လှိုင်သာယာမှာ လူငယ်တဦးကို ၄ ရက်ကြာ ဖမ်းဆီးချုပ်နှောင်ခဲ့တဲ့ အုပ်ကြီးနဲ့အဖွဲ့ အမှုဖွင့်စစ်ဆေးခံရ

လှိုင်သာယာမှာ လူငယ်တဦးကို ၄ ရက်ကြာ ဖမ်းဆီးချုပ်နှောင်ခဲ့တဲ့ အုပ်ကြီးနဲ့အဖွဲ့ အမှုဖွင့်စစ်ဆေးခံရ

စက်တင်ဘာ ၁၀

ရန်ကုန်တိုင်း၊ လှိုင်သာယာ(အရှေ့ပိုင်း)မြို့နယ်၊ အမှတ် (၈) ရပ်ကွက်၊ ကျန်စစ်သားလမ်း ကျန်စစ်မင်းအိမ်ရာရှေ့မှာ အလုပ်ကနေပြန်လာတဲ့ အမျိုးသားတဦးကို ရပ်ကွက်အုပ်ချုပ်ရေးအဖွဲ့က စက်တင်ဘာလ ၄ ရက်နေ့မှာ ဖမ်းဆီးချုပ်နှောင်ခဲ့တယ်လို့ သိရပါတယ်။

လှိုင်သာယာ(အရှေပိုင်း)မြို့နယ်၊ အမှတ်(၆)ရပ်ကွက်နေ ကိုနိုင်နိုင်ကျော် ဟာ စက်တင်ဘာလ ၄ ရက် ညပိုင်းက သူအလုပ်လုပ်တဲ့ စက်ရုံကနေပြန်လာစဉ် ရပ်ကွက်အုပ်ချုပ်ရေး လှည့်ကင်းအဖွဲ့လို့ဆိုကာ လူ ၆ ဦးက အမှတ်(၈)ရပ်ကွက်ရုံးသို့ ဖမ်းဆီးခေါ်ဆောင်သွားခဲ့တယ်လို့ သိရပါတယ်။

"သူက စက်ရုံကအပြန် ဘီယာသောက်ထားတယ်။ (၃)ထိပ်မှတ်တိုင်ကို သုံးဘီးငှားစီးပြီး ပြန်တာ။ သုံးဘီးသမားက သုံးထိပ်ကို မပို့ပေးဘဲ လှိုင်သာယာပြည်သူ့ဆေးရုံရှေ့မှာ ချပေးတာ။ ညဘက်ခွေးတွေကလည်း ဟောင်တော့ သူက ဟိုဘက်လမ်းကူးသွားချိန် လူ(၆)ဦးက ရပ်ကွက်ရုံးသို့ ဖမ်းဆီးခေါ်သွားတာ" လို့ ကိုနိုင်နိုင်ကျော် နဲ့ နီးစပ်သူတဦးက ပြောပါတယ်။

ကိုနိုင်နိုင်ကျော် ဟာ အမှတ်(၈)ရပ်ကွက်ရုံးမှာ ၄ ရက်တိုင်တိုင် ဖမ်းဆီးချုပ်နှောင်ခံခဲ့ရပြီး စက်တင်ဘာလ ၈ ရက် ည(၇)နာရီခန့်မှာ အမှတ်(၆)ရပ်ကွက် အုပ်ချုပ်ရေးမှူးနှင့်အဖွဲ့က အမှတ်(၈)ရပ်ကွက်အုပ်ချုပ်ရေးမှူးရုံးကို လာရောက်ညှိနှိုင်းပြောဆိုရာက ပြန်လည်လွှတ်မြောက် လာခဲ့တာဖြစ်တယ်လို့ သိရပါတယ်။

ကိုနိုင်နိုင်ကျော် ကို ဖမ်းဆီးချုပ်နှောင်ထားခဲ့တဲ့ လှိုင်သာယာ(အရှေ့ပိုင်း)မြိုနယ်၊ အမှတ်(၈)ရပ်ကွက်အုပ်ချုပ်ရေးမှူး ဦးတင်နိုင်စိုး(၅၀-နှစ်)၊ ကျော်ကျော်ဝင်း (ခ) ကျော်ကြီး (၂၇-နှစ်)၊ လွင်မိုး (၂၉-နှစ်)၊ ကျော်ထက်ခေါင် (၂၅ နှစ်)၊ ဇော်မင်း (၄၂ နှစ်) နှင့် ကျော်သက်ပိုင်(ခ)ကျားပေါက် တို့ (၇) ဦးကို လှိင်သာယာ(အရှေပိုင်း)မြို့မရဲစခန်းက အမှုဖွင့် စစ်ဆေးနေတယ်လို့ သိရပါတယ်။

မြို့တော် News Channel