြစ်သူ ကင်အီလ်ဆွန်းတို့ဟာလည်း အဝလွန်ပြီး ဆေးလိပ်သောက်သူတွေဖြစ်ကြပြီး နှလုံးရောဂါနဲ့ပဲ သေဆုံးခဲ့ကြတာ ဖြစ်ပါတယ်။

နျူကလီးယားလက်နက် ပိုင်ဆိုင်ထားတဲ့ မြောက်ကိုရီးယားမှာ ခေါင်းဆောင်ဖြစ်သူ ရုတ်တရက် ကွယ်လွန်သွားခဲ့ရင် အာဏာဆက်ခံမှုနဲ့ နိုင်ငံတည်ငြိမ်ရေးဆိုင်ရာ ပြဿနာတွေ အကြီးအကျယ် ပေါ်ပေါက်လာနိုင်တာကြောင့် ကင်ဂျုံအန်းရဲ့ ကျန်းမာရေးကို နိုင်ငံတကာက အမြဲတစေ စောင့်ကြည့်နေကြတာလည်း ဖြစ်ပါတယ်။

နိုင်ငံတကာရဲ့ ပိတ်ဆို့အရေးယူမှုတွေနဲ့ စီးပွားရေးအခက်အခဲတွေကြောင့် မြောက်ကိုရီးယားပြည်သူတွေဟာ ကာလရှညကြာ စားနပ်ရိက္ခာပြတ်လပ်မှုဒဏ်ကို အပြင်းအထန် ခံစားနေရပေမဲ့ ကင်ဂျုံအန်းကတော့ ကာဗီယာငါးဥ၊ ကျောက်ပုစွန်နဲ့ ငန်းအသည်း (Foie gras) လိုမျိုး အလွန်ဈေးကြီးပြီး တန်ဖိုးကြီးတဲ့ အစားအသောက်တွေကို အထူးတလည် နှစ်ခြိုက်စွာ စားသုံးလေ့ရှိကြောင်း ကင်ဂျုံအန်းရဲ့ စားဖိုမှူးတွေနဲ့ လက်တွဲလုပ်ကိုင်ခဲ့ဖူးတဲ့ စားဖိုမှူး ပေါလ် စမတ်က ပြောဆိုခဲ့ဖူးပါတယ်။

Ref & Photo: The Japan Times

မြို့တော် News Channel

ဓာတ်ပုံများ (1)

ဆက်စပ် သတင်းများ

ဆယ်လီတဦးကို အရူးအမူး စွဲလမ်းနေတဲ့ ပရိသတ် အိမ်ထဲအတင်းဝင်ပြီး လက်ထပ်ခွင့်တောင်းရာက ရိုက်နှက်ခံရလို့ သေဆုံး နိုင်ငံတကာသတင်း

ဆယ်လီတဦးကို အရူးအမူး စွဲလမ်းနေတဲ့ ပရိသတ် အိမ်ထဲအတင်းဝင်ပြီး လက်ထပ်ခွင့်တောင်းရာက ရိုက်နှက်ခံရလို့ သေဆုံး

အိန္ဒိယနိုင်ငံမှာ နာမည်ကြီး လူမှုကွန်ရက် ဆယ်လီတစ်ဦးရဲ့ နေအိမ်ထဲကို ကျူးကျော်ဝင်ရောက်ပြီး လက်ထပ်ခွင့်တောင်းခဲ့တဲ့ အစွဲအလမ်းကြီးတဲ့ ပရိသတ်တဦးဟာ ဆယ်လီရဲ့ မိသားစုဝင်တွေနဲ့ အိမ်နီးချင်းတွေရဲ့ ဝိုင်းဝန်းရိုက်နှက်မှုကြောင့် သေဆုံးသွားခဲ့ပါတယ်။

ဖတ်ရန်
ကမ္ဘာ့အင်အားကြီး ၃ နိုင်ငံရဲ့ သမိုင်းဝင်တွေ့ဆုံမှု ပုံရိပ်ပိုင်း အားကောင်းပေမဲ့ ရလဒ်ပိုင်း အားနည်း နိုင်ငံတကာသတင်း

ကမ္ဘာ့အင်အားကြီး ၃ နိုင်ငံရဲ့ သမိုင်းဝင်တွေ့ဆုံမှု ပုံရိပ်ပိုင်း အားကောင်းပေမဲ့ ရလဒ်ပိုင်း အားနည်း

ကမ္ဘာ့အင်အားကြီး ၃ နိုင်ငံဖြစ်တဲ့ တရုတ်၊ အမေရိကန်နဲ့ ရုရှားခေါင်းဆောင်တွေ စားပွဲအဝိုင်းကြီးတခုမှာ အတူထိုင်နေတဲ့ မြင်ကွင်းဟာ ၂၁ ရာစု သံတမန်ရေးရာ သမိုင်းမှာ မှတ်တမ်းဝင်ကျန်ရစ်မယ့်…

ဖတ်ရန်
ကျန်းမာရေးမကောင်းတဲ့ ပြည်သူ့စစ်မှုထမ်း တပ်သား ၁ ဦး မတရားခိုင်းစေခံရမှုကြောင့် သေဆုံး ပြည်တွင်းသတင်း

ကျန်းမာရေးမကောင်းတဲ့ ပြည်သူ့စစ်မှုထမ်း တပ်သား ၁ ဦး မတရားခိုင်းစေခံရမှုကြောင့် သေဆုံး

ဧရာဝတီတိုင်း၊ ပုသိမ်ခရိုင်၊ သာပေါင်းမြို့နယ်မှာ ကျန်းမာရေးမကောင်းတဲ့ စစ်မှုထမ်းတပ်သားသစ်ကို အလုပ်ကြမ်းခိုင်းစေရာက သေဆုံးခဲ့တယ်လို့ သိရပါတယ်။

ဖတ်ရန်
မလေးရှားရောက် ရိုဟင်ဂျာဒုက္ခသည် ၁၀,၀၀၀ ကို တူရကီနိုင်ငံမှာ ပြန်လည်အခြေချနေထိုင်ခွင့်ပေးဖို့ အစိုးရအဖွဲ့ သဘောတူ နိုင်ငံတကာသတင်း

မလေးရှားရောက် ရိုဟင်ဂျာဒုက္ခသည် ၁၀,၀၀၀ ကို တူရကီနိုင်ငံမှာ ပြန်လည်အခြေချနေထိုင်ခွင့်ပေးဖို့ အစိုးရအဖွဲ့ သဘောတူ

မလေးရှားနိုင်ငံမှာ နေထိုင်နေကြတဲ့ ရိုဟင်ဂျာဒုက္ခသည် ၁၀,၀၀၀ ကို တူရကီနိုင်ငံသို့ ပြန်လည်နေရာချထားနိုင်ဖို့အတွက် အဆိုပြုချက်ကို မလေးရှားအစိုးရအဖွဲ့က သဘောတူလိုက်တယ်လို့ မလေးရှား ဒုတိယဝန်ကြီးချုပ်နှင့် ကျေးလက်ဒေသနှင့် ဒေသဖွံ့ဖြိုးရေးဝန်ကြီး…

ဖတ်ရန်