အာဏာသိမ်းစစ်တပ်က ကံပေါက်ရွာကို ဂျိုင်ရိုကော်ပတာ ၃ စီးနဲ့ ဗုံးကြဲခဲ့လို့ မိသားစုဝင် ၃ ဦး သေဆုံး
စက်တင်ဘာ ၁၆
စစ်ကိုင်းတိုင်း၊ ပုလဲမြို့နယ်နဲ့ အနောက်ဘက် ၅ မိုင်အကွာမှာရှိတဲ့ ကံပေါက်ရွာကို အာဏာသိမ်းစစ်တပ်ရဲ့ ဂျိုင်ရိုကော်ပတာ ၃ စီးက စက်တင်ဘာလ ၁၅ ရက်နေ့ နေ့လယ် ၁၂ နာရီခန့်မှာ ဗုံးကြဲတိုက်ခိုက်ခဲ့တဲ့အတွက် အရပ်သား ၃ ဦး အသက်ဆုံးရှုံးခဲ့တယ်လို့ သိရပါတယ်။
"ရုပ် အလောင်း ၂ လောင်းက လွှင့်စင်ပြီး ခေါင်မိုးပေါ်အထိ တက်ချိတ်သွားတယ်၊ တစ်လောင်းကတော့ ခြံစည်းရိုးမှာ ချိတ်နေတာ။ အမေဖြစ်သူရယ်၊ ချွေးမရယ်၊ သားဖြစ်သူရယ် မိသားစုဝင် ၃ ဦးလုံး သေသွားတယ်။ အလောင်းတွေကတော့ မြင်ရက်စရာ မရှိဘူး" လို့ ဒေသခံ တဦးက ပြောပါတယ်။
ဗုံးကြဲတိုက်ခိုက်ခံရတဲ့ ကံပေါက်ကျေးရွာမှာ တော်လှန်ရေးအင်အားစုတွေ အခြေချနေထိုင်နေတာမျိုး မရှိသလို စစ်ကြောင်းထိုးနေတာမျိုးလည်း မရှိဘူးလို့ သိရပါတယ်။
အဆိုပါတိုက်ခိုက်မှုကြောင့် ပြင်းထန်ဒဏ်ရာ ရရှိသူ ၁ ဦး နဲ့ ထိခိုက်ဒဏ်ရာရရှိသူ ၁ ဦး ရှိခဲ့ပြီး နေအိမ် ၂ လုံးလည်း ပျက်စီးခဲ့တယ်လို့ သိရပါတယ်။
၂၀၂၁ ခုနှစ်မှ ၂၀၂၆ ခုနှစ်အထိ အာဏာသိမ်းစစ်တပ်က နိုင်ငံအနှံ့ လေကြောင်းတိုက်ခိုက်မှုအကြိမ်ရေ ၁၀,၅၀၀ ကျော် ပြုလုပ်ခဲ့ပြီး အရပ်သားပြည်သူ ၆၀၀၀ ကျော် အသက်ဆုံးရှုံးခဲ့တယ်လို့ မြန်မာနိုင်ငံရှေ့နေများကောင်စီက စက်တင်ဘာလ ၁၄ ရက်နေ့မှာ အသိပေးထုတ်ပြန်ထားပါတယ်။
မြို့တော် News Channel
ပြည်တွင်းသတင်း
မန္တလေးတိုင်း၊ အောင်မြေသာဇံမြို့နယ်၊ မင်းတဲအီကင်းရပ်ကွက်မှာ အိမ်ထောင်စုနှစ်စုမှ အသက် ၃၀ ဝန်းကျင်အရွယ်ရှိ အမျိုးသား ၂ ဦးကို ရဲတပ်ဖွဲ့ဝင်တွေနဲ့ ရပ်ကွက်အုပ်ချုပ်ရေး အဖွဲ့ဝင်တွေက ဖမ်းဆီးခေါ်ဆောင်သွားခဲ့ပြီး…
ပြည်တွင်းသတင်း
စက်တင်ဘာလ ၉ ရက်နေ့က ရန်ကုန်တိုင်း၊ သင်္ဃန်းကျွန်းမြို့နယ်မှာ နေထိုင်သူ အသက် ၂၃ နှစ်အရွယ် အမျိုးသမီးငယ်တစ်ဦး ရုတ်တရက်သေဆုံးခဲ့ပြီး ရုပ်အလောင်းကို နေအိမ်မှ သေဆုံးသူရဲ့…
ရုပ်သံ
Daily NEWS
၂၀၂၆ ခုနှစ် စက်တင်ဘာလ ၁၅ ရက်နေ့အတွက် မြို့တော်ရဲ့ ညစဉ်သတင်းများ
ရုပ်သံ
Afternoon NEWS
အသက် ၁၁ နှစ်အရွယ် Grade-5 ကျောင်းသူဆီက နားကပ်လုယက်ပြီး လူသတ်ကျူးလွန်ခဲ့တဲ့ တရားခံကိုဖမ်းမိတဲ့သတင်းနှင့်အတူ မြို့တော်ရဲ့နေ့လယ်ခင်းသတင်းတင်ဆက်မှု ၂၀၂၆ ခုနှစ် စက်တင်ဘာလ ၁၅ ရက်နေ့သတင်းများ…
