အရေးပေါ်
နိုင်ငံတကာသတင်း

သေဒဏ်ပေးဖို့ ဆေး ၂ ကြိမ်ထိုးခဲ့ပေမယ့် သေဆုံးခြင်းမရှိတဲ့ အမေရိကန်အမျိုးသမီး အရေးပါ် ဆေးရုံတင်ထားရ

၂၀၂၆ အောက်တိုဘာ ၂ Myo Taw
သေဒဏ်ပေးဖို့ ဆေး ၂ ကြိမ်ထိုးခဲ့ပေမယ့် သေဆုံးခြင်းမရှိတဲ့ အမေရိကန်အမျိုးသမီး အရေးပါ် ဆေးရုံတင်ထားရ

သေဒဏ်ပေးဖို့ ဆေး ၂ ကြိမ်ထိုးခဲ့ပေမယ့် သေဆုံးခြင်းမရှိတဲ့ အမေရိကန်အမျိုးသမီး အရေးပါ် ဆေးရုံတင်ထားရ

အောက်တိုဘာ ၂

အမေရိကန်နိုင်ငံ၊ တင်နက်ဆီပြည်နယ်မှာ သေဒဏ်ချမှတ်ခံထားရတဲ့ အမျိုးသမီးတဦးကို သေဒဏ်ပေးဖို့ ဆေး ၂ ကြိမ် ထိုးပေးခဲ့ပေမယ့် သေဆုံးခြင်းမရှိတာကြောင့် ဆေးရုံကို ပို့ဆောင်ထားရတယ်လို့ The Guardian သတင်းဌာနက ဖော်ပြပါတယ်။

အသက် ၅၀ အရွယ် ခရစ္စတာ ပိုက်ခ် (Christa Pike) ဟာ ၁၉၉၅ ခုနှစ်က အသက် ၁၉ နှစ်အရွယ် ကိုလင်း စလဲမားကို သတ်ဖြတ်ခဲ့မှုနဲ့ ၁၉၉၆ ခုနှစ်ကတည်းက သေဒဏ်ချမှတ်ခံထားရသူ ဖြစ်ပါတယ်။ သူမဟာ ပြစ်မှုကျူးလွန်ချိန်မှာ အသက် ၁၈ နှစ်သာ ရှိသေးတယ်လို့ သိရပါတယ်။

စက်တင်ဘာ ၃၀ ရက်နေ့က ခရစ္စတာ ပိုက်ခ်ကို သေဒဏ်စီရင်ဖို့အတွက် Pentobarbital ဆေးဝါးကို ၂ ကြိမ် ထိုးပေးခဲ့ပေမယ့် သေဆုံးခြင်းမရှိဘဲ အသက်ရှင်နေဆဲ ဖြစ်တာကြောင့် သေဒဏ်ပေးတဲ့ လုပ်ငန်းစဉ်ကို ရပ်တန့်ခဲ့ရပြီး အရေးပေါ်လူနာတင်ယာဉ်နဲ့ ဆေးရုံကို ပို့ဆောင်ခဲ့ရပါတယ်။ ပိုက်ခ်ရဲ့ ရှေ့နေတွေကတော့ သူမဟာ လက်ရှိမှာ အရေးပေါ် အထူးကြပ်မတ် ကုသမှုခံယူနေရပြီး အခြေအနေ စိုးရိမ်ရတယ်လို့ ပြောပါတယ်။

ဒီဖြစ်စဉ်နဲ့ ပတ်သက်ပြီး ခရစ္စတာ ပိုက်ခ်ရဲ့ ရှေ့နေတွေကတော့ အခုလုပ်ရပ်ဟာ အကျဉ်းသားကို ပြင်းထန်တဲ့ ဝေဒနာ ခံစားရစေပြီး ရက်စက်ကြမ်းကြုတ်တဲ့ ပြစ်ဒဏ်ပေးခြင်းကနေ ကင်းလွတ်ခွင့်ရှိတဲ့ ဖွဲ့စည်းပုံအခြေခံဥပဒေဆိုင်ရာ အခွင့်အရေးကို ပြည်နယ်အစိုးရက ချိုးဖောက်လိုက်တာဖြစ်တယ်လို့ ဝေဖန်ထားပါတယ်။

ဒီသေဒဏ်စီရင်မှု မတိုင်ခင်က ခရစ္စတာ ပိုက်ခ်ရဲ့ သေဒဏ်ပေးမှုကို အမှတ် (၆) ပြည်ထောင်စု အယူခံတရားရုံး (Sixth Circuit Court of Appeals) က နောက်ဆုံးအချိန်မှာ ယာယီရပ်ဆိုင်းဖို့ အမိန့်ထုတ်ခဲ့ပေမယ့် အမေရိကန်တရားလွှတ်တော်ချုပ် (Supreme Court) က အဆိုပါယာယီရပ်ဆိုင်းမိန့်ကို ပယ်ဖျက်ပြီးနောက် သေဒဏ်ပေးမှုကို ဆက်လက်လုပ်ဆောင်ခဲ့တာ ဖြစ်တယ်လို့ သိရပါတယ်။

ပိုက်ခ်ရဲ့ ရှေ့နေတွေဟာ သူမ ငယ်စဉ်ကလေးဘဝက လိင်ပိုင်းဆိုင်ရာနဲ့ ကိုယ်ထိလက်ရောက် အကြမ်းဖက်ခံခဲ့ရမှုတွေ၊ လျစ်လျူရှုခံခဲ့ရမှုတွေနဲ့ စိတ်ကျန်းမာရေးဆိုင်ရာ အခြေအနေတွေကို ထည့်သွင်းစဉ်းစားပေးဖို့ အယူခံဝင်ထားတယ်လို့ သိရပါတယ်။

အခုဖြစ်စဉ်ကြောင့် တင်နက်ဆီပြည်နယ်အုပ်ချုပ်ရေးမှူးက ၂၀၂၆ ခုနှစ်အတွင်း ကျန်ရှိနေတဲ့ သေဒဏ်ပေးမှုတွေကို ယာယီရပ်ဆိုင်းထားပြီး ဖြစ်စဉ်ကို ပြန်လည်စစ်ဆေးဖို့ အမိန့်ပေးထားတယ်လို့ ဆိုပါတယ်။

ခရစ္စတာ ပိုက်ခ်ကို သေဒဏ်ပေးမှု အောင်မြင်ခဲ့ပါက တင်နက်ဆီပြည်နယ်မှာ နှစ်ပေါင်း ၂၀၀ ကျော်အတွင်း ပထမဆုံး သေဒဏ်ပေးခံရတဲ့ အမျိုးသမီး ဖြစ်လာမယ်လို့ သိရပါတယ်။

Ref & Photo: The Guardian

မြို့တော် News Channel

ဓာတ်ပုံများ (1)

ဆက်စပ် သတင်းများ

ဆယ်လီတဦးကို အရူးအမူး စွဲလမ်းနေတဲ့ ပရိသတ် အိမ်ထဲအတင်းဝင်ပြီး လက်ထပ်ခွင့်တောင်းရာက ရိုက်နှက်ခံရလို့ သေဆုံး နိုင်ငံတကာသတင်း

ဆယ်လီတဦးကို အရူးအမူး စွဲလမ်းနေတဲ့ ပရိသတ် အိမ်ထဲအတင်းဝင်ပြီး လက်ထပ်ခွင့်တောင်းရာက ရိုက်နှက်ခံရလို့ သေဆုံး

အိန္ဒိယနိုင်ငံမှာ နာမည်ကြီး လူမှုကွန်ရက် ဆယ်လီတစ်ဦးရဲ့ နေအိမ်ထဲကို ကျူးကျော်ဝင်ရောက်ပြီး လက်ထပ်ခွင့်တောင်းခဲ့တဲ့ အစွဲအလမ်းကြီးတဲ့ ပရိသတ်တဦးဟာ ဆယ်လီရဲ့ မိသားစုဝင်တွေနဲ့ အိမ်နီးချင်းတွေရဲ့ ဝိုင်းဝန်းရိုက်နှက်မှုကြောင့် သေဆုံးသွားခဲ့ပါတယ်။

ဖတ်ရန်
ကမ္ဘာ့အင်အားကြီး ၃ နိုင်ငံရဲ့ သမိုင်းဝင်တွေ့ဆုံမှု ပုံရိပ်ပိုင်း အားကောင်းပေမဲ့ ရလဒ်ပိုင်း အားနည်း နိုင်ငံတကာသတင်း

ကမ္ဘာ့အင်အားကြီး ၃ နိုင်ငံရဲ့ သမိုင်းဝင်တွေ့ဆုံမှု ပုံရိပ်ပိုင်း အားကောင်းပေမဲ့ ရလဒ်ပိုင်း အားနည်း

ကမ္ဘာ့အင်အားကြီး ၃ နိုင်ငံဖြစ်တဲ့ တရုတ်၊ အမေရိကန်နဲ့ ရုရှားခေါင်းဆောင်တွေ စားပွဲအဝိုင်းကြီးတခုမှာ အတူထိုင်နေတဲ့ မြင်ကွင်းဟာ ၂၁ ရာစု သံတမန်ရေးရာ သမိုင်းမှာ မှတ်တမ်းဝင်ကျန်ရစ်မယ့်…

ဖတ်ရန်
ကျန်းမာရေးမကောင်းတဲ့ ပြည်သူ့စစ်မှုထမ်း တပ်သား ၁ ဦး မတရားခိုင်းစေခံရမှုကြောင့် သေဆုံး ပြည်တွင်းသတင်း

ကျန်းမာရေးမကောင်းတဲ့ ပြည်သူ့စစ်မှုထမ်း တပ်သား ၁ ဦး မတရားခိုင်းစေခံရမှုကြောင့် သေဆုံး

ဧရာဝတီတိုင်း၊ ပုသိမ်ခရိုင်၊ သာပေါင်းမြို့နယ်မှာ ကျန်းမာရေးမကောင်းတဲ့ စစ်မှုထမ်းတပ်သားသစ်ကို အလုပ်ကြမ်းခိုင်းစေရာက သေဆုံးခဲ့တယ်လို့ သိရပါတယ်။

ဖတ်ရန်
မလေးရှားရောက် ရိုဟင်ဂျာဒုက္ခသည် ၁၀,၀၀၀ ကို တူရကီနိုင်ငံမှာ ပြန်လည်အခြေချနေထိုင်ခွင့်ပေးဖို့ အစိုးရအဖွဲ့ သဘောတူ နိုင်ငံတကာသတင်း

မလေးရှားရောက် ရိုဟင်ဂျာဒုက္ခသည် ၁၀,၀၀၀ ကို တူရကီနိုင်ငံမှာ ပြန်လည်အခြေချနေထိုင်ခွင့်ပေးဖို့ အစိုးရအဖွဲ့ သဘောတူ

မလေးရှားနိုင်ငံမှာ နေထိုင်နေကြတဲ့ ရိုဟင်ဂျာဒုက္ခသည် ၁၀,၀၀၀ ကို တူရကီနိုင်ငံသို့ ပြန်လည်နေရာချထားနိုင်ဖို့အတွက် အဆိုပြုချက်ကို မလေးရှားအစိုးရအဖွဲ့က သဘောတူလိုက်တယ်လို့ မလေးရှား ဒုတိယဝန်ကြီးချုပ်နှင့် ကျေးလက်ဒေသနှင့် ဒေသဖွံ့ဖြိုးရေးဝန်ကြီး…

ဖတ်ရန်