ထိုင်းကို ရောက်ရှိနေတဲ့ အာဏာသိမ်း စစ်ခေါင်းဆောင် မင်းအောင်လှိုင်ကို ဆန္ဒပြ

ထိုင်းကို ရောက်ရှိနေတဲ့ အာဏာသိမ်း စစ်ခေါင်းဆောင် မင်းအောင်လှိုင်ကို ဆန္ဒပြ

ဩဂုတ် ၆

ထိုင်းနိုင်ငံသို့ ရောက်ရှိနေတဲ့ အာဏာသိမ်း စစ်ခေါင်းဆောင် မင်းအောင်လှိုင်ကို ထိုင်းနိုင်ငံရောက် မြန်မာပြည်သူတွေနှင့် လူ့အခွင့်အရေး တက်ကြွလှုပ်ရှားသူတွေဟာ ဩဂုတ်လ ၆ ရက် ဒီကနေ့ မွန်းလွဲပိုင်းမှာ ဘန်ကောက်မြို့ရှိ ကုလသမဂ္ဂရုံးရှေ့မှာ ကန့်ကွက်ဆန္ဒပြခဲ့ကြတယ်လို့ သိရပါတယ်။

အဆိုပါ ကန့်ကွက် ဆန္ဒပြပွဲမှာ “ မအလ မင်းလို ရာဇဝတ်ကောင်ကို ငါတို့ မကြိုဆိုပါ” ၊ “ စစ်ခေါင်းဆောင်တွေ ကျဆုံးရေး”၊ “ဖက်ဒရယ် ဒီမိုကရေစီ ရရှိရေး” စတဲ့ ကြွေးကြော်သံတွေနဲ့ ဆန္ဒပြ တောင်းဆိုခဲ့ကြတယ်လို့ သိရပါတယ်။

အာဏာသိမ်း စစ်ခေါင်းဆောင် မင်းအောင်လှိုင်ရဲ့ ၂ ရက်တာ ထိုင်းနိုင်ငံ ခရီးစဉ်ကို ကန့်ကွက်ကြောင်း ထိုင်းအရပ်ဖက် အဖွဲ့အစည်း ၁၆ ခုက ပူးတွဲ ကြေညာချက် ထုတ်ပြန်ခဲ့ပါတယ်။

နှစ်နိုင်ငံကြား ဆွေးနွေးပူးပေါင်းရမယ့် ကိစ္စရပ်တွေအဖြစ် နယ်စပ်လုံခြုံရေး၊ နယ်စပ်ဖြတ်ကျော် ရာဇဝတ်မှုတွေ နှိမ်နင်းရေး၊ အွန်လိုင်းငွေလိမ်ဂိုဏ်းတွေနှင့် ရေထု၊ လေထု ညစ်ညမ်းမှုတို့ အပါအဝင် နယ်စပ်ဒေသကိစ္စရပ်တွေ ဖြစ်တယ်လို့ ထိုင်းနိုင်ငံ၏ ဒုတိယဝန်ကြီးချုပ်နှင့် နိုင်ငံခြားရေးဝန်ကြီးဖြစ်သူ မစ္စတာ စိဟာစက် က ပြောပါတယ်။

နယ်စပ်ဖြတ်ကျော် မီးခိုးမြူညစ်ညမ်းမှု ပြဿနာကို ဖြေရှင်းရာမှာ လက်တွေ့လုပ်ဆောင်ချက်တွေနဲ့ သက်သေပြဖို့ လိုအပ်ကြောင်း မစ္စတာ စိဟာစက် က ထောက်ပြပြီး၊ အာဏာသိမ်း အစိုးရရဲ့ နိုင်ငံခြားရေးဝန်ကြီး နှင့်အတူ အဆိုပါဒေသသို့ အတူတကွ သွားရောက်ကြည့်ရှုဖို့ ရှိတယ်လို့ သိရပါတယ်။

စိဟာစက် က မင်းအောင်လှိုင်ဟာ ဆက်ဆံရေးတိုးမြှင့်ဖို့နှင့် မြန်မာနိုင်ငံကို အာဆီယံသို့ ပြန်လည်ခေါ်ဆောင်ပေးနိုင်ရေး တွန်းအားပေးဖို့အတွက် ထိုင်းနိုင်ငံသို့ လာရောက် လည်ပတ်တာဖြစ်တယ်လို့ ကြေညာခဲ့ပါတယ်။ ဒေါ်အောင်ဆန်းစုကြည် နဲ့ ICRC ဌာနေ ကိုယ်စားလှယ် တွေ့ဆုံမှုကို ကြိုဆိုပြီး အာဆီယံ ကိုယ်စားလှယ်တွေ ဝင်ရောက်ဖို့ လမ်းခင်းပေးနိုင်မယ်လို့ မျှော်လင့်ကြောင်းလည်း ပြောဆိုခဲ့ပါတယ်။

Photo - The Reoprters

မြို့တော် News Channel