ကြားဖြတ်ရွေးကောက်ပွဲမှာ ရီပတ်ဘလစ်ကန် အနိုင်ရရင် အရွယ်ရောက်ပြီးသူ အမေရိကန်တိုင်းကို ဒေါ်လာ ၅,၀၀၀ ပေးမယ်လို့ ထရမ့်ပြော

ကြားဖြတ်ရွေးကောက်ပွဲမှာ ရီပတ်ဘလစ်ကန် အနိုင်ရရင် အရွယ်ရောက်ပြီးသူ အမေရိကန်တိုင်းကို ဒေါ်လာ ၅,၀၀၀ ပေးမယ်လို့ ထရမ့်ပြော

စက်တင်ဘာ ၁၀

အမေရိကန်သမ္မတ ဒေါ်နယ်ထရမ့်က လာမယ့်နိုဝင်ဘာ ၃ ရက်နေ့ ကြားဖြတ်ရွေးကောက်ပွဲမှာ ရီပတ်ဘလစ်ကန်ပါတီက အနိုင်ရပြီး လွှတ်တော်ကို ဆက်လက်ထိန်းထားချုပ်နိုင်ရင် အရွယ်ရောက်ပြီးတဲ့ အမေရိကန်တိုင်းကို ဒေါ်လာ ၅,၀၀၀ ပေးမယ်လို့ ပြောဆိုလိုက်ပါတယ်။

ဒါလက်စ်မြို့မှာ စက်တင်ဘာ ၉ ရက်နေ့ကစတင် ကျင်းပနေတဲ့ ရီပတ်ဘလစ်ကန်ပါတီရဲ့ ကြားဖြတ်ရွေးကောက်ပွဲဆိုင်ရာ ညီလာခံမှာ ထရမ့်က အခုလို ပြောဆိုခဲ့တာဖြစ်ပါတယ်။

အမေရိကန်မှာ အရွယ်ရောက်ပြီးသူ သန်း ၂၇၀ ခန့်ရှိတာကြောင့် အဆိုပါအစီအစဉ်ကို အကောင်အထည်ဖော်မယ်ဆိုရင် ကုန်ကျစရိတ် ဒေါ်လာ ၁ ဒသမ ၃၅ ထရီလီယံခန့် ရှိနိုင်တယ်လို့ ဆိုပါတယ်။ ဒါပေမဲ့ ငွေကြေးကို ဘယ်လိုပေးမလဲဆိုတာနဲ့ ဥပဒေအရ ခွင့်ပြုနိုင်ခြင်း ရှိ၊ မရှိဆိုတာကိုတော့ ထရမ့်က အသေးစိတ်ပြောဆိုခြင်း မရှိသေးပါဘူး။

ထရမ့်က ရွေးကောက်ပွဲမတိုင်မီ ၈ ပတ်အတွင်း အရေးကြီးတဲ့ ပြည်နယ်နဲ့ မဲဆန္ဒနယ်တွေကို သွားရောက်မဲဆွယ်မယ်လို့ ပြောဆိုထားပြီး သူ့ကို မဲစာရင်းထဲမှာ ပါဝင်တဲ့ ကိုယ်စားလှယ်လောင်းတစ်ဦးလို သဘောထားပြီး မဲပေးကြဖို့လည်း ထောက်ခံသူတွေကို တိုက်တွန်းထားပါတယ်။

ရီပတ်ဘလစ်ကန်ပါတီရဲ့ ကြားဖြတ်ရွေးကောက်ပွဲဆိုင်ရာ ညီလာခံကို ဒါလတ်စ်မြို့မှာ ၂ ရက်ကြာ ကျင်းပတဲ့ နေတာဖြစ်ပြီး ဒီကနေ့ စက်တင်ဘာ ၁၀ ရက်နေ့မှာ ဒုတိယသမ္မတ ဂျေဒီဗန့်စ် (JD Vance) ရဲ့ အဓိကမိန့်ခွန်းအပြီးမှာ ထရမ့်က နိဂုံးချုပ်အမှာစကား ပြောကြားဖို့ ရှိနေပါတယ်။

Ref & Photo; Reuters

မြို့တော် News Channel