အရေးပေါ်
နိုင်ငံတကာသတင်း

နိုဘယ်ငြိမ်းချမ်းရေးဆု ရထိုက်ပေမဲ့ သူ့ကို ပေးမယ်လို့တော့ မထင်ဘူးလို့ ထရမ့် ပြော

၂၀၂၆ အောက်တိုဘာ ၈ Myo Taw
နိုဘယ်ငြိမ်းချမ်းရေးဆု ရထိုက်ပေမဲ့ သူ့ကို ပေးမယ်လို့တော့ မထင်ဘူးလို့ ထရမ့် ပြော

နိုဘယ်ငြိမ်းချမ်းရေးဆု ရထိုက်ပေမဲ့ သူ့ကို ပေးမယ်လို့တော့ မထင်ဘူးလို့ ထရမ့် ပြော

အောက်တိုဘာ ၈

အမေရိကန် သမ္မတ ဒေါ်နယ်ထရမ့်က သူဟာ နိုဘယ်ငြိမ်းချမ်းရေးဆုနဲ့ ထိုက်တန်သူတစ်ဦး ဖြစ်ပေမဲ့ ဒီဆုကို အမှန်တကယ် ရ၊ မရ ဆိုတာကတော့ သံသယရှိနေဆဲပဲလို့ အောက်တိုဘာလ ၇ ရက်နေ့က ထုတ်ဖော်ပြောဆိုလိုက်ပါတယ်။

အောက်တိုဘာလ ၉ ရက်နေ့မှာ နော်ဝေ နိုဘယ်ကော်မတီက ၂၀၂၆ ခုနှစ်အတွက် ဆုရရှိသူကို တရားဝင် ကြေညာတော့မှာ ဖြစ်ပါတယ်။

ဒီအပေါ်မှာ သမ္မတ ထရမ့်က “သူတို့ ဘယ်လိုဆုံးဖြတ်မလဲဆိုတာ ကျွန်တော် မသိပါဘူး။ သူတို့က ကျွန်တော့်လို လူမျိုးတွေကို ဆုပေးလေ့မရှိဘူးလို့ နာမည်ထွက်နေတာပဲလေ” လို့ အိမ်ဖြူတော် သမ္မတရုံးခန်းမှာ သတင်းထောက်တွေကို ပြောဆိုခဲ့တာပါ။

ပြီးခဲ့တဲ့နှစ်က အိမ်ဖြူတော်ကို ပြန်လည်ရောက်ရှိလာချိန်ကတည်းက ကမ္ဘာ့အထင်ကရအရှိဆုံးဖြစ်တဲ့ နိုဘယ်ငြိမ်းချမ်းရေးဆုကို သူရသင့်တယ်လို့ ထရမ့်က အကြိမ်ကြိမ် ပြောဆိုထားပါတယ်။

ပြီးခဲ့တဲ့ ဇန်နဝါရီလတုန်းကလည်း ဗင်နီဇွဲလား အတိုက်အခံခေါင်းဆောင် မာရီယာ ကိုရီနာ မာချာဒိုက အမေရိကန်ရဲ့ ထောက်ခံမှု ရရှိဖို့ ကြိုးပမ်းတဲ့အနေနဲ့ သူမရဲ့ ၂၀၂၅ ခုနှစ် နိုဘယ်ငြိမ်းချမ်းရေးဆုတံဆိပ်ကို ထရမ့်ဆီ လက်လွှဲပေးအပ်ခဲ့တာကြောင့် သွယ်ဝိုက်တဲ့နည်းနဲ့ ဒီဆုကို ဂုဏ်ယူစွာ လက်ခံရရှိခဲ့ဖူးတယ်လို့လည်း ထရမ့်က ထည့်သွင်းပြောဆိုခဲ့ပါတယ်။

သမ္မတတာဝန် စတင်ယူခဲ့တဲ့ ဇန်နဝါရီလကစပြီး ပဋိပက္ခပေါင်း ၈ ခုကို ဝင်ရောက်ဖြေရှင်းပေးခဲ့တာကြောင့် အခုဆုကို ရသင့်တယ်လို့ ထရမ့်က ပြောဆိုထားသလို ကမ္ဘောဒီးယား၊ အစ္စရေးနဲ့ ပါကစ္စတန် ခေါင်းဆောင်တွေကလည်း သူ့ကို ဆုအတွက် အမည်စာရင်းတင်သွင်းထားတယ်လို့ ပြောဆိုထားကြပေမဲ့ ဒါကို သီးခြားအတည်ပြုနိုင်ခြင်းတော့ မရှိသေးပါဘူး။

တစ်ဖက်မှာလည်း သမ္မတ ထရမ့် ဝင်ရောက်စေ့စပ်ပေးခဲ့တယ်လို့ ပြောဆိုထားတဲ့ ကွန်ဂိုဒီမိုကရက်တစ်သမ္မတနိုင်ငံ (DRC) နဲ့ ကမ္ဘောဒီးယား-ထိုင်း နယ်စပ်ဒေသ အပါအဝင် နေရာတချို့မှာ တိုက်ပွဲတွေ ပြန်လည်ဖြစ်ပွားနေတာကြောင့် သက်ဆိုင်ရာ အဖွဲ့အစည်းတွေက အမေရိကန်ရဲ့ သံတမန်ရေးအခန်းကဏ္ဍအပေါ် သဘောထားကွဲလွဲနေကြပါတယ်။

ဒါ့အပြင် ဒုတိယအကြိမ် သမ္မတသက်တမ်း စတင်တဲ့နေ့မှာပဲ အဆုံးသတ်ပေးမယ်လို့ ကတိပြုခဲ့တဲ့ ယူကရိန်း-ရုရှား စစ်ပွဲကိုလည်း အခုအချိန်အထိ ငြိမ်းချမ်းရေးရအောင် မစွမ်းဆောင်နိုင်သေးပါဘူး။

ဒီနှစ် နိုဘယ်ငြိမ်းချမ်းရေးဆုအတွက် ပုပ်ရဟန်းမင်းကြီး လီယို၊ အပြည်ပြည်ဆိုင်ရာ ရာဇဝတ်တရားရုံး (ICC) နဲ့ ပါလက်စတိုင်းနယ်မြေဆိုင်ရာ ကုလသမဂ္ဂ အထူးကိုယ်စားလှယ်တို့က ဆုရရှိဖို့ ရေပန်းအစားဆုံး စာရင်းမှာ ပါဝင်နေပါတယ်။

မြို့တော် News Channel

ဓာတ်ပုံများ (1)

ဆက်စပ် သတင်းများ

ဆယ်လီတဦးကို အရူးအမူး စွဲလမ်းနေတဲ့ ပရိသတ် အိမ်ထဲအတင်းဝင်ပြီး လက်ထပ်ခွင့်တောင်းရာက ရိုက်နှက်ခံရလို့ သေဆုံး နိုင်ငံတကာသတင်း

ဆယ်လီတဦးကို အရူးအမူး စွဲလမ်းနေတဲ့ ပရိသတ် အိမ်ထဲအတင်းဝင်ပြီး လက်ထပ်ခွင့်တောင်းရာက ရိုက်နှက်ခံရလို့ သေဆုံး

အိန္ဒိယနိုင်ငံမှာ နာမည်ကြီး လူမှုကွန်ရက် ဆယ်လီတစ်ဦးရဲ့ နေအိမ်ထဲကို ကျူးကျော်ဝင်ရောက်ပြီး လက်ထပ်ခွင့်တောင်းခဲ့တဲ့ အစွဲအလမ်းကြီးတဲ့ ပရိသတ်တဦးဟာ ဆယ်လီရဲ့ မိသားစုဝင်တွေနဲ့ အိမ်နီးချင်းတွေရဲ့ ဝိုင်းဝန်းရိုက်နှက်မှုကြောင့် သေဆုံးသွားခဲ့ပါတယ်။

ဖတ်ရန်
ကမ္ဘာ့အင်အားကြီး ၃ နိုင်ငံရဲ့ သမိုင်းဝင်တွေ့ဆုံမှု ပုံရိပ်ပိုင်း အားကောင်းပေမဲ့ ရလဒ်ပိုင်း အားနည်း နိုင်ငံတကာသတင်း

ကမ္ဘာ့အင်အားကြီး ၃ နိုင်ငံရဲ့ သမိုင်းဝင်တွေ့ဆုံမှု ပုံရိပ်ပိုင်း အားကောင်းပေမဲ့ ရလဒ်ပိုင်း အားနည်း

ကမ္ဘာ့အင်အားကြီး ၃ နိုင်ငံဖြစ်တဲ့ တရုတ်၊ အမေရိကန်နဲ့ ရုရှားခေါင်းဆောင်တွေ စားပွဲအဝိုင်းကြီးတခုမှာ အတူထိုင်နေတဲ့ မြင်ကွင်းဟာ ၂၁ ရာစု သံတမန်ရေးရာ သမိုင်းမှာ မှတ်တမ်းဝင်ကျန်ရစ်မယ့်…

ဖတ်ရန်
ကျန်းမာရေးမကောင်းတဲ့ ပြည်သူ့စစ်မှုထမ်း တပ်သား ၁ ဦး မတရားခိုင်းစေခံရမှုကြောင့် သေဆုံး ပြည်တွင်းသတင်း

ကျန်းမာရေးမကောင်းတဲ့ ပြည်သူ့စစ်မှုထမ်း တပ်သား ၁ ဦး မတရားခိုင်းစေခံရမှုကြောင့် သေဆုံး

ဧရာဝတီတိုင်း၊ ပုသိမ်ခရိုင်၊ သာပေါင်းမြို့နယ်မှာ ကျန်းမာရေးမကောင်းတဲ့ စစ်မှုထမ်းတပ်သားသစ်ကို အလုပ်ကြမ်းခိုင်းစေရာက သေဆုံးခဲ့တယ်လို့ သိရပါတယ်။

ဖတ်ရန်
မလေးရှားရောက် ရိုဟင်ဂျာဒုက္ခသည် ၁၀,၀၀၀ ကို တူရကီနိုင်ငံမှာ ပြန်လည်အခြေချနေထိုင်ခွင့်ပေးဖို့ အစိုးရအဖွဲ့ သဘောတူ နိုင်ငံတကာသတင်း

မလေးရှားရောက် ရိုဟင်ဂျာဒုက္ခသည် ၁၀,၀၀၀ ကို တူရကီနိုင်ငံမှာ ပြန်လည်အခြေချနေထိုင်ခွင့်ပေးဖို့ အစိုးရအဖွဲ့ သဘောတူ

မလေးရှားနိုင်ငံမှာ နေထိုင်နေကြတဲ့ ရိုဟင်ဂျာဒုက္ခသည် ၁၀,၀၀၀ ကို တူရကီနိုင်ငံသို့ ပြန်လည်နေရာချထားနိုင်ဖို့အတွက် အဆိုပြုချက်ကို မလေးရှားအစိုးရအဖွဲ့က သဘောတူလိုက်တယ်လို့ မလေးရှား ဒုတိယဝန်ကြီးချုပ်နှင့် ကျေးလက်ဒေသနှင့် ဒေသဖွံ့ဖြိုးရေးဝန်ကြီး…

ဖတ်ရန်