‘Spider-Man: Brand New Day’ ရုပ်ရှင်ရုံဝင်ငွေ ထိပ်ဆုံးမှာ ၆ ပတ်ဆက်တိုက် ရပ်တည်

‘Spider-Man: Brand New Day’ ရုပ်ရှင်ရုံဝင်ငွေ ထိပ်ဆုံးမှာ ၆ ပတ်ဆက်တိုက် ရပ်တည်

စက်တင်ဘာ ၇

“Spider-Man: Brand New Day” ဇာတ်ကားဟာ အမေရိကန်နဲ့ ကနေဒါ ရုပ်ရှင်ရုံဈေးကွက်မှာ ဝင်ငွေအမြင့်ဆုံးနေရာကို ၆ ပတ်ဆက်တိုက် ရယူနိုင်ခဲ့ပြီး ဒီဆယ်စုနှစ်အတွင်း အခုလို အောင်မြင်မှုရတဲ့ ဒုတိယမြောက်ဇာတ်ကား ဖြစ်လာပါတယ်။

ဆိုနီ (Sony) ထုတ်လုပ်တဲ့ ဒီဇာတ်ကားဟာ အခုသီတင်းပတ်ကုန်မှာ အမေရိကန်ပြည်တွင်း ဝင်ငွေ ဒေါ်လာ ၁၈ သန်း ရရှိခဲ့ပြီး ကမ္ဘာတစ်ဝန်း စုစုပေါင်းဝင်ငွေကတော့ ဒေါ်လာ ၂ ဒသမ ၄ ဘီလီယံ ရှိလာပါတယ်။

ဒုတိယနေရာမှာတော့ ခရစ္စတိုဖာ နိုလန် (Christopher Nolan) ရိုက်ကူးတဲ့ “The Odyssey” က ရပ်တည်နေပြီး အမေရိကန်ပြည်တွင်း ဝင်ငွေ ဒေါ်လာ ၁၃ သန်း၊ ကမ္ဘာတစ်ဝန်း စုစုပေါင်း ဒေါ်လာ ၁ ဒသမ ၆၃ ဘီလီယံ ရရှိထားပါတယ်။

ဒီဇာတ်ကားနှစ်ကားရဲ့ အောင်မြင်မှုအပါအဝင် ဒီနှစ်နွေရာသီ ဟောလိဝုဒ်ရုပ်ရှင်ဈေးကွက်ဟာ ကိုဗစ်ကပ်ရောဂါနောက်ပိုင်း အကောင်းဆုံးအခြေအနေကို ရောက်ရှိလာပါတယ်။

ဩဂုတ် ၃၁ ရက်နေ့အထိ အမေရိကန်ပြည်တွင်း နွေရာသီကာလ ရုပ်ရှင်ရုံဝင်ငွေဟာ ဒေါ်လာ ၄ ဒသမ ၆ ဘီလီယံ ရှိပြီး ၂၀၂၅ ခုနှစ်ထက် ၂၆ ဒသမ ၁ ရာခိုင်နှုန်း မြင့်တက်လာပါတယ်။ Labor Day အားလပ်ရက်ကာလအထိဆိုရင် ဒေါ်လာ ၄ ဒသမ ၇၅၉ ဘီလီယံအထိ ရောက်နိုင်တယ်လို့ Rentrak က ခန့်မှန်းထားပါတယ်။

Ref & Photo; AP

မြို့တော် News Channel