နေပြည်တော်မှာ အမျိုးသားတဦး သူငယ်ချင်းတွေနှင့်အတူ အရက်သောက်ပြီး ရေဆင်းကူးရာ ရေနစ်သေဆုံး

နေပြည်တော်မှာ အမျိုးသားတဦး သူငယ်ချင်းတွေနှင့်အတူ အရက်သောက်ပြီး ရေဆင်းကူးရာ ရေနစ်သေဆုံး

စက်တင်ဘာ ၁၀

နေပြည်တော်၊ ဇမ္ဗူသီရိမြို့နယ်၊ ဉာဏသိဒ္ဓိရပ်ကွက်၊ မြမြင့်မိုရ်လမ်းရှိ ရေငန်းဆည်အတွင်း စက်တင်ဘာလ ၉ ရက် မနေ့က မွန်းလွဲ ၁၂ နာရီခန့်မှာ အမျိုးသားတစ်ဦး ရေဆင်းကူးရာက ရေနစ်သေဆုံးခဲ့တယ်လို့ သိရပါတယ်။

သိပ္ပံနှင့် နည်းပညာ (ကွန်ပြူတာနည်းပြ)ဖြစ်သူ အသက် ၂၇ နှစ်အရွယ်ရှိ ကိုထင်လင်း ဟာ သူငယ်ချင်းတွေနှင့်အတူ အရက်သောက်ပြီး ဉာဏသိဒ္ဓိရပ်ကွက်၊ မြမြင့်မိုရ်လမ်းရှိ ရေငန်းဆည်အတွင်း ရေဆင်းကူးရာ ရေနစ်သေဆုံးခဲ့တာ ဖြစ်ပါတယ်။

ရေနစ်သေဆုံးသွားသူ ကိုထင်လင်းရဲ့ အလောင်းကို စက်တင်ဘာလ ၉ ရက် မနေ့က မွန်းလွဲ ၁ နာရီကျော်မှာ တွေ့ရှိခဲ့တာဖြစ်ပြီး နေပြည်တော် ခုတင်-၁၀၀၀ ပြည်သူ့ဆေးရုံကို ပို့ဆောင်ပေးခဲ့ပါတယ်လို့ စိုးမိုးသူပရဟိတ လူမှုကူညီရေးအဖွဲ့ရဲ့ တာဝန်ရှိသူ ကိုစိုးမိုး ထံက သိရပါတယ်။

မြို့တော် News Channel